Visto o escrito presentado pola empresa Enerlasa, S.A., con domicilio para efectos de notificacións en Saiar-Soutelo, Caldas de Reis (Pontevedra), no que solicita a autorización administrativa, a modificación das condicións de inclusión no réxime especial creado polo R.D. 2366/1994 e a aprobación do proxecto de execución dunha planta de coxeración que se vai instalar no concello de Caldas de Reis, esta dirección xeral ten en conta os seguintes feitos:

Primeiro.-Con data do 11 de decembro de 1996, incluíuse no réxime especial creado polo R.D. 2366/1994, do 9 de decembro, sobre producción de enerxía eléctrica por instalacións hidráulicas, de coxeración e outras abastecidas por recursos ou fontes de enerxía renovables, dictada en desenvolvemento da Lei 82/1980, do 30 de decembro, sobre conservación de enerxía, unha planta de coxeración de enerxía eléctrica de 3.106 kW prevista pola empresa Enerlasa, S.A.

Segundo.-As características básicas definitivas da planta de coxeración serán as seguintes:

-Dous motores de combustión interna alternativos alimentados por gas natural, de 1.696 kWE cada un.

-Dous xeradores síncronos trifásicos de 2.250 kVA c/u, tensión de xeración 690 V.

-Dous transformadores elevadores de 2,25 MVA, r/t 690V/20.500 V.

-Instalacións complementarias de aproveitamento de calor, de interconexión coa liña eléctrica da compañía distribuidora e instalacións de protección eléctrica, mando, sinalización e medida.

Terceiro.-De conformidade co establecido no Decreto 2617/1966, do 20 de outubro, sobre autorización de instalacións eléctricas, de aplicación ó presente expediente en virtude do establecido na disposición transitoria primeira da Lei 54/1997, do 27 de novembro, do sector eléctrico, a Delegación Provincial da Consellería de Industria e Comercio de Pontevedra dictou Resolución do 4 de marzo de 1998 pola que se someteu a información pública a autorización administrativa da instalación de referencia, que se publicou no DOG do 1-4-1998 e no BOP de Pontevedra do 16-4-1998 sin que se pre

sentase no período legalmente establecido para iso ningunha alegación.

Cuarto.-O proxecto está informado favorablemente pola Delegación Provincial da Consellería de Industria e Comercio de Pontevedra e cumpre coas exixencias regulamentarias fixadas no Decreto 2617/1966, do 20 de outubro, e coas demais que lle son de aplicación.

Fundamentos de derecho.

Primeiro.-A Dirección Xeral de Industria é competente para resolver este expediente con fundamento no Estatuto de autonomía de Galicia, o Real decreto 2563/1982, do 24 de xullo, o Decreto 132/1982, do 4 de novembro e o Decreto 99/1998, do 26 de marzo, polo que se establece a estructura orgánica da Consellería de Industria e Comercio, en relación co Decreto 2617/1966, do 20 de outubro, sobre autorización de instalacións eléctricas e o Real decreto 2366/1994, do 9 de decembro.

Segundo.-A planta de coxeración proxectada supera os rendementos enerxéticos mínimos que para o tipo de combustible se establecen no anexo do citado R.D. 2366/1994.

Terceiro.-No expediente instruído para o efecto cumpríronse os trámites regulamentarios.

Esta dirección xeral, de acordo con todo o que antecede e no exercicio das competencias que ten atribuídas,

RESOLVE:

-Autorizalle a instalación dunha planta de coxeración á empresa Enerlasa, S.A., que se situará nas súas instalacións do termo municipal de Caldas de Reis, na provincia de Pontevedra.

-Modifica-la inclusión da citada planta no réxime especial de producción de enerxía eléctrica establecido polo R.D. 2366/1994, de acordo coas condicións establecidas no proxecto definitivo.

-Aproba-lo proxecto de execución da referida instalación.

Calquera modificación das instalacións autorizadas requirirá unha nova solicitude de autorización administrativa, de acordo co indicado no artigo 17.4º do Real decreto 1775/1967, do 22 de xullo, que fixa o réxime de instalación, ampliación e traslado das industrias en xeral.

Como requisito necesario para a aplicación á citada instalación do réxime especial, o promotor deberá inscribila Rexistro de Instalacións de Producción de Enerxía Eléctrica en Réxime Especial da Comunidade Autónoma de Galicia, creado pola orde da Consellería de Industria e Comercio do 5 de xullo de 1995 (DOG do 14-7-1995), para o que acreditará o cumprimento das condicións previstas no artigo 11 do R.D. 2366/1994, presentando a documentación que figure nas instruccións que dicte esta dirección xeral en desenvolvemento da dita orde.

Así mesmo, a instalación interconectarase co sistema centralizado que para o réxime especial estableza, se é o caso, a Dirección Xeral de Industria.

Contra esta resolución, que non é definitiva en vía administrativa, poderase interpor recurso ordinario perante o conselleiro de Industria e Comercio da Xunta de Galicia, no prazo dun mes contado a partir do día da súa publicación.

Santiago de Compostela, 10 de xullo de 1998.

Joaquín del Moral Crespo

Director xeral de Industria

7100