De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle, ás persoas que no anexo se mencionan, a proposta de resolución por infracción da Lei 7/1992 de pesca fluvial.
Para os efectos previstos no artigo 19 do Real decreto 1398/1993, do 4 de agosto, polo que se aproba o Regulamento do procedemento para o exercicio
da potestade sancionadora, os denunciados no prazo de 15 días hábiles, contados a partir do seguinte ó da publicación desta notificación, poderán examina-lo expediente, no Servicio de Medio Ambiente Natural, sito na r/ Benito Corbal, 47-5ª planta, e presentar ante o instructor as alegacións que consideren convenientes.
Pontevedra, 13 de abril de 1998.
Pilar Pita Ponte
Instructora da Delegación Provincial de Pontevedra
ANEXO
Expediente: E.N. 252/97.
Denunciado: Feliciano Vidal Miranda.
Último enderezo coñecido: Viso-Tuimil, 30. Redondela.
Feito denunciado: navegar con pneumáticos inchados entorpecendo a práctica da pesca no couto de Soutomaior. Feitos denunciados o día 15 de agosto de 1997, no río Oitavén, lugar de Aranza, Concello de Soutomaior.
Precepto infrinxido: artigo 33.8º da Lei 7/1992, de pesca fluvial.
Precepto sancionador: artigo 33.8º da Lei 7/1992 de pesca fluvial.
Sanción: 5.000 ptas.
Expediente: E.N. 259/1997.
Denunciado: Nor-Ibérica, S.A.
Último enderezo coñecido: Petelos s/n. Mos.
Feito denunciado: provoca-lo enturbamento das augas do río Perral polo vertido de substancias procedentes da dita industria, ocasionando a alteración das condicións de habitabilidade piscícola con dano para esta riqueza. Feitos denunciados o día 18 de setembro de 1997, no río Perral, lugar de Petelos, no Concello de Mos.
Precepto infrinxido: artigo 35.9º da Lei 7/1992, de pesca fluvial.
Precepto sancionador: artigo 35.9º da Lei 7/1992, de pesca fluvial.
Sanción: 550.000 ptas.
3708