Dentro do programa de actividades formativas da Dirección Xeral de Xuventude para o curso 1998-1999, e dadas as recentes modificacións na aplicación informática Rede de Información Xuvenil (RIX) a través de Internet/Infovía como ferramenta orientada ó persoal que presta os seus servicios na Rede Galega de Información e Documentación Xuvenil, convócanse 15 cursos monográficos sobre introducción a Internet e 5 cursos monográficos sobre introducción á informatización da Rede Galega de Información e Documentación Xuvenil.
Cinco cursos sobre a introducción á RIX.
1. Obxectivo:
Actualiza-la formación dos traballadores das oficinas e puntos de información xuvenil de Galicia, como usuarios da aplicación informática Rede de Información Xuvenil (RIX) a través de Internet ou Infovía.
2. Contido:
* Introducción a Internet.
* Acceso á aplicación RIX a través de lnternet/Infovía.
* Definición da aplicación RIX.
* Elaboración das fichas: guía e transferencia de ficheiros.
* Configuración da aplicación RIX.
* Estructura da base de datos.
* Sistema de busca: por palabras chave ou temática.
* Correo electrónico.
3. Destinatarios:
Persoal das oficinas e puntos de información xuvenil inscritos no rexistro da Rede Galega de lnformación e Documentación Xuvenil na data de remate do prazo de presentación de solicitudes e que non realizasen os cursos na anterior convocatoria (DOG nº 205, do xoves 23 de outubro de 1997).
4. Desenvolvemento e duración do curso:
* Duración: 5 horas.
* Horario: das 9 ás 14 horas.
* Lugar de celebración: aula de informática do Centro Coordinador de Información e Documentación Xuvenil.
Casa da Xuventude. Praza do Matadoiro, s/n. Santiago de Compostela.
* Número de prazas por curso: 8.
5. Os cursos monográfícos obxecto desta convocatoria realizaranse nas seguintes datas: días 20, 21, 22, 27 e 28 de outubro de 1998.
6. Inscrición:
* Prazo: desde o día seguinte ó da publicación desta resolución no Diario Oficial de Galicia ata o 15 de setembro de 1998.
* Forma: o persoal que desexe participar nestes cursos deberá solicitalo por escrito no modelo de instancia que figura ó final destas bases. Xunto coa solicitude deberá presentar certificado expedido polo secretario do concello ou asociación titular do servicio de información xuvenil conforme o solicitante está prestando os seus servicios no punto/oficina de información xuvenil, indicando o tipo de vinculación coa entidade (laboral, funcionario, voluntario, etc.).
* Lugar de presentación: as solicitudes presentaranse no rexistro xeral da Consellería de Familia e Promoción do Emprego, Muller e Xuventude, sito en San Caetano, s/n, 15771 Santiago de Compostela, ou por calquera dos medios previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
As solicitudes e demais documentación tamén poderán enviarse por fax ó número 981 54 58 43.
Inscrición fóra de prazo: só se admitirán se quedasen prazas libres.
7. Certificación de asistencia:
Ás persoas participantes outorgaráselle-lo correspondente certificado de asistencia.
Quince cursos sobre introducción a Internet.
1. Obxectivo:
Actualiza-la formación dos responsables das oficinas e puntos de información xuvenil de Galicia, como usuarios da aplicación informática Rede de Información Xuvenil (RIX) a través de Internet ou Infovía.
2. Contido:
Introducción a Internet. Cómo acceder a Internet (hardware e software. Infovía). Enderezos IP. Sistema de nomenclatura de dominios. Servicios de Internet (Correo electrónico, Usenet. News, Ftp, Telnet, World Wide Web, outros servicios...).
3. Destinatarios:
Persoal das oficinas e puntos de información xuvenil inscritos no rexistro da Rede Galega de lnformación e Documentación Xuvenil na data de remate
do prazo de presentación de solicitudes, e que fixesen o curso de introducción a RIX.
4. Desenvolvemento e duración do curso:
* Duración: 5 horas.
* Horario: das 9 ás 14 horas.
* Lugar de celebración: aula de informática do Centro Coordinador de Información e Documentación Xuvenil.
Casa da Xuventude. Praza do Matadoiro, s/n. Santiago de Compostela.
* Número de prazas por curso: 8.
5. Os cursos monográfícos obxecto desta convocatoria realizaranse nas seguintes datas: días 17, 18, 19, 24, 25 e 26 de novembro; 10, 15, 16 e 17 de decembro de 1998 e 12, 14, 19, 20 e 21 de xaneiro de 1999.
6. Inscrición:
* Prazo: desde o día seguinte ó da publicación desta resolución no Diario Oficial de Galicia ata o 15 de setembro de 1998.
* Forma: o persoal que desexe participar nestes cursos deberá solicitalo por escrito no modelo de instancia que figura ó final destas bases. Xunto coa solicitude deberá presentar certificado expedido polo secretario do concello ou asociación titular do servicio de información xuvenil conforme o solicitante está prestando os seus servicios no punto/oficina de información xuvenil, indicando o tipo de vinculación coa entidade (laboral, funcionario, voluntario, etc.). Así mesmo deberá enviar fotocopia do certificado de ter feito o curso de iniciación a RIX.
* Lugar de presentación: as solicitudes presentaranse no rexistro xeral da Consellería de Familia e Promoción do Emprego, Muller e Xuventude, sito en San Caetano, s/n, 15771 Santiago de Compostela, ou por calquera dos medios previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
As solicitudes e demais documentación tamén poderán enviarse por fax ó número 981 54 58 43.
Inscrición fóra de prazo: só se admitirán se quedasen prazas libres.
7. Certificación de asistencia:
Ás persoas participantes outorgaráselle-lo correspondente certificado de asistencia.
Santiago de Compostela, 9 de xullo de 1998.
Mª José Bravo Bosch
Directora xeral de Xuventude
7287
