Polo Real decreto 234/1998, do 16 de febreiro, sobre ampliación dos medios traspasados á Comunidade Autónoma de Galicia polos reais decretos 1634/1980, do 31 de xullo, e 971/1984, do 28 de marzo, traspásanse bens, dereitos e obrigas da Administración do Estado á Comunidade Autónoma de Galicia en materia de industria e medio ambiente.
Parece, pois, conveniente asumir de forma expresa tales funcións e servicios, nos termos e condicións
especificadas no acordo da Comisión Mixta de Transferencias e asignalas ós órganos correspondentes da Administración galega.
Na súa virtude, por proposta do conselleiro da Presidencia e Administración Pública e logo de deliberación do Consello da Xunta de Galicia na súa reunión do día cinco de marzo de mil novecentos noventa e oito,
DISPOÑO:
Artigo 1º
Quedan asumidos os bens, dereitos e obrigas traspasados pola Administración do Estado á Comunidade Autónoma de Galicia en virtude do Real decreto 234/1998, do 16 de febreiro, en materia de industrias e medio ambiente, nos termos e condicións especificados no acordo da Comixión Mixta de Transferencias do 23 de xaneiro de 1998, transcrito como anexo ó devandito real decreto.
Artigo 2º
1. Asignánselle á Consellería de Medio Ambiente os bens, dereitos e obrigas asumidos de conformidade co artigo anterior.
2. Os órganos da Consellería de Medio Ambiente exercerán as atribucións que lles corresponden conforme as normas que regulan a súa estructura e demais disposicións de aplicación.
Disposición derradeira
O presente decreto entrará en vigor o día seguinte ó da súa publicación no Diario Oficial de Galicia.
Santiago de Compostela, cinco de marzo de mil novecentos noventa e oito.
Manuel Fraga Iribarne
Presidente
Dositeo Rodríguez Rodríguez
Conselleiro da Presidencia e Administración Pública
1964