De acordo co disposto no artigo 3.2º do Decreto 365/1996, do 26 de setembro, polo que se regulan os horarios comerciais no ámbito na Comunidade Autónoma de Galicia, modificado polo Decreto 98/1998, do 20 de marzo, as festas locais soamente se consideraran hábiles para os efectos de actividade comercial se os respectivos concellos así llo solicitan á Consellería de Industria e Comercio con anterioridade ó 15 de novembro de cada ano para a súa incorporación o calendario que rexerá no ano seguinte.
Unha vez transcorrido o prazo para a presentación de solicitudes dos concellos, e á vista das presentadas.
Na súa virtude
DISPOÑO:
Primeira.-Autoriza-la apertura dos establecementos comerciais durante o ano 1999 nos festivos locais dos concellos e días que de seguido se relacionan:
-Concello de Arteixo (A Coruña) 16 de febreiro e 26 de xullo.
-Concello de Cerdido (A Coruña) 16 de febreiro e 24 de decembro.
-Concello de Culleredo (A Coruña) 27 de decembro.
-Concello de Ordes (A Coruña) 16 de agosto.
-Concello de Val do Dubra (A Coruña) 13 de maio e 6 de agosto.
-Concello de Alfoz ( Lugo) 16 de febreiro e 7 de decembro.
-Concello de Castro de Rei (Lugo) 16 de febreiro e 9 de agosto.
-Concello de Barbadás (Ourense) 3 de maio e 11 de novembro.
-Concello de Barco de Valdeorras (Ourense) 24 de maio e 14 de setembro.
-Concello de Boborás (Ourense) 5 de abril e 11 de novembro.
-Concello de Calvos de Randín (Ourense) 17 de febreiro e 3 de agosto.
-Concello de Laza (Ourense) 3 de maio.
-Concello de Vilardevós (Ourense) 11 de novembro.
-Concello de Gondomar (Pontevedra) 12 de xullo e 16 de agosto.
-Concello de Lalín (Pontevedra) 20 e 21 de setembro.
-Concello de Sanxenxo (Pontevedra) 5 de abril e 25 de agosto.
-Concello de Tomiño (Pontevedra) 16 de agosto e 13 de setembro.
Segunda.-O resto dos festivos locais non determinados no punto anterior consideraranse inhábiles para os efectos de actividade comercial durante o ano 1999.
Santiago de Compostela, vintecatro de novembro de mil novecentos noventa e oito.
Antonio Couceiro Méndez
Conselleiro de Industria e Comercio
10352