A orde da Consellería da Presidencia e Administración Pública do 9 de febreiro de 1998 (DOG do 13 de febreiro) pola que se aproban as bases que rexerán as convocatorisa de axudas e bolsas correspondentes á promoción xeral do coñecemento e se procede á súa convocatoria prevé, no seu anexo III, a concesión de bolsas para persoal auxiliar de investigación (técnicos especialistas de FP2).

Por resolución desta secretaría xeral do 26 de xuño de 1998 (DOG do 7 de xullo) e de conformidade coa base 4 do anexo III.A da orde de convocatoria, fíxose pública a relación de centros habilitados para a incorporación de técnicos de FP2 e abriuse o prazo para a presentación de solicitudes para o concurso para a selección de novos bolseiros.

De acordo co establecido no punto segundo c) da dita resolución, do 7 ó 17 de setembro expuxéronse as listas de solicitudes admitidas e excluídas, poden

do, durante ese mesmo período, os interesados formular reclamacións para emendar erros e faltas de documentos.

Rematado este prazo e estudiadas as reclamacións presentadas, as solicitudes admitidas foron estudiadas pola Comisión de Selección de Investigación creada por Decreto 37/1998, do 30 de xaneiro (DOG do 6 de febreiro) e orde da Consellería da Presidencia e Administración Pública do 21 de abril de 1998 (DOG do 12 de maio), conforme o establecido no punto B.6 das bases da convocatoria.

En consecuencia, atendendo a proposta elaborada pola dita comisión, esta secretaría xeral

RESOLVE:

Primeiro.-Concederlles bolsas ás persoas que se relacionan no anexo I a esta resolución, para colaborar nas actividades de investigación dos centros habilitados que figuran no anexo II da resolución desta secretaría xeral do 26 de xuño de 1998 (DOG do 7 de xullo). Os beneficiarios aparecen ordenados por especialidades e en orde decrecente segundo a puntuación acadada.

Segundo.-Declarar desertas as prazas convocadas para as especialidades que a seguir se indican por non terse presentada ningunha solicitude para elas ou ser superior o número de prazas ó de solicitudes recibidas:

-Aproveitamentos forestais e conservación da natureza: 2 prazas.

-Composición: 1 praza.

-Sistemas automáticos e programables: 1 praza.

Terceiro.-A contía destas bolsas será de 70.000 ptas. mensuais durante un período de 12 meses, contado a partir do 1 de novembro de 1997. Así mesmo, a Consellería da Presidencia e Administración Pública subscribirá un seguro de accidentes en beneficios dos bolseiros polo período de duración da bolsa.

Cuarto.-Os servicios da dirección xeral adoptarán as medidas necesarias para a adscrición dos bolseiros seleccionados ós centros habilitados, de acordo co procedemento establecidos nos puntos A.5 e B.6 do anexo III da orde de convocatoria.

Quinto.-Por calquera incidencia durante o período de desfrute destas bolsas será de aplicación o disposto no punto B.10 do anexo III da Orde do 9 de febreiro de 1998. Para os efectos de posibles renuncias, de acordo coa proposta da comisión, esta secretaría xeral procederá, se é o caso, en funcións dos créditos remanentes, a adxudicárlle-la dita axuda a outros candidatos da mesma especialidade tendo en conta os suplentes que se relacionan no anexo II. A asignación farase, dentro de cada especialidade, pola mesma orde na que se relacionan.

Sexto.-A inobservancia por parte dos beneficiarios de calquera das bases establecidas na orde de con

vocatoria suporá a perda do dereito a percibi-la subvención correspondente.

Sétimo.-Contra esta resolución poderán os interesados interpoñer recurso ordinario ante o conselleiro da Presidencia e Administración Pública no prazo dun mes contado a partir do día seguinte ó da data de publicación desta resolución no DOG, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 20 de outubro de 1998.

Miguel A. Ríos Fernández

Secretario xeral de Investigación

e Desenvolvemento

ANEXO I

BOLSAS CONCEDIDAS

ANEXO II

SUPLENTES

9578