Visto o expediente da revisión salarial para o ano 1998 do convenio colectivo do sector de industrias vinícolas, licoreiras, sidreiras e o seu comercio, que tivo entrada nesta delegación provincial o día 18-2-1998, subscrito en representación da parte económica pola Asociación Provincial de Mayoristas y Embotelladores de Vino, e da parte social por UGT e CC.OO. o día 18-2-1998, de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de conveinos colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provncial,

ACORDA:

Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 26 de febreiro de 1998.

Mª Reyes Carabel Pedreira

Delegada provincial da Coruña

Reunión da comisión paritaria do convenio colectivo de industrias vinícolas, licoreiras, sidreiras e o seu comercio, da provincia da Coruña.

-Parte empresarial:

Eduardo Manzano García

-Parte social:

Fernando Vázquez UGT

Alfonso Quintana CC.OO.

Ás 13 horas do día 18 de febreiro de 1998, nos locais do sindicato UGT, reúnense os membros da dita comisión, co fin de aproba-la revisión salarial pactada no convenio colectivo do ano 197. Dado que o IPC previsto polo goberno para o ano 1998 é do 2,1% e o incremento pactado foi dun 0,3% por riba do IPC previsto, procede aumenta-la táboa salarial nun 2,4%, o cal se fará efectivo con carácter retroactivo ó 1 de xaneiro de 1998 e se reflectirá nas táboas anexas para engadirllo ó convenio colectivo.

Así mesmo, autorízase a Fernando Vázquez para que proceda ó seu rexistro e publicación.

Ás 13.30 horas levántase a sesión e asínase esta acta en sinal de conformidade.

ANEXO I

Táboas salariais do convenio industrias

vinícolas 1998 e outros conceptos retributivos

Art. 22º. Revisión 1998.

Antigüidade (valor bienio)4.183 ptas.

Gratificación patronal sector46.472 ptas.

Plus asistencia (valor diario)413 ptas.

1944