De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, (LRXPA), notifícaselles ós denunciados, cos datos persoais e último enderezo coñecido que se sinalarán de seguido, as incoacións dos correspondentes expedientes sancionadores acordadas polo delegado provincial da Consellería de Agricultura, Gandería e Montes de Ourense, por presuntas infraccións da Lei de caza 1/1970, do 4 de abril (BOE do 6 de abril) e do seu regulamento, Decreto 506/1971, do 25 de marzo (BOE do 30 de marzo). Así mesmo, designo instructora dos expedientes a María Rosa Rodríguez Cougil quen poderá ser obxecto de recusación en calquera momento da tramitación dos expedientes, cando concorra calquera dos supostos determinados nos artigos 28 e 29 da LRXPA.
Os denunciados disporán dun prazo de quince (15) días hábiles, contados a partir do seguinte ó da publicación desta notificación para que poidan examina-los expedientes nesta delegación provincial, sita na rúa Florentino L. Cuevillas, 4 e 6 baixo, Ourense, e presenta-los descargos e documentos que consideren convenientes na súa defensa.
De non presentar alegación no prazo fixado e consonte o artigo 13 do Regulamento 1398/1993, do 4 de agosto, de procedemento para o exercicio da potestade sancionadora, este acordo de iniciación poderá ser considerado proposta de resolución para tódolos efectos.
Este órgano administrativo acordará a terminación do procedemento no suposto de que o interesado recoñeza a súa responsabilidade nos cargos que se lle imputan e proceda, en calquera momento anterior á resolución do procedemento e empregando os impresos normalizados que serán facilitados nas oficinas desta delegación provincial ou en calquera outra dependente da Xunta de Galicia, ó pagamento voluntario da sanción que en cada caso corresponda. Todo iso sen prexuízo da posibilidade que asiste a cada expedientado de formula-los recursos que establece a lexislación aplicable e vixente, e ó abeiro do artigo 8 do citado regulamento.
O órgano competente para resolve-los sinalados procedementos, dentro da Consellería de Agricultura, Gandería e Montes en Ourense, virá determinado polo tipo de infracción cometida, segundo o artigo 12 da LRXPA e no Decreto 5/1987, do 14 de xaneiro da Consellería de Agricultura, Gandería e Montes.
Ourense, 22 de abril de 1998.
Agustín Prado Verdeal
Delegado provincial de Ourense
ANEXO
Nº expediente: 88/97 C.
Nome e apelidos do denunciado: Óscar Rubén Álvarez Doval.
Último enderezo coñecido: rúa Bedoya, 24-26, 5º D, Ourense.
Feito denunciado: cazar sen licencia.
Precepto infrinxido e sancionador: 48.2º.1 do Regulamento de caza.
Sanción proposta: 3.500.
Instructora: Mª Rosa Rodríguez Cougil.
Nº expediente: 109/97 C.
Nome e apelidos do denunciado: José González Lamenlas.
Último enderezo coñecido: rúa dos Remedios, 46 baixo, Ourense.
Feito denunciado: cazar sen posuí-lo seguro obrigatorio.
Precepto infrinxido e sancionador: 48.3º.53 do Regulamento de caza.
Sanción proposta: 2.000.
Instructora: Mª Rosa Rodríguez Cougil.
Nª expediente: 129/97 C.
Nome e apelidos do denunciado: Manuel Botana Bello.
Último enderezo coñecido: Cacheiras Rajo, 113, Teo (A Coruña).
Feito denunciado: cazar sen licencia.
Precepto infrinxido e sancionador: 58.2º do Regulamento de caza.
Sanción proposta: 100.001.
Instructora: Mª Rosa Rodríguez Cougil.
4587