A Lei orgánica 1/1981, do 6 de abril, pola que se aprobou o Estatuto de autonomía de Galicia, e o Real decreto 1763/1982, do 24 de xullo, sobre o traspaso de funcións e servicios da Administración do Estado á Comunidade Autónoma de Galicia en materia de educación, recoñécenlle á Consellería de Educación e Ordenación Universitaria as competencias en materia de planificación, regulación e administración do ensino regrado.
No marco destas competencias, a Lei orgánica 1/1990, do 3 de outubro, de ordenación xeral do sistema educativo, no seu artigo 52 prevé que as persoas adultas que queiran adquirir coñecementos equivalentes á educación básica contarán cunha oferta adaptada ás súas condicións e necesidades, co propósito de actualiza-la cualificación dos cidadáns, e que aquelas que teñan o título de graduado escolar poidan acceder a programas ou a centros docentes que lles axuden a alcanza-la formación básica prevista na mencionada lei para a educación básica obrigatoria.
A Lei 9/1992, do 24 de xullo, de educación e promoción de adultos establece no seu artigo 14 que os centros de educación e promoción de adultos deberán ser autorizados pola Administración da Comunidade Autónoma galega.
Por outra parte, e co fin de adapta-la oferta da educación secundaria obrigatoria ás condicións, necesidades e intereses das persoas adultas, dictouse a orde da Consellería de Educación e Ordenación Universitaria do 26 de maio de 1997 (DOG do 15 de xullo), pola que se establecen as liñas básicas para o desenvolvemento do currículo das ensinanzas conducentes ó título de graduado en educación secundaria para as persoas adultas e pola que se regulan as ensinanzas iniciais de niveis I, II e III conducentes ó título de graduado en educación secundaria.
En consecuencia do anteriormente exposto, a Consellería de Educación e Ordenación Universitaria
DISPÓN:
Primeiro.-Quedan autorizados os centros docentes públicos de educación secundaria, que se relacionan a continuación, para imparti-lo nivel III das ensinanzas conducentes á obtención do título de graduado en educación secundaria para persoas adultas:
Provincia da Coruña:
15005211 IES Salvador de Madariaga, A Coruña.
15005221 IES Eusebio da Guarda, A Coruña.
15006742 IES Concepción Arenal, Ferrol.
15015743 IES Arcebispo Xelmírez 1, Santiago de Compostela.
15015755 IES Rosalía de Castro, Santiago de Compostela.
Provincia de Lugo:
27006531 IES Lucus Augusti, Lugo.
27013661 IES O Centiño, Foz.
Provincia de Ourense:
32008941 IES Eduardo Blanco Amor, Ourense.
32008951 IES Ramón Otero Pedrayo, Ourense.
Provincia de Pontevedra:
36006730 IES de Pontevedra.
36006729 IES Valle-Inclán, Pontevedra.
36011634 IES nº 1 de Vigo, Vigo.
36017430 IES Ricardo Mella, Vigo.
36011567 IES Castelao, Vigo.
36011592 IES Sta. Irene, Vigo.
36011580 IES Sto. Tomé do Freixeiro, Vigo.
Segundo.-A Dirección Xeral de Ordenación Educativa e Formación Profesional poderá dictar cantas resolucións e circulares estime oportunas, no ámbito das súas competencias, para o cumprimento e aplicación desta orde.
Terceiro.-Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 14 de xullo de 1998.
Celso Currás Fernández
Conselleiro de Educación e Ordenación
Universitaria
7275