Visto o expediente da revisión salarial do convenio colectivo para a empresa Empresa Pereira, S.L., que tivo entrada nesta delegación provincial o día 3-2-1998, subscrito en representación da parte económica pola representación da empresa, e da parte social, polo delegado de persoal, o 28-1-1998. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia
Vigo, 5 de febreiro de 1998.
Antonio Coello Bufill
Delegado provincial de Pontevedra
Acta
Asistentes:
José Agustín Pereira Fernández, xerente de Empresa Pereira, S.L.
Manuel Cores Santiago, delegado de persoal (UGT).
En Vilagarcía de Arousa, ás 10 horas do día 28 de xaneiro de 1998, reúnense nos locais de Empresa Pereira, S.L., sitos na rúa Santa Eulalia, 17, de Vilagarcía de Arousa, o representante dos traballadores e a dirección da empresa, para proceder á revisión do convenio colectivo para a dita empresa.
Aberta a sesión, as partes dan a coñece-las súas respectivas representacións. Pola empresa, José Agustín Pereira Fernández, xerente desta e, polos traballadores, Manuel Cores Santiago, delegado de persoal por UGT.
De acorde co artigo 4 do convenio colectivo para a dita empresa, en vigor, procede incrementar para 1998 tódolos conceptos salariais nunha porcentaxe igual ó IPC real do ano 1997. Como esta foi do 2%, modifícanse os artigos 9, 10 e 12 do texto, así como a táboa salarial. Xúntanse os novos textos e a táboa salarial.
E, non habendo máis asuntos que tratar, levántase a sesión, ás once horas do día e no lugar arriba indicados, do que as partes dan fe.
Asdo. José Agustín Pereira Fernández
Xerente de Empresa Pereira, S.L.
Asdo. Manuel Cores Santiago
Delegado de persoal UGT
Artigo 8º.-Plus de quebranto de moeda.
O conductor-perceptor, o día que realice un mínimo de dúas horas da súa xornada laboral as funcións de conductor e cobrador, percibirá un plus de 105 pesetas en concepto de quebranto de moeda.
Artigo 10º.-Plus de transporte ou asistencia.
Como compensación, dos gastos que o persoal da empresa ten que efectuar para trasladarse ó centro de traballo, establécese un plus de transporte ou asistencia para tódalas categorías profesionais, de 158 pesetas por cada día efectivo traballado.
Artigo 12º.-Traballo en domingos e festivos.
Os domingos e festivos que, por necesidades do servicio, sexan traballados e o descanso se produza
outro día da semana, aboaranse coa cantidade de 1.836 pesetas a cada traballador, independentemente da súa antigüidade e categoría profesional.
No caso de que excepcionalmente non puidese desfrutarse este descanso, en cómputo mensual cobrarase co incremento do 140%.
Táboa salarial (1 de xaneiro de 1998)
Xefe de personal 117.315 ptas./mes 955 ptas./hora Xefe de tráfico 117.315 ptas./mes 955 ptas./hora Administrativo 107.025 ptas./mes 882 ptas./hora Auxiliar administrativo 94.140 ptas./mes 790 ptas./hora Inspector 3.206 ptas./día 870 ptas./hora Conductor 3.177 ptas./día 830 ptas./hora Conductor-perceptor 3.177 ptas./día 830 ptas./hora Cobrador 2.742 ptas./día 789 ptas./hora Mecánico oficial 1ª 3.206 ptas./día 870 ptas./hora Mecánico oficial 2ª 2.892 ptas./día 789 ptas./hora Mozo 2.754 ptas./día 789 ptas./hora Engraxador/lavacoches 2.754 ptas./día 789 ptas./hora