Visto o texto do convenio colectivo para o sector de limpeza de edificios e locais (código 2700335), da provincia de Lugo, asinado o 19 de xaneiro de 1998, pola representación da asociación de empresarios de limpeza de edificios e locais de Lugo e das centrais sindicais, CIG (69,6%) e CC.OO. (8,9%), e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo. Esta delegación provincial,

ACORDA:

Primeiro.-Ordena-la inscrición do citado convenio colectivo no rexistro de convenios desta delegación, así como o seu depósito.

Segundo.-Remiti-lo texto do citado convenio colectivo á Dirección Xeral de Relacións Laborais da Xunta de Galicia.

Terceiro.-Dispoñe-la súa publicación no Diario Oficial de Galicia.

Lugo, 30 de xaneiro de 1998.

José María Fernández Olea

Delegado provincial de Lugo

Capítulo I

Ámbito de aplicación e duración

Artigo 1º.-Ámbito territorial e persoal.

As estipulacións deste convenio colectivo teñen carácter de mínimas e son de aplicación a todo o persoal

que presta os seus servicios nas empresas dedicadas á limpeza de edificios e locais que realizan os seus traballos na provincia de Lugo, aínda cando o domicilio social das empresas radique noutra provincia.

Artigo 2º.-Ámbito temporal.

A vixencia do presente convenio inícase o 1 de xaneiro de 1997 e remata o 31 de decembro de 1999. Chegado o final da vixencia, considerarase prorrogado tacitamente de ano en ano, se non media denuncia dunha das partes que terá que formularse cunha antelación mínima de dous meses respecto da data de expiración do prazo de vixencia do convenio ou de calquera das súas prórrogas.

Non obstante, a denuncia do convenio non significa modificación ningunha na aplicación do seu texto articulado, que continuará vixente ata a súa substitución polo novo, nos termos que as partes establezan.

Capítulo II

Xornada, vacacións, horas extraordinarias, licencias e contratación eventual

Artigo 3º.-Xornada laboral.

A xornada laboral establécese, a partir da data de publicación do presente convenio no BOP de lugo ou no Diario Oficial de Galicia, nun máximo de 39 horas e 30 minutos semanais efectivas de traballo, para tódolos traballadores afectados polo presente convenio.

Ó supoñer tal xornada unha reducción con respecto á vixente do ano anterior, a empresa, exclusivamente para os efectos de aplicar tal reducción, procederá a aplica-la.

Cando a dita reducción se lle comunique por escrito ó traballador afectado, entregaráselle unha copia de tal comunicación á representación dos traballadores con carácter previo á reducción.

En ningún caso a reducción da xornada que se pacta por medio do presente convenio suporá con carácter xeral un incremento da xornada para aqueles traballadores/as que presten o seu servicio con xornada parcial, procedéndose nestes casos á reducción proporcional da xornada en función da porcentaxe de prestación de servicios.

Os días 24 e 31 de decembro e o Sábado Santo consideraranse con carácter xeral como xornada non laborable. Nembargantes, nos casos en que sexa necesario, por así demandalo a empresa ou organismo arrendatario dos servicios de limpeza, o persoal que presta servicios nestes centros de traballo virá obrigada a realizar un servicio mínimo nas seguintes condicións: a xornada de traballo verase reducida na metade do tempo da que se realiza habitualmente, rematando os labores antes das 18 horas. Nestes casos a empresa e a representación dos traballadores negociarán a forma de compensar, ben economicamente a través do plus de traballo en domingos e festivos previsto no artigo 16 bis do presente convenio, ben mediante descansos, a reducción antes aludida. Tal compensación negociarase igualmente para aquelas persoas que, pola natureza do traballo que desenvolven, realicen as súas funcións en quendas rotatorias, persoas que se exceptúan das reduccións horarias previstas neste artigo.

Artigo 4º.-Descansos.

Todo traballador que en cómputo semanal realice 39 horas e 30 minutos de traballo efectivo terá dereito a quince minutos de descanso, computable para tódolos efectos como tempo de traballo.

O dito descanso gozarase da seguinte maneira:

A) Persoal en quenda de mañá: entre as 11 e as 11.15 horas.

B) Persoal en quenda de tarde: entre as 18 e as 18.15 horas.

C) Persoal cunha xornada que non coincida coas quendas sinaladas anteriormente: nos quince minutos seguintes á metade da xornada.

D) Persoal en xornada de mañá e tarde: nos quince minutos seguintes á metade do horario da mañá.

Artigo 5º.-Vacacións.

O período de vacacións será de 30 días e serán gozadas entre os meses de maio e setembro, salvo petición concreta dos traballadores interesados noutra data.

O persoal de novo ingreso ou que non devengue vacacións completas terá dereito a gozar no dito ano un número de días proporcional ó tempo de servicio.

Cando un traballador preste servicios para dúas o máis empresas, deberán éstas poñerse de acordo sobre a data de desfrute do período vacacional. No caso de discrepancia reunirase, preceptivamente, a comisión de vixilancia do convenio prevista na disposición derradeira primeira.

O persoal deberá concretar durante o mes de xaneiro a petición de vacacións para que, unha vez planificadas as necesidades da empresa, e oída a representación sindical, se faga pública no taboleiro de anuncios, antes do 1 de abril, a relación definitiva de quendas. Os traballadores poderán establecer quendas rotativas para sucesivos anos.

En calquera caso, e con independencia do sistema establecido, cabe a posibilidade de permuta de datas de goce, entre os traballadores, sempre que non haxa problemas de tipo organizativo.

Durante o período de vacacións non se percibirá o sobresoldo de transporte nin o sobresoldo de asistencia.

Artigo 6º.-Horas extraordinarias.

Soamente se realizarán motivadas por forza maior ou as estructurais, entendendo por tales, ademais das previstas no decreto regulador, as necesidades por períodos punta de producción, ausencias imprevistas, baixas de enfermidade ou accidente que non motiven substitución superior a 15 días, por permisos retributivos e polo tempo debido a desprazamentos.

Artigo 7º.-Licencias retribuídas.

Aplicarase o establecido na ordenanza laboral do sector e Real decreto legislativo 1/1995, do 24 de marzo, polo que se aproba o texto refundido da lei do Estatuto dos traballadores.

En todo caso, o traballador, avisando coa suficiente antelación e posterior xustificación, terá dereito ós seguintes permisos retribuídos:

A) 18 días naturais en caso de matrimonio.

B) 2 días naturais por cambio de domicilio.

C) 3 días naturais por falecemento, enfermidade grave ou intervención cirúrxica de relevancia de parente por consaguinidade ou afinidade ata o segundo grao. Se o feito ocorrera noutra provincia, o permiso ampliarase a dous días naturais máis.

D) Polo tempo necesario ata un máximo de 16 horas anuais para asistir a consulta médica, podéndose fraccionar estas ausencias.

E) Polo tempo necesario para o cumprimento de deberes públicos.

F) 3 días, sen retribuír, para asuntos propios.

Artigo 8º.-Excedencias.

1. O traballador con polo menos unha antigüedade na empresa dun ano terá dereito a que se lle recoñeza a posiblidade de situarse en excedencia voluntaria por un prazo non menor de dous anos e non maior de cinco. Este dereito só poderá ser exercido outra vez polo mesmo traballador se transcorreron catro anos desde o final da anterior excedencia.

2. Os traballadores terán dereito a un período de excedencia non superior a tres anos, para atende-lo coidado de cada fillo, tanto cando sexa por natureza como por adopción, contados desde a data de nacemento deste.

Os sucesivos fillos darán dereito a un novo período de excedencia que, se é o caso, porá fin ó que se viñese desfrutando. Cando o pai e a nai traballen, só un deles poderá exercer este dereito.

O período de excedencia conforme o establecido neste artigo será computable para os efectos de antigüedade e o traballador terá dereito á asistencia a cursos de formación profesional, participación á que deberá ser convocado polo empresario. Durante o primeiro ano terá dereito á reserva do posto de traballo. Transcorrido o dito prazo, a reserva quedará referida a un posto de traballo do mesmo grupo profesional ou categoría equivalente.

3. Tamén poderán solicita-lo seu paso á situación de excedencia na empresa os traballadores que exerzan funcións sindicais de ámbito provincial ou superior mentres dure o exercicio do seu cargo representativo.

4. O traballador excedente conserva só un dereito preferente ó reingreso nas vacantes de igual ou similar categorías á súa que se producisen na empresa, agás no caso de excedencia por coidado de fillo menor durante o primeiro ano de excedencia e nos casos de excedencia forzosa.

Artigo 9º.-Contratación eventual.

No uso da posibilidade prevista no artigo 1, apartado 4º do Real decreto lei 8/1997, no ámbito de aplicación do presente convenio poderanse concerta-los contratos eventuais previstos no artigo 15.1º b) do Real decreto

lexislativo 1/1995 cunha duración máxima de doce meses dentro dun período de 18 meses. No caso de concertarse tales contratacións por prazo inferior a doce meses, poderán ser prorrogadas mediante acordo das partes, sen que a duración total do contrato poida exceder do dito límite máximo.

A posibilidade de concertar contratos eventuais dos previstos no artigo 15.1º b) do Real decreto lexislativo 1/1995 coa duración máxima prevista no presente artigo non poderá empregarse para o caso dos contratos concertados por tempo inferior a 12 horas á semana ou 48 horas ó mes.

As partes asinantes acordan que, nos supostos de conversión en indefinido dos contratos de traballo por tempo determinado regulados no artigo 15 do Real decreto lexislativo 1/1995, farase constar obrigatoriamente no modelo de contrato as seguintes cláusulas:

1. O centro ou centros de traballo en que o traballador presta os seus servicios.

2. Que no caso de producirse un despedimento por causas obxectivas declarado improcedente, a indemnización que, se é o caso, se lle aboará ó traballador/a será a razón de corenta e cinco días de salario por ano de servicio, rateándose por meses os períodos de tempo inferiores a un ano e ata un máximo de corenta e dúas mensualidades.

Capítulo III

Mellora das condicións de traballo

Artigo 10º.-Situacións particulares.

Durante o embarazo, a muller traballadora terá dereito a que se lle asigne un posto de traballo que esixa menos esforzo físico que o que vén realizando habitualmente, se iso fose posible e existise o dito posto de traballo. Calquera traballadora embarazada non estará obrigada en ningún caso a desempeña-las súas funcións en lugares radiactivos, infecciosos ou perigosos para o embarazo.

Artigo 11º.-Recoñecementos médicos.

Todo o persoal comprendido no presente convenio colectivo terá dereito a unha revisión médica anual por conta da empresa ben a través da mutua de accidentes de traballo ou o Gabinete de Seguridade e Hixiene no traballo. Os recoñecementos médicos orientaranse preferentemente ás enfermidades do sector, efectuándose, sempre que sexa posible, dentro da xornada laboral do traballador e facendo entrega a este do resultado do recoñecemento.

Pola súa parte, os traballadores virán obrigados a someterse a contos recoñecementos médicos dispoñan as empresas a cargo delas, tanto en situación activa coma en situación de IT ou análoga.

Artigo 12º.-Roupa de traballo.

As empresas entregarán ós traballadores a roupa e material de traballo necesarios, en cada caso, para o desenvolvemento das funcións que teñan asignadas, sendo de obrigado cumprimento a entrega anual de dous uniformes e calzado. Así mesmo entregaranse guantes e roupas de auga sempre que fora necesario.

Capítulo IV

Adscrición de persoal

Artigo 13º.-Adscrición de persoal.

Primeiro.-Supostos de subrogación.

a) Cando a empresa na que viñese realizándose o servicio de limpeza a través dun contratista, tome ó seu carto, directamente, o dito servicio, non estará obrigado a continuar co persoal que viñera prestando servicios ó contratista concesionario, se a limpeza a realizase cos traballadores do seu cadro de persoal e, polo contrario, deberá incorporalos á mesma se, para o referido servicio de limpeza, debera contratar novo persoal.

Cando a empresa principal rescinda o servicio de limpeza a un contratista e tome ó seu cargo o dito servicio por tempo non superior a seis meses, se se probase fidedignamente que os servicios se reiniciaron por un novo contratista antes de transcorridos os seis meses referidos, non desaparecerá o carácter vinculante deste artigo, tendo o persoal da empresa saínte dereito a ser adscrito polo novo contratista desde o momento en que este tivera coñecemento do interese dos traballadores na adscrición.

b) Cando se produza un cambio de contratista na concesión do servicio de limpeza, o persoal que desenvolvese a súa xornada laboral, total ou parcialmente nun determinado centro de traballo ou contrata, pasará, ó vencemento da concesión, á nova adxudicataria de tal servicio calquera que fose a súa vinculación xurídico-laboral coa empresa cesante, sempre que tivese no centro de traballo unha antigüedade mínima de seis meses.

Nos casos previstos neste apartado, a nova asxudicataria subrogarase en tódolos dereitos e obrigas da empresa saínte no que se refire a:

1. Categoría profesional, antigüedade, xornada, horario e centro de traballo.

2. Prestacións de Seguridade Social, tales como a situación na que os traballadores subrogados estiveran dados de alta nesta, tales como a consideración de traballadores, a xornada completa por ser alta cun contrato a tempo parcial superior a 2/3 da xornada antes do 8 de decembro de 1993 ou a consideración de traballadores con xornada inferior a 12 horas á semana ou 48 horas ó mes con dereito á totalidade das prestacións.

Segundo.-O dereito de subrogación cando proceda segundo o establecido nos apartados primeiro e segundo deste artigo, abarca os seguintes casos.

a) Persoal en activo.

b) Persoal que no momento do cambio ou rescisión da concesión do servicio de limpeza se atopen en situación de IT, excedencia, servicio militar ou situación análoga.

c) Persoal con contrato de interinidade que se atope substituíndo a persoal con dereito a subrogación, ata o momento da incorporación destes.

Se por esixencias do cliente tivera que ampliarse a contrata con persoal de novo ingreso, este será incorporado pola empresa entrante.

Terceiro.-No suposto de producirse a adscrición do persoal establecida nos apartados 1º e 2º do presente artigo esta producirase nas seguintes condicións:

a) A nova empresa adxudicataria comunicará á empresa saínte, de maneira fidedigna, que é a nova adxudicataria do servicio.

b) A empresa saínte estará obrigada a comunicarlle á empresa entrante ou nova adxudicataria o seu cesamento no servicio, así como a relación nominal do persoal que debe ser absorvido, incluíndo ós traballadores que, por encontrarse en situación de suspensión do contrato de traballo, eventualmente, puideran chegar a solicita-la súa reincorporación ó mesmo posto de traballo que ocupaban anteriormente.

Igualmente deberán pór no seu coñecemento, no prazo de 48 horas, as condicións laborais do dito persoal (categoría profesional, antigüidade, xornada, horario, prestacións da Seguridade Social, incluído o disposto no apartado primeiro do prsente artigo, punto 2, etc.).

c) A requirimento da nova empresa adxudicataria, a empresa saínte estará obrigada a acreditar documentalmente que se atopa ó día das súas obrigas respecto do persoal trasvasado, mediante a exhibición das liquidacións finais e as nóminas e boletíns de cotización á Seguridade Social correspondentes ós tres últimos meses.

Quinto.-O persoal que viñese prestando servicios en dous ou máis centros ou contratas, deberá pasar á situación legal de pluriemprego cando, con ocasión do cambio de titularidade dunha delas, tivera que chegar a depender de dous ou máis empresarios.

Sexto.-De ningún modo se producirá a adscrición do persoal no suposto do contratista que realice a primeira limpeza e non teña subscrito contrato de mantemento.

Sétimo.-O presente artigo, que será de obrigado cumprimento para as partes ás cales vincula (empresario principal, empresa cesante, nova adxudicación e traballador), substitúe integramente ó artigo 13 da vixente ordenanza laboral do sector.

Capítulo V

Retribucións

Artigo 14º.-Salario.

Durante o primeiro ano de vixencia deste convenio, os traballadores afectados percibirán os salarios establecidos en táboa anexa, que reflicte un incremento global do 3,50%.

Para o período comprendido entre o 1 de xaneiro e o 31 de decembro do ano 1998, incrementaranse na contía global do 3,5%.

Para o período comprendido entre o 1 de xaneiro e o 31 de decembro de 1999, as táboas do ano 1998 incrementaranse na contía global do 4%. A data 31 de decembro de 1999 efectuarase unha rvisión das táboas salariais nun 1% sen efectos retroactivos e que se adicionará ás táboas servindo de base para o cálculo das táboas do ano 2000.

O importe total que representa o incremento citado distribuirase nos anos 1997, 1998 e 1999 da seguinte

forma: 80% ó soldo base, 10% ó sobresoldo de transporte e 10% ó sobresoldo de asistencia.

Artigo 15º.-Sobresoldo de asistencia.

Os traballadores afectados por este convenio percibirán durante o ano 1997 a cantidade de 189 pesetas por día de traballo efectivo.

Para o ano 1998 a cantidade que percibirán por este concepto será de 205 pesetas e, para o ano 1999, de 224 pesetas.

Artigo 16º.-Sobresoldo de transporte.

Os traballadores afectados por este convenio percibirán durante o ano 1997 a cantidade de 210 pesetas por día efectivo de traballo, con independencia dos medios de transporte ou distancia que, en cada caso, existan entre o centro de traballo e o domicilio respectivo.

Para o ano 1998 a cantidade que se percibirá por este concepto será de 225 pesetas e, para o ano 1999, de 244 pesetas.

Artigo 17º.-Sobresoldo tóxico, penoso e perigoso.

En canto á regulación deste concepto e o seu aboamento, aplicarase o disposto na ordenanza laboral do sector e lexislación xeral.

Artigo 18º.-Sobresoldo de traballo en domingos e festivos.

Os traballadores percibirán por este concepto durante o ano 1997 a mesma cuantía que viña establecida no convenio anterior, 1.300 pesetas por cada domingo ou día festivo no que realicen xornada laboral.

Os traballadores percibirán, a partir do 1 de xaneiro de 1998, a cantidade de 1.500 pesetas como compensación por cada domingo ou día festivo no que realicen xornada laboral, con independencia das demais retribucións que, segundo o presente convenio, puidesen corresponderlles.

A cantidade referida será de 1.700 pesetas a partir do 1 de xaneiro de 1999.

Artigo 19º.-Sobresoldo de nocturnidade.

O incremento por trablallo nocturno consistirá nun 25% do salario base, regulamentándose polas normas contidas na ordenanza laboral do sector e lexislación xeral.

Artigo 20º.-Antigüidade.

Establécese un complemento persoal de antigüidade por cada período de tres anos de servicios prestados na mesma empresa.

O importe de cada trienio será para cada traballador dunha contía igual ó 4% do salario base.

Artigo 21º.-Gratificacións extraordinarias.

Os traballadores terán dereito a dúas pagas extraordinarias, que serán percibidas o día laborable anterior ó 25 de xullo e 22 de decembro, respectivamente. As ditas pagas serán percibidas na contía de 30 días do salario base máis antigüidade.

Como norma xeral, o devengo das gratificacións extraordinarias previstas neste artigo, así como a prevista no artigo seguinte, será anual. Nembargantes, aquelas empresas que veñan empregando o devengo semestral deberán de especificar nas nóminas relativas ás gratificacións extraordinarias o emprego de tal devengo.

Artigo 22º.-Paga de beneficios.

A paga de beneficios será de 30 días.

Será percibida durante o primeiro trimestre do ano, de acordo con salario base, máis antigüidade vixente ó 31 de decembro do ano anterior.

O tempo en que o traballador/a permaneza en situación de I.T. será tido en conta, a partir do 1 de xaneiro de 1998, como tempo de traballo efectivo para o devengo da paga de beneficios.

Artigo 23º.-Anticipos.

Os traballadores afectados polo presente convenio, poderán solicitar anticipos a conta dos seus salarios cuha antelación mínima de de 48 horas á data de pagamento. A este respecto, a mesma queda establecida nos días 15 de cada mes.

Artigo 24º.-Axudas de custo.

Os desprazamentos a centros de traballo distintos do habitual e que non supoñan traslado devengarán a favor dos/as traballadores/as que os efectúen unha axuda de custo diaria do 55% do salario base da súa categoría profesional se iso os obriga a efectuar unha sola comida fóra do seu domicilio. Se tal circunstancia motiva efectuar dúas comidas fóra do domicilio a axuda de custo diaria será do 100% do salario base e, no suposto en que se efectúe comida e noite fóra do domicilio a citada contía seá do 150% do salario base.

Artigo 25º.-Pagamento de nómina.

As empresas deberán aboar dentro dos dez primeiros días de cada mes os salarios devengados no mes anterior.

Artigo 26º.-Persoal de xornada limitada.

Os traballadores contratados por xornada inferior á ordinaria do sector, gozarán, como mínimo, de iguais salarios e demais percepcións económicas cós traballadores contratados a tempo completo, se ben na proporción correspondente á xornada que realicen.

Para os efectos de facilitar que os/as traballadores/as a xornada parcial que presten servicios nun centro de traballo no que se amplíe a xornada vexan incrementada a súa xornada laboral, a empresa non terá que recoñecer con respecto á nova xornada entón ampliada e, polo tanto, aboa-la antigüidade que os/as traballadores/as tiveran recoñecida polo resto da xornada.

Terán, non obstante, os demais dereitos que a lei e o presente convenio recoñecen ós traballadores a tempo completo.

Artigo 27º.-Vinculación á totalidade.

O presente convenio constitúe un todo orgánico e indisible, polo que os acordos contidos nel unicamente teñen validez considerados conxuntamente. Se algunha das súas partes fora declarada sen efecto pola xuris

dicción competente deberá reconsiderarse o seu conxunto globalmente.

Artigo 28º.-Complemento de IT.

Inclúense dous supostos:

a) No caso de hospitalización, calquera que sexa a súa causa, o traballador, logo de xustificación correspondente, percibirá o 100% do salario de convenio máis antigüidade, mentres dure esta.

Así mesmo no caso de intervención cirúrxica con hospitalización mínima de 48 horas, o/a traballador/a percibirá no período de convalecencia cuha duración máxima de 120 días naturais un complemento ata o 100% do salario de convenio máis antigüedade.

b) O traballador que cause baixa por accidente laboral acaecido no centro de traballo, percibirá o 100% do salario de convenio máis antigüidade, desde o primeiro día da baixa e mentres dure esta. Se o accidente laboral se producira fóra do lugar de traballo, a empresa completará o dito salario a partir do décimo día da baixa.

Capítulo VI

Acción social

Artigo 29º.-Xubilacións anticipadas.

Os traballadores que se xubilen voluntariamente antes de alcanza-la idade regulamentaria percibirán as seguintes cantidades, segundo a idade:

-Ós 60 anos: 225.000 ptas.

-Ós 61 anos: 200.000 ptas.

-Ós 62 anos: 175.000 ptas.

-Ós 63 anos: 150.000 ptas.

-Ós 64 anos: 75.000 ptas.

As cantidades mencionadas establécense para aquelas persoas contratadas a xornada completa. Nos contratos a tempo parcial serán percibidas proporcionalmente ó tempo contratado.

Por outra banda, os traballadores que cumpran a idade de 64 anos e demais requisitos esixidos, poderán acollerse á modalidade de xubilación establecida no Real decreto 1194/1985, estando obrigadas as empresas a efectua-la contratación establecida en tal suposto.

Capítulo VII

Acción sindical

Artigo 30º.-Dereitos sindicais.

Observarase o disposto no vixente Estatuto dos traballadores e a Lei de liberdade sindical.

Os delegados de persoal pertencentes a empresas afectadas polo presente convenio gozarán, como mínimo, dun crédito de 15 horas sindicais mensuais retribuídas para tódolos efectos. Non obstante, se as ditas horas foran insuficientes para cubrir dúas xornadas de traballo, ampliaríase a licencia ás horas que comprenden estas dúas xornadas. Quedan excluídas destas horas as empregadas polos delegados de persoal para asistencia á negociación colectiva deste sector.

Disposicións derradeiras

Primeira.-Comisión de vixilancia.

Desígnase unha comisión paritaria mixta que intervirá nas cuestións que suscite a aplicación do presente convenio e que estará integrada polos seguintes membros:

-En representación das empresas: os presentes no asinamento do convenio (6 membros).

-En representación dos traballadores: os presentes no asinamento do convenio (5 de CIG e 1 de CC.OO.).

A dita comisión terá o seu domicilio en Lugo, Ronda da Muralla, número 58.

Segunda.-Normas subsidiarias.

No non previsto neste convenio, observarase o disposto no Estatuto dos traballadores, ordenanza de traballo do sector e demais disposicións legais vixentes.

Terceira.-Condicións máis beneficiosas.

Tódalas condicións económicas e de calquera índole contidas no presente convenio, teñen o carácter de mínimas, polo que os pactos, cláusulas ou situacións implantadas polas empresas que impliquen condicións máis beneficiosas para os traballadores con respecto ó presente convenio, subsistirán para aqueles que as veñen gozando, sen que poida interpretarse que sobre as chamadas condicións máis beneficioasas, haxa de computarse a mellora económica que supón o presente convenio, salvo que se pacte expresamente.

Cuarta.-Ámbalas partes someten o acordado á posible negociación dun convenio colectivo de ámbito territorial de Galicia.

Quinta.-Formación profesional.

As partes signatarias acordan constituír unha comisión paritaria provincial sectorial de formación profesional, integrada por 1 representante de cada unha das centrais sindicais asinantes do convenio e un número de representantes da Asociación Provincial de Empresarios de Limpezas de Edificios e Locais de Lugo, igual ó total das centrais sindicais.

Serán funcións desta comisión:

-Requirir das administracións autonómicas competentes o recoñecemento desta comisión como interlocutor social sectorial, que reciba a información existente sobre programas e cursos de formación profesional con financiamento oficial que afectan ó sector de limpeza, co fin de colaborar tanto nos que estean en marcha, como nos que se poden programar en diante.

-Elaborar estudios sobre necesidades e requirimentos de formación profesional no sector para chegar a defini-la organización e programación dela, tanto ocupacionalmente coma regulamentaria (observatorio ocupacional).

-Elaborar plans formativos necesarios para consegui-la homologación das cualificacións profesionais de traballadores técnicos, administrativas e manuais, cos seus equivalentes na Comunidade Económica Europea con vistas á entrada en vigor do mercado único.

-Cantas outras funcións a comisión se atribúa, orientadas ó desenvolvemento e mellora da formación profesional no sector na provincia de Lugo.

Sexta.-Póliza de accidentes.

As empresas afectadas por este convenio colectivo subscribirán pólizas de seguro colectivo en favor de todos e cada un dos traballadores por un capital de:

-Morte ou invalidez total: 2.750.000 ptas.

-Invalidez absoluta ou grande invalidez: 3.000.000 de ptas.

As ditas continxencias deberán derivarse en calquera caso de accidente laboral, incluído o accidente in itinere e as indemnizacións fixadas serán totalmente independentes daquelas que lles corresponden ós traballadores en virtude da lexislación laboral vixente.

Todos aqueles traballadores que realicen menos de 1/2 xornada terán como capitais asegurados o 50% dos expresados anteriormente.

As empresas incluídas no ámbito deste convenio subscribirán as ditas pólizas nun prazo de un mes desde a publicación do presente convenio colectivo no BOP de Lugo ou DOG.

Sétima.-Cota sindical.

Os traballadores poderán solicitar da empresa o desconto en nómina da cota sindical. Esta solicitude deberá realizarse por escrito no que conste a central sindical e o número de conta bancaria desta onde a empresa teña que ingresa-las cotas retidas ós seus afiliados.

Disposición adicional

Primeira.-Normalización lingüística.

As partes asinantes do convenio comprométese a emprega-lo idioma galego como medio de expresión nas súas relacións laborais.

Segunda.-Atrasos.

As empresas comprométense a paga-los atrasos xerados no prazo dun mes desde a publicación deste convenio no BOP de Lugo ou DOG.

Táboa salarial convenio limpeza

(Vixencia 1-1-1997 ó 31-12-1997)

Categoría profesional	Soldo base mes/día	Soldo base anual	Pagas extra Xul. Ben. Dec.	Plus Transp.	Plus Asist.	Total devengado

Grupo I. Subgrupo 1º Persoal directivo
Director	112.590	1.351.080	337.770	57.540	51.786	1.798.176
Director comercial	107.384	1.288.608	322.152	57.540	51.786	1.720.086

Categoría profesional	Soldo base mes/día	Soldo base anual	Pagas extra Xul. Ben. Dec.	Plus Transp.	Plus Asist.	Total devengado

Director administrativo	107.384	1.288.608	322.152	57.540	51.786	1.720.086
Xefe de persoal	107.384	1.288.608	322.152	57.540	51.786	1.720.086
Xefe de compras	107.384	1.288.608	322.152	57.540	51.786	1.720.086
Xefe de servicios	107.384	1.288.608	322.152	57.540	51.786	1.720.086
Grupo I. Subgrupo 2º Persoal titulado
Titulado grao superior	96.790	1.161.480	290.370	57.540	51.786	1.561.176
Titulado grao medio	93.630	1.123.560	280.890	57.540	51.786	1.513.776
Titulado laboral ou profesional	85.290	1.023.480	255.870	57.540	51.786	1.388.676
Grupo II. Persoal administrativo
Xefe administrativo de 1ª	93.455	1.121.460	280.365	57.540	51.786	1.511.151
Xefe administrativo de 2ª	92.048	1.104.576	276.144	57.540	51.786	1.490.046
Caixeiro	88.656	1.063.872	265.968	57.540	51.786	1.439.166
Oficial de 1ª	86.839	1.042.068	260.517	57.540	51.786	1.411.911
Oficial de 2ª	83.448	1.001.376	250.344	57.540	51.786	1.361.046
Auxiliar	80.112	961.344	240.336	57.540	51.786	1.311.006
Telefonista	74.902	898.824	224.706	57.540	51.786	1.232.856
Aspirante (máis novo de 18 anos)	69.693	836.316	209.079	57.540	51.786	1.154.721
Cobrador	74.902	898.824	224.706	57.540	51.786	1.232.856
Grupo III. Persoal mandos intermedios
Encargado xeral	91.285	1.095.420	273.855	57.540	51.786	1.478.601
Supervisor ou encargado de zona	88.656	1.063.872	265.968	57.540	51.786	1.439.166
Supervisor ou encargado de sector	85.963	1.031.556	257.889	57.540	51.786	1.398.771
Encargado grupo ou edificio	2.612	953.380	235.080	57.540	51.786	1.297.786
Responsable de equipo	2.515	917.975	226.350	57.540	51.786	1.253.651
Grupo IV. Persoal subalterno
Ordenanza	74.026	888.312	222.078	57.540	51.786	1.219.716
Almaceneiro	74.026	888.312	222.078	57.540	51.786	1.219.716
Listeiro	74.026	888.312	222.078	57.540	51.786	1.219.716
Vixiante	74.026	888.312	222.078	57.540	51.786	1.219.716
Mozo dos recados (máis novo de 18 anos)	68.171	818.052	204.513	57.540	51.786	1.131.891
Grupo V. Persoal obreiro
Especilista	2.732	997.180	245.880	57.540	51.786	1.352.386
Peón especializado	2.562	935.130	230.580	57.540	51.786	1.275.036
Limpador/limpadora	2.462	898.630	221.580	57.540	51.786	1.229.536
Conductor/limpador	2.802	1.022.730	252.180	57.540	51.786	1.384.236
Grupo VI. Persoal oficios varios
Oficial	2.732	997.180	245.880	57.540	51.786	1.352.386
Axudante	2.562	935.130	230.580	57.540	51.786	1.275.036
Peón	2.462	898.630	221.580	57.540	51.786	1.229.536
Aprendiz (máis novo de 18 anos)	2.325	848.625	209.250	57.540	51.786	1.167.201

Táboa salarial convenio limpieza

(Vixencia 1-1-1998 ó 31-12-1998)

Categoría profesional	Soldo base mes/día	Soldo base anual	Pagas extra Xul. Ben. Dec.	Plus Transp.	Plus Asist.	Total devengado

Grupo I. Subgrupo 1º Persoal directivo
Director	116.212	1.394.544	348.636	61.650	56.170	1.861.000
Director comercial	110.821	1.329.852	332.463	61.650	56.170	1.780.135
Director administrativo	110.821	1.329.852	332.463	61.650	56.170	1.780.135
Xefe de personal	110.821	1.329.852	332.463	61.650	56.170	1.780.135
Xefe de compras	110.821	1.329.852	332.463	61.650	56.170	1.780.135
Xefe de servicios	110.821	1.329.852	332.463	61.650	56.170	1.780.135
Grupo I. Subgrupo 2º Persoal titulado
Titulado grao superior	99.859	1.198.308	299.577	61.650	56.170	1.615.705
Titulado grao medio	96.588	1.159.056	289.764	61.650	56.170	1.566.640
Titulado laboral ou profesional	87.956	1.055.472	263.868	61.650	56.170	1.437.160

Categoría profesional	Soldo base mes/día	Soldo base anual	Pagas extra Xul. Ben. Dec.	Plus Transp.	Plus Asist.	Total devengado

Grupo II. Persoal administrativo
Xefe administrativo de 1ª	96.407	1.156.884	289.221	61.650	56.170	1.563.925
Xefe administrativo de 2ª	94.951	1.139.412	284.853	61.650	56.170	1.542.085
Caixeiro	91.440	1.097.280	274.320	61.650	56.170	1.489.420
Oficial de 1ª	89.559	1.074.708	268.677	61.650	56.170	1.461.205
Oficial de 2ª	86.050	1.032.600	258.150	61.650	56.170	1.408.570
Auxiliar	82.597	991.164	247.791	61.650	56.170	1.356.775
Telefonista	77.204	926.448	231.612	61.650	56.170	1.275.880
Aspirante (máis novo de 18 anos)	71.813	861.756	215.439	61.650	56.170	1.195.015
Cobrador	77.204	926.448	231.612	61.650	56.170	1.275.880
Grupo III. Persoal mandos intermedios
Encargado xeral	94.161	1.129.932	282.483	61.650	56.170	1.530.235
Supervisor ou encargado de zona	91.440	1.097.280	274.320	61.650	56.170	1.489.420
Supervisor ou encargado de sector	88.653	1.063.836	265.959	61.650	56.170	1.447.615
Encargado grupo ou edificio	2.693	982.945	242.370	61.650	56.170	1.343.135
Responsable de equipo	2.593	946.445	233.370	61.650	56.170	1.297.635
Grupo IV. Persoal subalterno
Ordenanza	76.298	915.576	228.894	61.650	56.170	1.262.290
Almaceneiro	76.298	915.576	228.894	61.650	56.170	1.262.290
Listeiro	76.298	915.576	228.894	61.650	56.170	1.262.290
Vixilante	76.298	915.576	228.894	61.650	56.170	1.262.290
Mozo dos recados (máis novo de 18 anos)	70.238	842.856	210.714	61.650	56.170	1.171.390
Grupo V. Persoal obreiro
Especilista	2.817	1.028.205	253.530	61.650	56.170	1.399.555
Peón especializado	2.641	963.965	237.690	61.650	56.170	1.319.475
Limpador/limpadora	2.538	926.370	228.420	61.650	56.170	1.272.610
Conductor/limpador	2.890	1.054.850	260.100	61.650	56.170	1.432.770
Grupo VI. Persoal oficios varios
Oficial	2.817	1.028.205	253.530	61.650	56.170	1.399.555
Axudante	2.641	963.965	237.690	61.650	56.170	1.319.475
Peón	2.538	926.370	228.420	61.650	56.170	1.272.610
Aprendiz (máis novo de 18 anos)	2.396	874.540	215.640	61.650	56.170	1.208.000

Táboa salarial convenio limpeza

(Vixencia 1-1-1999 ó 31-12-1999)

Categoría profesional	Soldo base mes/día	Soldo base anual	Pagas extra Xul. Ben. Dec.	Plus Transp.	Plus Asist.	Total devengado

Grupo I. Subgrupo 1º Persoal directivo
Director	120.496	1.445.952	361.488	66.856	61.376	1.935.672
Director comercial	114.889	1.378.668	344.667	66.856	61.376	1.851.567
Director administrativo	114.889	1.378.668	344.667	66.856	61.376	1.851.567
Xefe de personal	114.889	1.378.668	344.667	66.856	61.376	1.851.567
Xefe de compras	114.889	1.378.668	344.667	66.856	61.376	1.851.567
Xefe de servicios	114.889	1.378.668	344.667	66.856	61.376	1.851.567
Grupo I. Subgrupo 2º Persoal titulado
Titulado grao superior	103.489	1.241.868	310.467	66.856	61.376	1.680.567
Titulado grao medio	100.087	1.201.044	300.261	66.856	61.376	1.629.537
Titulado laboral ou profesional	91.110	1.093.320	273.330	66.856	61.376	1.494.882
Grupo II. Persoal administrativo
Xefe administrativo de 1ª	99.899	1.198.788	299.697	66.856	61.376	1.626.717
Xefe administrativo de 2ª	98.385	1.180.620	295.155	66.856	61.376	1.604.007
Caixeiro	94.733	1.136.796	284.199	66.856	61.376	1.549.227
Oficial de 1ª	92.777	1.113.324	278.331	66.856	61.376	1.519.887
Oficial de 2ª	89.128	1.069.536	267.384	66.856	61.376	1.465.152
Auxiliar	85.536	1.026.432	256.608	66.856	61.376	1.411.272
Telefonista	79.928	959.136	239.784	66.856	61.376	1.327.152
Aspirante (máis novo 18 anos)	74.321	891.852	222.963	66.856	61.376	1.243.047
Cobrador	79.928	959.136	239.784	66.856	61.376	1.327.152

Categoría profesional	Soldo base mes/día	Soldo base anual	Pagas extra Xul. Ben. Dec.	Plus Transp.	Plus Asist.	Total devengado

Grupo III. Persoal mandos intermedios
Encargado xeral	97.563	1.170.756	292.689	66.856	61.376	1.591.677
Supervisor ou encargado de zona	94.733	1.136.796	284.199	66.856	61.376	1.549.227
Supervisor ou encargado de sector	91.835	1.102.020	275.505	66.856	61.376	1.505.757
Encargado grupo ou edificio	2.789	1.017.985	251.010	66.856	61.376	1.397.227
Responsable de equipo	2.685	980.025	241.650	66.856	61.376	1.349.907
Grupo IV. Persoal subalterno
Ordenanza	78.985	947.820	236.955	66.856	61.376	1.313.007
Almaceneiro	78.985	947.820	236.955	66.856	61.376	1.313.007
Listeiro	78.985	947.820	236.955	66.856	61.376	1.313.007
Vixilante	78.985	947.820	236.955	66.856	61.376	1.313.007
Mozo dos recados (máis novo de 18 años)	72.683	872.196	218.049	66.856	61.376	1.218.477
Grupo V. Persoal obreiro
Especilista	2.918	1.065.070	262.620	66.856	61.376	1.455.922
Peón especializado	2.735	998.275	246.150	66.856	61.376	1.372.657
Limpador/limpadora	2.628	959.220	236.520	66.856	61.376	1.323.972
Conductor/limpador	2.994	1.092.810	269.460	66.856	61.376	1.490.502
Grupo VI. Persoal oficios varios
Oficial	2.918	1.065.070	262.620	66.856	61.376	1.455.922
Axudante	2.735	998.275	246.150	66.856	61.376	1.372.657
Peón	2.628	959.220	236.520	66.856	61.376	1.323.972
Aprendiz (máis novo de 18 anos)	2.480	905.200	223.200	66.856	61.376	1.256.632

1627