Artigo único.
Modifícase o número 1 do artigo 9º da Orde do 27 de abril do 1998, reguladora das axudas e subvencións para o fomento do emprego, no ámbito da colaboración con órganos e organismos das administracións públicas, distintas da local, universidades e entidades sen ánimo de lucro, a través dos programas de cooperación, quedando redactado como segue:
«A obra ou servicio iniciarase no prazo de quince días, contados a partir da data prevista na resolución e finalizará dentro do exercicio orzamentario no que se produce a colaboración. Non obstante, cando concorran causas debidamente xustificadas, o director xeral de Fomento de Emprego poderá autoriza-lo inicio ou a finalización con posterioridade ós anteditos prazos sen que, respectivamente, poidan exceder do 31 de decembro do 1998 e dos tres primeiros meses do exercicio orzamentario seguinte.»
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 7 de agosto do 1998.
Manuela López Besteiro
Conselleira de Familia e Promoción do Emprego, Muller e Xuventude
7367