Con motivo da viaxe do conselleiro de Sanidade e Servicios Sociais a Cuba é necesario prove-la substitución durante o tempo da súa ausencia.

Polo tanto, en uso das atribucións que me confire o artigo 26.7º da Lei 1/1983, do 22 de febreiro, reguladora da Xunta e do seu presidente,

DISPOÑO:

Artigo único.

Durante a ausencia do conselleiro de Sanidade e Servicios Sociais, con motivo da súa viaxe a Cuba, encárgaselle o despacho de asuntos da Consellería de Sanidade e Servicios Sociais, desde o día 28 de outubro ata o seu regreso, ó conselleiro de Xustiza, Interior e Relacións Laborais.

Santiago de Compostela, vintedous de outubro de mil novecentos noventa e oito.

Manuel Fraga Iribarne

Presidente

9577