Aprobándose inicialmente polo Pleno do Concello de Valdoviño, con data do 30 de maio de 1997, o proxecto de bases e estatutos da Xunta de Compensación da unidade de actuación número 3, publícase este acordo así como copia do proxecto de bases e estatutos polo prazo de vinte días, para os efectos previdos no artigo 133.4º da Lei do solo de Galicia.
Valdoviño, 4 de xuño de 1997.
Mª Elisa Garrido Cantarero
Alcaldesa
Bases de actuación da Xunta de Compensación da unidade de actuación número tres de Valdoviño
I. Normativa legal de aplicación
As presentes bases e os estatutos da Xunta de Compensación que simultaneamente entrarán en vigor réxense polas seguintes disposicións:
1. Lei sobre réxime do solo e ordenación urbana, texto refundido aprobado polo Real decreto lexislativo 1/1992, do 26 de xuño, no sucesivo texto refundido.
2. Real decreto lei 5/1996, do 7 de xuño, de medidas liberalizadoras en materia de solo.
3. Lei 30/1992, do 26 de novembro, de réxime xurídico das administracións públicas e do procedemento administrativo común, publicada no BOE número 285, do 27 de novembro de 1992.
4. Lei 11/1985, do 22 de agosto, de adaptación da Lei do solo a Galicia.
5. Regulamento de xestión urbanística, aprobado polo Decreto 3288/1978, do 25 de agosto, publicado nos BOE números 27 e 28, do 31 de xaneiro e 1 de febreiro de 1979, no sucesivo Regulamento de xestión.
II. Finalidade e actuacións propias do sistema
Os deberes de cesión, equidistribución de beneficios e cargas e urbanización da unidade de actuación cumpriranse mediante o sistema de compensacion.
Os propietarioa promotores do sistema, que representan máis do 60% da propiedade total comprendida nela, constitúense en Xunta de Compensación cos efectos inherentes ó sistema e desde a aprobación definitiva das presentes bases.
Á devandita Xunta de Compensación poderán incorporarse os propietarios non actuantes, con igualdade de dereitos e obrigas, ben durante o trámite de audiencia que o Concello de Valdoviño lles conceda, ou ben no prazo de quince días, contados a partir da notificación do acordo de aprobación definitiva da devandita xunta.
A actuación polo sistema de compensación comprenderá:
a) A redacción e tramitación, ata a súa aprobación definitiva do proxecto de compensación para a xusta e equitativa distribución, entre tódolos propietarios actuantes, dos beneficios e cargas derivados do planeamento urbanístico que se executa, con distribución dos terreos susceptibles de edificación privada de acordo cos criterios fixados nas presentes bases e en proporción ás súas respectivas cotas de participación.
b) A expropiación dos predios e dos bens afectos a eles, dos propietarios non incorporados, no prazo que para o efecto sinale.
c) A cesión gratuíta ó Concello de Valdoviño de tódolos terreos para vías, parques, xardíns e equipamentos previstos e determinados no planeamento urbanístico que se executa, de conformidade coas especificacións contidas nel.
d) A execución e custeamento de tódalas obras de urbanización consignadas no referido instrumento de planeamento ou que se determinen no proxecto de urbanización ou proxecto de obras, así como a asunción de tódolos gastos inherentes ó sistema, aprobados pola Xunta de Compensación, para o total desenvolvemento urbanístico da unidade.
e) A Xunta de Compensación solicitará como beneficiaria do Concello de Valdoviño a expropiación forzosa dos terreos, bens e dereitos incluídos na unidade de actuación pertencentes a propietarios que non se incorporen a ela, no prazo que para o efecto se sinale, e exercitará as facultades que como tal beneficiaria lle correspondan, con suxeición á lexislación vixente e aboará os oportunos prezos xustos e indemnizacións.
Así mesmo, poderá solicita-la expropiación forzosa de terreos, bens e dereitos, pertencentes a propietarios incorporados a ela, que non satisfagan as achegas ordinarias e extraordinarias acordadas pola asemblea xeral, nos termos en que se prevé no artigo 48º dos estatutos.
En ámbolos supostos, a acta de ocupación será título suficiente para a posta á disposición da Xunta de Compensación dos bens e dereitos obxecto de expropiación.
O importe dos prezos por expropiación será sufragado polos propietarios integrados na Xunta de Compensación, en proporción ás súas respectivas cotas de participación e os expedientes serán tramitados polo Concello de Valdoviño de conformidade co previsto na Lei de expropiación forzosa, do 16 de decembro de 1954, sendo de aplicación para o solo os criterios establecidos no texto refundido da Lei do solo e ou Regulamento de xestión urbanística, así como os da Lei de expropiación forzosa e o seu regulamento, para os restantes bens e dereitos.
A resolución do Xurado Territorial de Expropiación Forzosa de Galicia ultimará a vía administrativa e o pagamento ou consignación do prezo xusto por el establecido facultará a Xunta de Compensación para a inclusión dos bens e dereitos expropiados no proxecto de compensación cos efectos xurídico-reais legalmente previstos para el.
Para garanti-la posible revisión de tal prezo xusto en vía xurisdiccional, o proxecto de compensación deberá establece-la oportuna fórmula, tendo en conta as circunstancias concorrentes, garantindo, en todo caso, a diferencia económica existente entre o prezo xusto fixado en vía administrativa e o reclamado en vía xurisdicional polo expropiado.
Finalmente, a Xunta de Compensación e o Concello de Valdoviño poderán solicitar do Consello da Xunta de Galicia a declaración de urxencia da ocupación, dos bens e dereitos afectados pola expropiación, de conformidade co disposto no artigo 52 da Lei de expropiación forzosa.
Se é o caso e declarada esta, o levantamento das actas de depósito previo e o pagamento dos danos e prexuízos pola rápida ocupación e a acta de ocupación bastará para a inclusión dos bens expropiados, para efectos de aprobación do proxecto de compensación. Iso sen prexuízo do previsto no parágrafo sexto antecedente.
f) A participación de cada propietario interveniente na Xunta de Compensación, tanto nos beneficios como nas cargas derivadas do planeamento que se executa, fixarase en razón da súa respectiva cota de participación, determinada conforme o procedemento establecido nas presentes bases de actuación.
As cotas de participación provisionais correspondentes a cada un dos propietarios intervenientes no sistema constan relacionadas no anexo 1 que se incorpora a estas bases.
Tanto os propietarios actuantes, como os demais que posteriormente se incorporen, aceptan tal determinación provisional, sen prexuízo da súa fixación definitiva, de conformidade co procedemento establecido nestas bases.
As cotas de participación establecidas para cada propietario actuante fixan o seu dereito de inter
vención nas decisións da Xunta de Compensación e a súa respectiva participación nos beneficios e cargas inherentes ó planeamento que se executa, sen prexuízo das correccións que se establezan no proxecto de compensación.
A distribución dos terreos que resulten edificables, incluídos os que a Xunta de Compensación adquirise por expropiación, efectuarase entre os propietarios participantes no sistema de actuación, en función das súas respectivas cotas de participación e na forma en que se determine no correspondente proxecto de compensación.
g) A Xunta de Compensación, con independencia doutros cometidos asumidos por ela nos seus estatutos e nestas bases, de conformidade co texto refundido e Regulamento de xestión, poderá acordar, por unanimidade dos seus membros integrantes, a edificación da unidade de actuación.
h) Os terreos dos propietarios integrantes da Xunta de Compensación quedarán directamente afectados ó cumprimiento das obrigas inherentes ó sistema.
A dita xunta actuará como fiduciaria, con pleno poder dispositivo, sobre os predios pertencentes ós propietarios membros dela, sen máis limitacións que as establecidas nos estatutos.
Os terreos afectos ó sistema de actuación por compensación acreditarán tal situación mediante nota marxinal nas súas respectivas inscricións rexistrais, que practicará o rexistrador da propiedade, por instancias da Xunta de Compensación, con achegas de certificación administrativa de quedar constituída a xunta e de esta-lo predio incluído na unidade de actuación.
Se se tratase de terreos non inscritos, practicarase a oportuna anotación preventiva.
A nota marxinal, ou anotación preventiva se é o caso, caducará e será cancelada de oficio ós 3 anos da súa data, sen prexuízo de que o municipio de Valdoviño, como órgano urbanístico actuante, poida acordar por instancias da Xunta de Compensación a súa prórroga ou prórrogas por un prazo igual.
Os interesados que fagan consta-lo seu dereito no Rexistro da Propiedade con posterioridade a tales asentos non terán que ser citados preceptivamente pola Xunta de Compensación para a adopción dos seus acordos, se non fixeren constar a ela, previamente e en forma que dea fe, a súa condición de novos titulares dominicais.
III. Propietarios actuantes na Xunta de Compensación
Son os que se relacionan no documento anexo l, epígrafe A.
Propietarios non actuantes na Xunta de Compensación.
Son os que se relacionan no documento anexo l, epígrafe B.
A relación de propietarios, actuantes e non actuantes, comprende a totalidade dos titulares dominicais incluídos na unidade de actuación aprobada pola Administración actuante.
IV. Zona de actuación.
Está constituída pola unidade de actuación delimitada co nome de UA-3 do solo urbano das vixentes normas subsidiarias do planeamento municipal de Valdoviño (A Coruña), cunha superficie total que é de setenta e cinco mil noventa e seis metros cadrados (75.096 m).
V. Planeamento vixente que se executa
O planeamento urbanístico que se xestiona mediante estas bases e que rexerá as actuacións da Xunta de Compensación, vén integrado polo que, respecto da unidade de actuación número tres, se recolle nas vixentes normas do planeamento municipal de Valdoviño ou o que resultar das modificacións que do dito planeamento entraren en vigor con anterioridade á aprobación definitiva do proxecto de compensación desta unidade.
VI. Cesións de terreos e aproveitamento, obrigatorias e gratuítas
Como xa se indicou, de conformidade co disposto no vixente texto refundido e Regulamento de xestión, a Xunta de Compensación deberá cederlle obrigatoria e gratuitamente ó municipio de Valdoviño os terreos de tal carácter previstos na normativa urbanística aprobada.
A Administración actuante virá obrigada a afectar para os fins previstos na dita normativa o solo que adquira como consecuencia do cumprimento dos deberes de cesión obrigatoria, que recaen sobre os propietarios da súa Xunta de Compensación.
O solo destinado a dominio e uso público non poderá cambiarse de destino, senón por modificación do planeamento vixente.
O acordo de aprobación do proxecto de compensación producirá, conforme determina o Art. 179 do Regulamento de xestión, a cesión de dereito á Administración actuante, en pleno dominio e libre de cargas, de tódolos terreos que sexan de cesión obrigatoria e gratuíta segundo o planeamento que se executa (Art. 159.3º do texto refundido).
Non obstante iso, a Xunta de Compensación e a empresa que teña ó seu cargo a execución das obras de urbanización poderán ocupar para este fin os terreos obxecto de cesión ata que, finalizadas as ditas obras, sexan recibidas polo citado concello.
VII. Custos para sufragar polos propietarios integrados na Xunta de Compensación
1. Custos de urbanización.
Os membros da Xunta de Compensación virán obrigados a sufraga-los custos da urbanización que a continuación se determinan.
De conformidade co disposto no artigo 59 do Regulamento de xestión, o importe das obras de urbanización, que é por conta dos propietarios da unidade, comprende os siguientes conceptos:
a) Obras de vialidade, incluíndose nelas as de explanación, afirmado e pavimentación de calzadas, construcción e encintado de beirarrúas e canalizacións que deban construírse no subsolo da vía pública para servicios.
b) Obras de saneamento, que comprenden colectores xerais e parciais, acometidas, sumidoiros e bueiros para augas pluviais.
c) Subministración de auga, distribución domiciliaria de auga potable, de rega e de hidrantes contra incendios.
d) Subministración de enerxía eléctrica, incluídas conducción e luz pública.
e) Xardinería e arboredo en parques, xardíns e vías públicas.
f) Calquera outra que se derive do proxecto de urbanización ou de obras que se aprobe.
Os particulares afectados polas obras de urbanización poderán reintegrarse dos gastos de instalación das redes de abastecemento de auga e enerxía eléctrica con cargo ás empresas concesionarias na parte que, segundo a regulamentación de tales servicios, non teña que ser por conta dos usuarios. Os custos de instalación acreditaranse mediante certificación expedida pola Administración actuante, o Concello de Valdoviño.
Os custos das obras de urbanización calcularanse de acordo cos orzamentos aprobados, ou mediante cifra estimativa que será establecida razoadamente polo equipo técnico autor do proxecto de urbanización ou proxecto de obras, primando, non obstante, en tódolos supostos, o importe real que en definitiva resulte da súa contratación ou execución material, xa se efectúe esta directamente pola propia Xunta de Compensación, por terceiras persoas ou por empresa ou empresas urbanizadoras.
2. Outros custos.
Serán igualmente por conta dos propietarios membros da Xunta de Compensación, os seguintes custos:
a) As indemnizacións debidas ós propietarios e arrendatarios de edificios e construccións de calquera tipo que teñan que derrubarse para a correcta execución da unidade de actuación, así como as indemnizacións derivadas da destrucción de plantacións, obras e instalacións incompatibles co planeamento que se executa.
b) Os reintegros das achegas anticipadas polos promotores da Xunta de Compensación para a adqui
sición dos terreos de cesión ó Concello de Valdoviño e para a constitución da Xunta de Compensación, incrementadas no xuro legal do diñeiro vixente nese momento, máis dous puntos, da cantidade ou fracción non aboada, polo tempo transcorrido ata o momento do reintegro.
O disposto anteriormente será igualmente aplicable ás servidumes e cargas e calquera outro dereito que, por ser incompatible coa execución do planeamento, deban extinguirse coa aprobación do proxecto de compensación.
De conformidade co disposto no Art. 98 do Regulamento de xestión, as plantacións, obras, edificacións e instalacións que non poden conservarse valoraranse con independencia do solo, e o seu importe pagaráselles ós propietarios ou titulares interesados, con cargo ó proxecto, en concepto de gastos de urbanización.
Entenderase que non poden conservarse os elementos mencionados: cando sexa necesaria a súa eliminación para realiza-las obras de urbanización previstas no planeamento urbanístico, cando estean situados nunha superficie que non se lle deba adxudicar integramente ó seu mesmo propietario e cando a súa conservación sexa radicalmente incompatible coa ordenación, incluso como uso provisional.
A taxación destes elementos efectuarase no propio proxecto de compensación, de acordo coas normas que rexen a expropiación forzosa.
As indemnizacións resultantes serán obxecto de compensación, se é o caso, coas cantidades das que resulte debedor o interesado por diferencias de adxudicación ou por gastos de urbanización e de proxecto.
O dito será igualmente aplicable ás servidumes e cargas e calquera outro dereito que, por ser incompatible coa execución das normas subsidiarias, deba extinguirse coa aprobación do proxecto de compensación.
Ó valora-las edificacións terase en conta a minoración que, respecto do seu prezo, supoña a existencia de dereitos concedidos sobre o dominio en favor de terceiras persoas, tales como dereitos de arrendamento urbano ou rústico, uso, habitación, etc.
c) Custo do proxecto de urbanización da dita unidade de actuación, das bases e estatutos da Xunta de Compensación e do seu proxecto de compensación.
Os gastos de redacción dos proxectos que obtivesen a aprobación inicial, aínda que non chegasen a obte-la definitiva, serán igualmente computables, de conformidade co disposto no parágrafo 4º do Art. 100, do Regulamento de xestión.
d) Os gastos útiles e necesarios, de toda índole, derivados da actuación por compensación, así como
os xuros e amortizacións dos créditos que se puidesen concertar para a realización das obras de urbanización.
e) Finalmente, os gastos derivados da xestión e os producidos pola constitución da Xunta de Compensación, logo de adopción do pertinente acordo en tal sentido pola asemblea xeral da Xunta de Compensación creada.
VIII. Execución das obras de urbanización, cesión delas ó municipio de Valdoviño e, se é o caso, conservación temporal
A Xunta de Compensación, unha vez aprobado o correspondente proxecto de urbanización ou proxecto de obras, executará pola súa conta as obras de urbanización, ben directamente por xestión privada, contratando o seu material de execución por calquera das fórmulas previstas en dereito, ben a través de terceira ou terceiras persoas.
En calquera caso, no contrato de execución de obra farase constar, ademais das cláusulas que constitúen o seu contido típico, as seguintes:
a) O compromiso da empresa constructora de realiza-las obras de total conformidade co proxecto de urbanización ou proxecto de obras, debidamente aprobado.
b) A obriga da empresa de facilita-la acción inspectora do Concello de Valdoviño.
c) Aqueles supostos de incumprimento que poidan dar lugar á resolución do contrato, así como as indemnizacións que correspondan por inobservancia das características técnicas das obras ou dos plans de execución.
d) A retención, que de cada pagamento parcial a conta teña que efectua-la xunta, en garantía da correcta execución das obras. Estas retencións non serán devoltas ata que non se recibise definitivamente a obra.
e) O modo e prazos para o aboamento pola Xunta das cantidades a conta, en función da obra realizada.
O Concello de Valdoviño terá a facultade de vixia-la execución das obras e instalacións. Se algunha obra ou instalación, ou parte dela, non se executar de conformidade co proxecto, a corporación poderá ordena-la demolición da obra ou o levantamento das instalacións e a nova execución con cargo á Xunta de Compensación, quen ó mesmo tempo poderá repercutir sobre o contratista ou empresa constructora, se procede, o seu custo.
Para lles facer fronte ós gastos de urbanización, a xunta poderá dispoñer, mediante o seu alleamento, dos terreos que reservase para si para tal fin no proxecto de compensación.
A Xunta de Compensación poderá concertar créditos con garantía hipotecaria, logo de autorización da asemblea xeral, dos predios pertencentes ós propietarios membros dela, para a realización das obras
de urbanización. Se emitise títulos, cumprirase o disposto para a constitución de hipoteca en garantía dos transmisibles por endoso ou ó portador nos artigos 154 e concordantes da Lei hipotecaria.
O acordo de aprobación do proxecto de compensación producirá a cesión de dereito ó municipio de Valdoviño, en pleno dominio e libre de cargas, de tódolos terreos que sexan de cesión obrigatoria e gratuíta, segundo o planeamento que se executa.
A cesión das obras de urbanización, instalacións e dotacións cunha execución que estivese prevista no planeamento urbanístico e proxecto de urbanización ou de obras para a súa execución, será efectuada pola Xunta de Compensación, en favor do municipio de Valdoviño dentro dun prazo non superior a 3 meses contados desde a recepción definitiva de tales obras, instalacións e dotacións pola xunta.
A recepción das obras, instalacións e dotacións ó municipio solicitarase mediante o correspondente ofrecemento que, en representación da Xunta de Compensación, efectuará o seu presidente, transformándose a dita recepción en definitiva, transcorridos seis meses desde a data en que se leve a cabo.
No caso de que a Administración actuante non resolvese sobre a recepción das obras de urbanización no prazo indicado, abondará o ofrecemento formal da súa cesión e o.transcurso do citado termo para entenderse producida a recepción definitiva.
Durante o prazo mencionado de seis meses, a Xunta de Compensación virá obrigada a emendar pola súa conta e cargo exclusivo toda clase de vicios ou defectos que existisen e fosen postos de manifesto pola Administración actuante.
Así mesmo a Xunta de Compensación virá obrigada á conservación e mantemento das obras de urbanización, dotacións e instalacións, durante o prazo que medie entre a súa recepción definitiva pola xunta e a cesión delas ó municipio de Valdoviño.
O concello, recibidas definitivamente as obras de urbanización, dotacións e instalacións, deberá arbitra-las oportunas medidas que garantan o seu correcto mantemento e conservación, mentres duren as obras de edificación dos soares resultantes.
En caso de que a Xunta de Compensación acordase a edificación da unidade, a obriga establecida no parágrafo precedente será pola súa conta e cargo, debéndose entender que a obriga de cesión se produce no prazo máximo de 3 meses contados desde a finalización da actividade constructiva e en idénticas condicións.
Acreditado pola Xunta de Compensación o cumprimento dos deberes de cesión, equidistribución e urbanización, a Administración actuante expedirá
por instancia súa a certificación correspondente. A dita certificación entenderase outorgada se, no prazo de tres meses desde a súa solicitude, non fose resolta expresamente (Art. 28.3º do texto refundido).
IX. Definición do dereito dos propietarios intervenientes na Xunta de Compensación: cotas de participación
O dereito dos propietarios membros da Xunta de Compensación será proporcional á superficie dos seus respectivos predios que quede comprendida dentro da unidade de actuación que é obxecto de actuación polo sistema de compensación.
O dito dereito concrétase nunha cota de participación, a cal determina a súa respectiva porcentaxe de participación nos dereitos e obrigas derivados do sistema de actuacion, e consecuentemente na adxudicación das superficies susceptibles de edificación ou aproveitamento privado conforme o plan que se executa, e nas posibles indemnizacións substitutorias.
O seu cálculo efectúase tendo en conta a superficie dos terreos achegados á xunta por cada un dos propietarios intervenientes e en proporción á superficie total da unidade de actuación, e exprésase en unidades convencionais ou tantos por cento.
A superficie total da dita unidade representa o 100% das cotas de participación, e a superficie achegada por cada titular dominical, un tanto por cento proporcional ó dito total que, como unidade convencional, facilita e axiliza a actuación do sistema.
As propiedades computables acredítanse por medio de certificación rexistral dos predios, no seu defecto, mediante testemuño notarial do título de adquisición e, a falta de ambos, por declaración xurada do propietario na que se fai consta-la superficie, os propietarios estremeiros e o título de adquisición, acompañándose un plano dos terreos e cantos documentos poidan acredita-la súa condición de propietario.
No presente momento, fíxanse como cotas de participación provisionais dos propietarios actuantes as que se determinan no anexo 1.
As cotas de participación provisionais dos propietarios non intervenientes fíxanse igualmente no dito anexo e calculáronse tendo en conta os seus datos superficiais.
A asemblea xeral, por proposta do seu presidente, establecerá as cotas de participación definitivas dos membros integrantes da Xunta de Compensación, e notificarállelo de maneira que faga fe a tódolos membros da Xunta de Compensación.
Para a súa determinación terase en conta, prioritariamente, a superficie real das propiedades achegadas á xunta, segundo a súa medición topográfica.
O propietario ou propietarios que consideren errónea a medición practicada poderán opoñerse a ela,
achegando, en xustificación das súas pretensións, cantos documentos e probas estimen convenientes ante a asemblea xeral, no termo de 20 días hábiles contados a partir da notificación do acordo de fixación, adoptado por ela.
A asemblea, por proposta do seu presidente, resolverá definitivamente as discrepancias no prazo dun mes, contado a partir do termo anteriormente establecido. Contra o dito acordo procederá recurso ordinario ante o Concello de Valdoviño, de conformidade co prevido no parágrafo 3 do artigo 53º dos estatutos da Xunta de Compensación.
Considérase erro admisible de medición, que non motivará o reaxuste das respectivas cotas de participación dos membros, aquel que non supere o 1% da superficie total fixada, por acordo da asemblea xeral para a propiedade achegada polo titular dominical en cada suposto. Non obstante, e de acreditarse tal diferencia, será obxecto de compensación económica.
Se existise discordancia entre os títulos e a realidade físico-xurídica dalgún predio integrado na Xunta de Compensación, en canto a lindeiros, construccións ou outras circunstancias, primarán os datos que sobre tales extremos se conteñan na relación incorporada ás bases da Xunta de Compensación como anexo 1 ou, no seu defecto, os que resulten da realidade, sen prexuízo da reclamación que poida efectua-lo titular dominical afectado, de conformidade co prevido nos apartados precedentes.
O acordo firme da asemblea xeral, polo que se resolven tales discrepancias, será igualmente recorrible perante o Concello de Valdoviño de conformidade co previsto no artigo 53º dos estatutos.
Se os terreos estivesen gravados con algunha carga real, o propietario afectado terá que compartir co titular do dereito real, nos seus respectivos efectos xurídico-económicos, a cota de participación atribuída a el e, no suposto de que non declarase carga ningunha, ou de que as declaradas non se axustasen á realidade, os prexuízos que puidesen resultar serán por conta do propietario que cometese a omisión.
O valor dos demais bens e dereitos, distintos do solo, afectados polo proxecto de compensación, non influirá na cota de participación dos membros e determinarase, para efectos das indemnizacións subseguintes, por convenio dos interesados ou, no seu defecto, por aplicación do disposto na lexislación expropiatoria vixente.
As cotas de participación asignadas provisionalmente e as definitivas fixadas pola asemblea xeral, conforme o procedemento establecido, definirán o voto porcentual de cada un dos membros da Xunta de Compensación e a súa participación nos dereitos e obrigas derivadas do sistema de actuación.
X. Determinacións mínimas obrigatorias das bases de actuación por compensación
De conformidade co establecido no artigo 167 do Regulamento de xestión urbanística, especifícanse a continuación as seguintes determinacións mínimas das bases de actuación da Xunta de Compensación da unidade de actuación.
A) Criterios para valora-los predios achegados.
Debendo efectuarse a valoración dos predios achegados, co fin de determina-lo dereito de participación dos propietarios na Xunta de Compensación, para o xusto e equitativo reparto dos beneficios e cargas derivadas da ordenación, seguiuse o criterio fixado para tal fin polo Regulamento de xestión en materia de reparcelación, ó considerarse este perfectamente válido respecto do obxectivo perseguido, sen que resulte nin necesaria nin conveniente a adopción doutro, que esixiría unanimidade dos interesados.
Como se indicou no apartado precedente, e de conformidade co disposto no artigo 86 do mencionado regulamento, o dereito dos propietarios afectados é proporcional á superficie dos seus respectivos predios achegados, na unidade obxecto de compensación, toda vez que o valor urbanístico é idéntico e uniforme para tódolos terreos incluídos no seu ámbito.
Tal dereito concrétase nas denominadas cotas de participación, porcentaxe que ó mesmo tempo fixa o módulo de participación en tódolos dereitos e obrigas derivadas do sistema de actuación.
A cota de participación, coeficiente que determina o dereito dos propietarios afectados, fíxase no momento da iniciación do sistema de actuación por compensación, mediante unha asignación provisional de cotas, revisable pola asemblea xeral, conforme o procedemento establecido, primando en todo caso os datos reais de superficie das propiedades achegadas.
B) Criterios de valoración de dereitos reais sobre os predios, servidumes prediais e dereitos persoais que puidesen estar constituídos en razón delas.
De conformidade co establecido no Art. 168 do texto refundido e artigos 123 e concordantes do Regulamento de xestión, haberán de distinguirse os siguientes supostos:
Cargas, gravames e situacións xurídicas de carácter real.
1. As cargas, gravames e situacións xurídicas de carácter real que consten rexistrados pasarán, por subrogación real, ós novos predios resultantes, cando non resulten incompatibles coa nova situación e características dos predios, nin sexan incompatibles co planeamento, quedando libres en todo caso os terreos de cesión obrigatoria e gratuíta.
Para tal fin, citaranse os titulares de tales dereitos, para que, en prazo non inferior a un mes aleguen
o que ó seu dereito conveña e, de non formular oposición, producirase a subrogación real por ministerio da lei, de conformidade co expresamente disposto no Art. 85.2º do Regulamento de xestión.
2. Se algunha carga, gravame ou dereito real resultase incompatible coa nova situación ou características do predio ou co planeamento que se vai executar, o proxecto de compensación deberá declaralo así e fixa-la indemnización correspondente, sen prexuízo do que no seu día resolvan os tribunais ordinarios ó respecto.
En tales casos, o rexistrador da propiedade limitarase a facelo constar no asento correspondente e as partes interesadas poderán acudir ó xulgado competente para solicita-la declaración de compatibilidade ou incompatibilidade de cargas ou gravames sobre os predios novos e, neste último suposto, a súa transformación nun dereito de crédito, con garantía hipotecaria, sobre o novo predio na contía en que o prezo xusto da carga fose calculado.
Se se formulase diverxencia entre os interesados respecto á vixencia dos seus respectivos dereitos, entenderanse as actuacións co Ministerio Fiscal, sen que en ningún suposto poida interromperse a actividade da Xunta de Compensación.
Igual procedemento se aplicará se non houber acordo sobre distribución de gravames entre os predios dun mesmo propietario.
A valoración dos dereitos reais, cargas e gravames de carácter real efectuarase de conformidade cos criterios da lexislación de expropiación forzosa, Lei do 16 de decembro de 1954 e regulamento para a súa aplicación, do 26 de abril de 1957.
Servidumes prediais.
As servidumes prediais, incompatibles coa nova ordenación, serán expropiadas, valorándose conforme os criterios da lexislación de expropiación forzosa, e o seu prezo xusto pagaráselles ós propietarios ou titulares interesados, con cargo ó proxecto e en concepto de gastos de urbanización.
As servidumes inscritas no Rexistro da Propiedade cancelaranse en virtude do título de nova adxudicación dos soares resultantes, que para tal fin as mencionará expresamente.
Dereitos de arrendamento.
Os dereitos de arrendamento existentes sobre os predios rústicos e soares, e sobre as edificacións que deban derruírse, quedarán extinguidos pola aprobación definitiva do proxecto de compensación, que determinará a adxudicación dos soares edificables.
Para tal efecto, no acordo constará, se procedese, indicación expresa de tales dereitos.
De conformidade co regulado na Lei de expropiación forzosa, do 16 de decembro de 1954, seguirase expediente incidental para a fixación da indemnización correspondente, con cada un dos titulares de tales dereitos.
O desafiuzamento e lanzamento terá carácter administrativo, conforme o prevido no Art. 54 do Regulamento de expropiación forzosa do 26 de abril de 1957. 0 Concello de Valdoviño decretará e efectuará aqueles nos prazos e condicións sinalados no artigo 53 da dita disposición regulamentaria.
As indemnizacións que se deban serán pagadas polos propietarios intervenientes na Xunta de Compensación, conforme as súas respectivas cotas de participación e como custos de urbanización.
C) Dereito de realoxamento dos ocupantes legais de inmobles que constitúan a súa residencia habitual, cando da execución do planeamento resulte o derrubamento de tales edificios para a súa correcta execución.
Para o cumprimento do dereito ó realoxamento dos ocupantes legais de inmobles que constitúan a súa residencia habitual que establece a disposición adicional cuarta do texto refundido, aplicaranse as seguintes regras:
a) O dereito de realoxamento de ocupantes legais de inmobles será de aplicación cando da execución do planeamento resulte necesario o derrubamento de tales edificios para a súa correcta execución.
A simple cualificación deles como «fóra de ordenación» non comportará a súa aplicación necesaria cando, de conformidade co disposto no artigo 98.2º do Regulamento de xestión, estean situados en superficie que se lle deba adxudicar integramente ó seu mesmo propietario, a súa conservación non resulte radicalmente incompatible coa ordenación, incluso como uso provisional ou cando, ó non estar prevista a súa demolición no prazo de 15 anos, ou no de execución do planeamento de que se trate, poidan autorizarse neles obras parciais e circunstanciais de consolidación (artigo 137.3º do texto refundido).
b) En tódolos supostos de aplicación de tal dereito, as consecuencias de orde patrimonial ou real que do cumprimento de tal dereito se deriven, debidamente valoradas, pagaranas tódolos propietarios actuantes no sistema de compensación, en contía proporcional ás súas respectivas cotas de participación e como gasto de urbanización, de conformidade co preceptuado no Art. 163 do vixente texto refundido e artigos 60, 98 e 99 do Regulamento de xestión urbanística.
c) No suposto de titular propietario, tal dereito de realoxamento deberá formalizarse mediante a posta á súa disposición, e para que poida proceder á
súa adquisición, dunha vivenda nas condicións de venda vixentes para as suxeitas a un réxime de protección pública, dunha superficie adecuada ás súas necesidades, dentro dos límites establecidos pola lexislación protectora.
Tal adecuación superficial virá en todo caso referida ás circunstancias persoais do dito titular legal, existentes no momento da delimitación da unidade de actuación obxecto de equidistribución.
Xunto con tal posta á súa disposición, e para que, se é o caso, poida adquirir tal vivenda, a Xunta de Compensación ofreceralle a tal propietario e aboaralle ou consignará, se é o caso, o valor indemnizatorio a el debido, en razón do inmoble da súa propiedade que deba ser obxecto de derrubamento (voo) e así mesmo, a cantidade económica substitutoria que puidese corresponderlle pola súa titularidade sobre o solo, soporte de tal edificación (solo).
O cálculo da primeira partida efectuarase, tendo en conta os criterios valorativos establecidos na vixente Lei de expropiación forzosa de 1954, de conformidade co disposto no Art. 98 do Regulamento de xestión urbanística, e epígrafe VI das presentes bases.
A segunda partida calcularase conforme os criterios xerais que para tales supostos fixe o instrumento de equidistribución, de conformidade co establecido no Art. 166.1º parágrafo f) do vixente texto refundido da Lei do solo.
d) Se non for posible efectua-lo ofrecemento dunha vivenda substitutiva, para que nela se materialice o realoxamento, ben por non existir no contorno tal tipo de inmobles de promoción pública, ben por non reuni-las existentes características adecuadas, ou ben por calquera outra causa, igualmente xustificada, a Xunta de Compensación efectuará o pagamento ou consignación dos importes anteriormente ditos ó titular propietario, ofrecéndolle un dereito de adquisición dunha vivenda, que poida satisface-las súas necesidades dentro da promoción inmobiliaria que se execute, nas condicións de venda que con carácter xeral se establezan para terceiros adquirentes, imputándolle os importes indemnizatorios que houbese que aboárselle, como pagamento a conta do prezo total que hai que aboar, en razón do inmoble que adquira.
e) En todo caso, o dereito de realoxamento para o propietario afectado poderá ser substituído por vontade da Xunta de Compensación, mediante a adxudicación a el, dun aproveitamento de carácter residencial, na futura edificación que se vai executar, superior a 90 m, ou ós que puidese establecer como superficie máxima a lexislación protectora de vivendas, aínda cando a dita adxudicación represente un exceso, a teor da súa cota de participación orixinaria.
Neste suposto, tal propietario contribuirá ós custos de urbanización que se deriven do sistema de actuación, pola diferencia que puidese resultar entre a adxudicación, que por exceso se lle efectúa, e a que realmente lle correspondería en razón do ben inmoble achegado, que se establecerá e concretará pola diferencia entre a cota de participación que se lle adxudique e a que orixinariamente tivese que lle corresponder.
f) Ó ocupante legal dun inmoble (non titular propietario del) que constitúa a súa residencia habitual, que teña que ser derrubado para a correcta execución do plan, a Xunta de Compensación poderá ofertarlle ou ben unha vivenda de protección pública, de superficie adecuada ás súas necesidades, en réxime de aluguer, ou ben, de non ser iso factible, por non existiren no contorno inmobles en tal dispoñibilidade e das ditas características ou por calquera outra causa, igualmente xustificada, o importe equivalente á capitalización ó xuro legal da diferencia de renda que tivese que pagar nunha vivenda de protección pública da mesma superficie cá derrubada, calculado ó momento de producirse o efectivo desaloxamento e ata un límite, en todo caso, dunha superficie de 90 m construídos.
Ó efectuar tal operación de capitalización, deberán ponderarse, non soamente as diferencias económicas das respectivas rendas, senón tamén o estado, conservación, etc., das vivendas sobre as que se efectúa tal operación, podendo a Xunta de Compensación incorporar motivadamente os correspondentes coeficientes de ponderación en máis ou en menos.
g) O titular propietario, que incorpora á Xunta de Compensación bens inmobles gravados con dereitos en favor de terceiros ocupantes, con dereito a realoxamento, asumirá na súa respectiva conta de liquidación provisional, e na definitiva, se é o caso, ademais do saldo que fronte á Xunta de Compensación lle corresponda, en razón da súa propia cota de participación no custo repercutible do dito dereito de realoxamento, como custo de urbanización, o minusvalor que tal dereito de arrendamento represente, respecto da edificación onde se exercita e que, se é o caso, deba serlle aboada, ó resultar necesario o seu derrubamento.
h) Tanto o titular propietario, como o ocupante dun inmoble que en ámbolos casos constitúa a súa residencia habitual, poderán formalizar coa Xunta de Compensación os acordos que estimen convenientes para satisface-lo seu dereito de realoxamento, de forma e maneira que poidan substituí-la súa satisfacción «in natura», pola correspondente indemnización pecuniaria, aínda que iso implique alteración da súa situación xurídica orixinaria.
D) Criterios de valoración de edificacións, obras, plantacións e instalacións que deban destruírse ou demolerse.
De conformidade co disposto no Art. 98 do Regulamento de xestión, as plantacións, obras, edificacións e instalacións que non poidan conservarse valoraranse con independencia do solo e o seu importe pagaráselles ós propietarios ou titulares interesados, con cargo ó proxecto de compensación, como gastos de urbanización.
A valoración destes elementos efectuarase no propio proxecto de compensación, de acordo cos prezos de mercado que resulten aplicables.
Ó valora-las edificacións, terase en conta a minoración que, respecto do seu prezo, supón a existencia de dereitos concedidos sobre o dominio, en favor de terceiras persoas, tales como dereitos de arrendamentos urbanos ou rústicos, uso, habitación, etc.
E) Procedemento para contrata-la execución das obras de urbanización e, se é o caso, as de edificación.
De conformidade co establecido no Art. 25º, letra l) dos estatutos, é competencia da asemblea xeral a contratación das obras de urbanización, na forma e co contido mínimo xa fixado no apartado VIII destas bases de actuación.
Idéntica facultade compete á asemblea xeral, para a edificación dos soares resultantes, en caso de que así se acordase por unanimidade de tódolos seus membros integrantes, debéndose aplica-lo mesmo procedemento de contratación en tal suposto que respecto das obras de urbanización.
F) Criterios de valoración dos predios resultantes, en función do aproveitamento da unidade.
As superficies susceptibles de edificación ou aproveitamento privado da unidade, que terán que ser obxecto de adxudicación, valoraranse con criterios obxectivos xerais para toda a súa extensión superficial.
Tal valoración terá en conta as seguintes circunstancias:
a) Superficie edificable, expresada en metros cadrados por metro cadrado.
b) Uso asignado polo plan que se executa.
c) Situación.
d) Características, clase, calidade e destino das edificacións permitidas ou previstas polo plan.
e) Grao de urbanización, cando represente un dato diferencial de beneficio ou carga para determinados adxudicatarios.
A valoración basearase no aproveitamento edificable corrixido polos restantes conceptos, a cada un dos cales se lles asignará un coeficiente debidamente xustificado.
A valoración poderá facerse en puntos ou unidades convencionais, pero estas terán que se taxar en diñeiro, para efectos de determina-lo importe das indem
nizacións que procedan, por diferencias de adxudicación.
A valoración final expresada, se se estima oportuno, en puntos ou unidades convencionais reconvertibles en todo caso a diñeiro, permitirá comproba-la equivalencia das adxudicacións entre os propietarios intervenientes, toda vez que as súas respectivas adxudicacións, en razón das súas cotas de participación, deben ser igualmente proporcionais ó valor total das superficies susceptibles de edificación privada, debendo noutro caso compensarse debidamente e en metálico as diferencias.
G) Regras para a adxudicación dos predios ós membros da Xunta de Compensación en proporción ós seus bens e dereitos achegados, con expresión dos criterios de adxudicación en comunidade, se proceder.
Os terreos susceptibles de edificación ou aproveitamento privado na unidade adxudicaránselles ós membros integrantes da Xunta de Compensación, en proporción ás súas respectivas cotas de participación.
Para proceder á dita adxudicación e tendo en conta o disposto no Regulamento de xestión urbanística respecto da reparcelación, teranse en conta, sen prexuízo do pactado nos ditos documentos públicos, as seguintes regras:
1. Os terreos en que existan edificios non axustados ó planeamento adxudicaránselles integramente ós seus primitivos propietarios, sen prexuízo da regularización de lindeiros e das compensacións pertinentes, sempre que concorran as seguintes circunstancias:
a) Que non sexa necesaria a súa demolición para a execución das obras de urbanización previstas no planeamento urbanístico que se xestiona.
b) Que non estean destinados a usos radicalmente incompatibles coa ordenación.
c) Que non estea decretada a súa demolición, en virtude de expediente de infracción urbanística.
d) Que a superficie edificada non sexa inferior á parcela mínima edificable, a menos que quede comprendida nun predio resultante de maiores dimensións, que lle corresponda ó adxudicatario, de acordo co seu dereito.
e) Que o dereito do propietario no proxecto de compensación non sexa inferior, en máis dun 15%, ó que corresponda á parcela mínima edificable, e
f) Que o aproveitamento que lle corresponda á superficie adxudicada non exceda en máis do 15% do dereito do adxudicatario, a menos que se trate de edificacións residenciais habitadas por persoas que non sexan o propio adxudicatario ou a súa familia.
Nos demais casos, os edificios incluídos no proxecto de compensación non serán tidos en conta para efectos de adxudicación das superficies en que se
encontren, sendo obxecto de taxación e decretándose o seu inmediato desaloxamento e demolición.
2. Non serán obxecto de nova adxudicación, conservándose as propiedades primitivas, sen prexuízo da regularización de lindeiros, cando for necesaria e das compensacións económicas que procedan, os predios non edificados, cando concorran os dous seguintes requisitos:
a) Que a diferencia, en máis ou en menos, entre o aproveitamento que lles corresponda conforme o planeamento e o que lle correspondería ó propietario, en proporción ó seu dereito na compensación, sexa inferior ó 15% deste último.
b) Que o propietario o solicite e xustifique dentro dos 3 meses seguintes á aprobación pola Xunta de Compensación do proxecto de compensación.
Tanto neste suposto como no de terreos en que existan edificacións non axustadas ó planeamento, os titulares que conserven as súas propiedades primitivas terán a consideración de adxudicatarios para tódolos efectos derivados da compensación.
3. No poderán adxudicarse como predios independentes superficies inferiores á parcela mínima edificable ou que non reúnan a configuración e características adecuadas para a súa edificación conforme o planeamento. A superficie situada entre dúas edificacións que deban manterse poderá adxudicarse como predio independente edificable, aínda que non alcance as dimensións da parcela mínima, sempre que a diferencia non exceda do 15% desta última e se cumpran as determinacións do planeamento que se executa.
4. Cando a escasa contía dos dereitos dalgúns propietarios non permita que se lles adxudiquen predios independentes a todos eles, os soares resultantes adxudicaranse en pro indiviso a tales propietarios.
Esta mesma regra aplicarase en canto ós excesos, cando, por esixencias da parcelación, o dereito dos propietarios non quede esgotado coa adxudicación independente que no seu favor se faga.
Non obstante, se a contía dos dereitos dos propietarios non alcanzase o 15% da parcela mínima edificable, a adxudicación poderá substituírse por unha indemnización en metálico. A mesma regra aplicarase cando os excesos non esgotados coa adxudicación independente en favor dun determinado propietario non alcancen o dito tanto por cento.
5. Sempre que o permitan as esixencias da parcelación, a adxudicación de predios independentes será preferible á adxudicación en pro indiviso, e esta última á indemnización en metálico. Nas adxudicacións en pro indiviso preferirase a creación de comunidades do menor número posible de comuneiros.
6. Procurarase, sempre que o consintan as esixencias da parcelación, que os predios adxudicados estean situados no lugar máis próximo posible ó das antigas propiedades dos mesmos titulares.
Esta regra non será necesariamente aplicable no caso de que as antigas propiedades estean situadas, en máis do 50% da súa superficie, en terreos destinados polo planeamento a vías, zonas verdes ou outros usos incompatibles coa propiedade privada.
7. Salvo que viñese imposto por esixencias da edificación existente, xa sexa axustada ó planeamento ou non axustada a el, sempre que sexa conservable, non se farán adxudicacións que excedan do 15% dos dereitos dos adxudicatarios.
Polo contrario, tratarase de axusta-las adxudicacións sempre por defecto procurando, cando sexa posible, que este non supere o 15% dos expresados dereitos ou cotas de participación.
A superficie adxudicada que quede sobrante, como consecuencia do disposto no parágrafo anterior, poderá adxudicárselles en pro indiviso ós propietarios con defectos de adxudicación, co fin de eliminar ou reduci-la contía de adxudicación, co fin de eliminar ou reduci-la contía das indemnizacións por diferencias de adxudicación.
8. Toda superficie que, consonte o planeamento, sexa susceptible de propiedade privada, aínda que non sexa edificable, deberá ser obxecto de adxudicación no proxecto de compensación.
9. Por acordo co propietario interesado, o pagamento do seu dereito poderá realizarse mediante a constitución dun dereito de superficie, de propiedade horizontal, ou calquera otro, ou por adxudicación de predio situado fóra da unidade obxecto do sistema.
10. Os interesados poderán solicita-lo cambio de predios, a adxudicación dos cales prevexa o proxecto de compensación, sempre que o soliciten tódolos directamente afectados e non exista dano posible a terceiro. O cambio será acordado, se procede, pola Xunta de Compensación ó efectua-la definitiva distribución dos soares edificables resultantes no proxecto de compensación.
11. Os diferentes edificios que se constrúan sobre parcelas mínimas poderán constituír predios rexistrais independentes, sen necesidade de licencia de parcelación e calquera que sexa a superficie do soar.
H) Supostos de incumprimento das obrigas dos membros da Xunta de Compensación que darán lugar á expropiación dos seus bens e dereitos.
De conformidade co disposto no Art. 181 do Regulamento de xestión, o incumprimento polos membros da Xunta de Compensación das obrigas e cargas impostas pola lei, e desenvolvidas polo regulamento
así como as contidas nas presentes bases, incluso cando o incumprimento se refira ós prazos para cumpri-los ditos deberes e cargas, habilitará o Concello de Valdoviño para expropia-los seus respectivos dereitos en favor da Xunta de Compensación, que terá a condición xurídica de beneficiaria.
Cando o incumprimento consista na negativa ou atraso no pagamento das cantidades que lle deban á Xunta de Compensación, en calidade de achegas ordinarias e extraordinarias, fixadas pola súa asemblea xeral, o presidente poderá solicitar da Administración actuante a aplicación da expropiación ó membro moroso, conforme o procedemento establecido no Art. 48º dos estatutos.
Para os efectos do antecedente parágrafo, considerarase tamén incumprimento, a constitución de arrendamentos e dereitos reais sobre os terreos, excluídos os de garantía, así como os requirimentos ou o exercicio de accións que tendan a obstaculiza-la xestión urbanística da xunta.
En calquera suposto expropiatorio, terase en conta o establecido no epígrafe II, letra e) das presentes bases de actuación.
I) Regras para valora-los inmobles que se constrúan, cando a xunta estea facultada para edificar e criterios para a fixación do prezo de venda a terceiras persoas.
É competencia da asemblea xeral, de conformidade co disposto no Art. 25º dos estatutos, acordar, sempre que o decidan por unanimidade os seus membros, a edificación dos soares resultantes.
En tal suposto, para valora-los inmobles que se constrúan, deberán terse en conta os seguintes conceptos que, no seu conxunto, permitirán obte-lo prezo de custo dos inmobles:
-Prezo de execución material da edificación, o que resulte das correspondentes certificacións de obras, expedidas pola empresa constructora, co visto e prace do arquitecto director delas e maila súa correspondente porcentaxe de beneficio industrial, que non será inferior ó 15%.
-Valor do solo urbanizado sobre o que se asente o edificio, que será equivalente ó valor urbanístico do terreo, determinado conforme os criterios establecidos pola Lei e Regulamento de xestión para solo urbano, e maila parte proporcional que lle corresponda dos custos de urbanización.
-Custo da redacción do proxecto técnico e dirección de obra, calculado de conformidade cos honorarios profesionais dos técnicos intervenientes.
-Gastos fiscais de todo tipo, dereitos e taxas municipais por licencias e gastos financeiros repercutibles.
Para a fixación do prezo de venda a terceiras persoas dos inmobles construídos terase en conta o valor ou prezo que, no momento do seu alleamento, teñan no mercado inmobiliario do municipio de Valdoviño
inmobles de igual ou similares características ós construídos.
En ningún caso, o dito prezo de venda poderá ser inferior ó prezo de custo, calculado conforme as regras anteriormente fixadas, máis o beneficio acordado pola asemblea xeral da Xunta de Compensación.
A asemblea xeral poderá establecer un dereito de tanteo, en favor dos seus membros integrantes e respecto das operacións de alleamento de inmobles que acorde, posibilitando a súa adquisición en iguais condicións e prazos, con carácter preferente a terceiros adquirentes.
J) Forma e prazos en que os propietarios de terreos ou titulares doutros dereitos terán que realizar achegas á xunta, ben en metálico, ben en terreos ou en industria, se é o caso.
De conformidade co establecido no Art. 48º dos estatutos, o presidente poderá solicitar dos membros integrantes da Xunta de Compensación as achegas aprobadas pola asemblea para atende-los gastos sociais, ordinarios ou extraordinarios, incluso a constitución da garantía ou fianzas para asegura-la asunción dos compromisos por parte da Xunta de Compensación na execución directa das obras.
O ingreso das cantidades que teñen que paga-los membros realizarase dentro dos trinta días hábiles seguintes ó da data da notificación do acordo da asemblea xeral do pagamento e, transcorrido o dito prazo, o membro moroso incorrerá nunha recarga do tipo do xuro legal do diñeiro vixente nese momento, incrementado en dous puntos, respecto da cantidade ou fracción non aboada, debendo ingresa-la totalidade da cantidade que deba no prazo de quince días naturais contados a partir do requirimento que o presidente lle practique.
Transcorrido este último termo sen se ter efectuado o pagamento, poderá procederse contra o membro moroso por vía de constrinximento, pola vía administrativa ou solicitando a expropiación dos seus bens e dereitos.
Os membros da Xunta de Compensación non poderán promover interdictos de reter e recobra-la posesión fronte a resolucións da Xunta de Compensación adoptadas en virtude da facultade fiduciaria de disposición sobre os predios daqueles, e de acordo co procedemento estatutariamente establecido. Tampouco procederá a acción interdital cando a Xunta de Compensación ocupe bens que sexan precisos para a execución das obras de urbanización, de conformidade co planeamento que se executa.
K) Regras para a distribución de beneficios e perdas.
Os beneficios e perdas derivados da actuación polo sistema de compensación serán distribuídos entre os propietarios membros da Xunta de Compensación en proporción á súa respectiva cota de participación,
determinada de conformidade co previsto nas presentes bases de actuación e estatutos.
Deberase ter en conta o disposto nos estatutos, sobre liquidación e destino do patrimonio común da Xunta de Compensación.
L) Supostos de compensación en metálico das diferencias de adxudicación.
Considéranse os diferentes supostos en que é procedente a compensación en metálico por diferencias de adxudicación do epígrafe antecedente, relativo a regras para a adxudicación dos predios ós membros da xunta, en proporción ós seus bens e dereitos achegados.
Así mesmo e de conformidade co previsto no Art. 10º dos estatutos e epígrafe IX das presentes bases de actuación, procederá a compensación en metálico en razón de diferencias de medición de superficie achegadas, admisibles como erro que non motive ou obrigue ó reaxuste das respectivas cotas de participación dos membros integrantes da Xunta de Compensación.
M) Momentos en que pode edificarse sobre soares achegados ou adxudicados pola xunta, polos propietarios, sen prexuízo da solicitude de licencia ó Concello de Valdoviño.
Aprobado definitivamente o proxecto de compensación, e adxudicados os soares cualificables ós membros integrantes da Xunta de Compensación, poderán procede-los seus titulares dominicais respectivos á súa edificación conforme o planeamento que se executa, sempre e cando estean efectuadas as correspondentes obras de urbanización, ou garantida debidamente a súa execución simultánea, de conformidade co plan de etapas, no proxecto de urbanización ou proxecto de obras aprobado.
Igualmente, será preciso que o titular dominical respectivo pagase, ou garantise debidamente e a satisfacción suficiente e bastante da Xunta de Compensación, a cantidade que corresponda ó seu respectivo predio, no orzamento previsto dos custos de urbanización da unidade de actuación, sen prexuízo do establecido no Art. 178 do Regulamento de xestión.
N) Normas de exacción dos gastos de conservación se proceder, ata a disolución da Xunta de Compensación.
Nos supostos en que exista obriga por parte da Xunta de Compensación de atende-los gastos de conservación da urbanización realizada, o seu importe pagarano os propietarios integrantes da Xunta de Compensación, en proporción ás súas respectivas cotas de participación.
O ingreso das cantidades que haxa que pagar por tal concepto realizarase dentro dos trinta días hábiles seguintes ó da data do acordo da asamblea xeral acordando o pagamento e, transcorrido o dito prazo, o membro moroso incorrerá nunha recarga do tipo
do xuro legal do diñeiro vixente nese momento, incrementado en dous puntos da cantidade ou fracción non aboada, debendo ingresa-la totalidade da cantidade que deba no prazo de quince días hábiles contados a partir do requirimento que o presidente lle practique.
Finalizado o dito termo e para suposto de non pagamento, haberá que aterse ó disposto no Art. 43º dos estatutos.
Igual obriga, e con idéntica repercusión e procedemento, establécese respecto dos gastos que puidesen derivarse en razón da obriga da Xunta de Compensación de emendar toda clase de vicios ou defectos ocultos que existisen na urbanización e durante o período que medie entre a recepción provisional e a definitiva da dita obra polo Concello de Valdoviño.
XI. Efectos da constitución da Xunta de Compensación
Constituída a Xunta de Compensación e inscrita no Rexistro de Entidades Urbanísticas Colaboradoras, tódolos terreos comprendidos na unidade quedarán directamente afectados ó cumprimento das obrigas inherentes ó sistema.
Os terreos propiedade dos que non se incorporasen, á xunta, serán expropiados nos prazos e forma en que se determinan nos estatutos e presentes bases de actuación, atribuíndoselle á Xunta de Compensación o carácter de beneficiaria de tal expropiación.
De conformidade co disposto no Art. 159 do texto refundido, a incorporación dos propietarios á Xunta de Compensación non presupón a transmisión a ela dos inmobles afectados ós resultados da xestión común, se ben, en todo caso, os terreos quedarán directamente afectados ó cumprimento das obrigas inherentes ó sistema, o que se fará constar por nota marxinal no Rexistro da Propiedade.
A dita nota estenderase, por instancia da Xunta de Compensación, con achega de certificación administrativa de ter quedado constituída a Xunta de Compensación e de esta-lo predio incluído na unidade de actuación. Os interesados que fagan consta-lo seu dereito no rexistro con posterioridade á dita nota marxinal, non terán que ser citados preceptivamente no expediente. Non obstante, se se constituísen nel, seguiranse con eles as sucesivas actuacións.
Nos instrumentos que teñan de outorgarse para a transmisión de dominio dos predios a favor da xunta ou para a agrupación de predios, faranse consta-los bens de dominio público que puidesen existir na unidade, expresando a súa superficie e situación.
As transmisións de terreos que se realicen como consecuencia da constitución da Xunta de Compensación, por achega dos propietarios para o seu alleamento, por esta, co fin de lle facer fronte ós gastos de urbanización ou as que se produzan en virtude
de expropiación forzosa, e as adxudicacións de soares que se efectúen a favor dos propietarios membros da dita xunta e en proporción á súa respectiva cota de participación, están exentas, con carácter permanente, do imposto xeral sobre transmisións patrimoniais e do de actos xurídicos documentados, e non terán a consideración de transmisións de dominio para os efectos de exacción do arbitrio sobre o incremento do valor dos terreos. Cando o valor dos soares adxudicados a un propietario exceda do que proporcionalmente lle corresponda á súa cota de participación, xiraranse as liquidacións procedentes en canto ó dito exceso.
XII. Proxecto de compensación
De conformidade cos criterios establecidos nas presentes bases de actuación, a xunta, unha vez constituída, formulará proxecto de compensación para o equitativo reparto dos beneficios e cargas derivados do planeamento entre os seus membros integrantes, que conterá, como mínimo, as determinacións seguintes:
a) Descrición das propiedades antigas, segundo os títulos achegados, coas correccións procedentes e, en defecto de títulos, segundo os planos. Expresaranse as cargas e gravames, condicións, substitucións e demais dereitos que as afecten; do respectivo propietario, se fora coñecido, a contía do seu dereito no proxecto de compensación ou cota de participación e o criterio utilizado para definilo e cuantificalo.
b) Descrición dos predios resultantes, titulares ós que se adxudiquen e concepto en que o foren. Expresaranse as cargas e gravames, condicións, substitucións e demais dereitos que os afecten.
c) Localización dos terreos de cesión obrigatoria e das reservas que estableza o planeamento.
d) Superficie ou parcelas que a propia xunta se reserve, se é o caso, para allealas directamente, co fin de sufraga-los gastos previstos da urbanización e
e) Compensacións en metálico, se fosen procedentes, por diferencias nas adxudicacións.
O proxecto de compensación someterase, logo de audiencia de tódolos afectados, por prazo de quince días, á aprobación da xunta, debendo adoptarse o correspondente acordo por maioría dos seus membros que ó mesmo tempo representen dous tercios das cotas de participación.
O proxecto así tramitado elevarase á aprobación definitiva da Administración actuante, Concello de Valdoviño.
Unha vez aprobado definitivamente o proxecto de compensación, a corporación local procederá a outorgar escritura pública ou expedir documento coas solemnidades e requisitos dispostos para as actas dos seus acordos, co contido expresado no Art. 113.1º do Regulamento de xestión urbanística.
A aprobación definitiva do proxecto de compensación, feita polo Concello de Valdoviño, produce os mesmos efectos xurídicos que a aprobación definitiva do proxecto de reparcelación (Art. 174.4º do Regulamento de xestión).
As operacións xurídicas complementarias que sexan do caso, que non se opoñan ó proxecto de compensación nin ó planeamento que se executa, unha vez aprobadas polo Concello de Valdoviño, serán formalizadas pola Xunta de Compensación en escritura pública ou en documento estendido pola dita corporación local cos requisitos e solemnidades propios das actas dos seus acordos, que se protocolizará notarialmente.
En ámbolos casos procederase á súa inscrición no Rexistro da Propiedade.
Os predios resultantes do acorde definitivo de compensación quedarán gravadas, con carácter real, ó pagamento da cantidade que corresponda a cada predio no orzamento previsto dos custos de urbanización da unidade, polo saldo definitivo que resulte.
Esta afección será preferente a calquera outra e a tódalas hipotecas e cargas anteriores, excepto ós créditos en favor do Estado a que se refire o núm.1 do Art. 1.293 do Código civil, e ós demais créditos tributarios en favor do Estado que estean vencidos e non pagados, e se fixesen constar no rexistro antes de practicarse a afección indicada.
A afección poderase cancelar, por instancia de parte interesada, acompañándose certificación da Xunta de Compensación expresiva de estar pagada a conta de liquidación definitiva referente ó predio de que se trate, certificación que non poderá expedirse ata tanto non fosen recibidas as obras de urbanización polo Concello de Valdoviño conforme o determinado na base VII.
XIII. Responsabilidades da Xunta de Compensación
A Xunta de Compensación será directamente responsable, fronte ó Concello de Valdoviño, da urbanización completa da unidade e, se é o caso, da edificación dos soares resultantes, cando así fose acordado por unanimidade dos seus membros, e das demais obrigas que resulten do planeamento que se executa, da bases de actuación ou do Regulamento de xestión urbanística.
En canto á abriga de urbanizar, a responsabilidade será esixible tanto no que afecte as características técnicas da obra de urbanización executada, como os prazos en que esta deba terminarse e entregarse á Administración.
Cando no exercicio das súas atribucións, a Xunta de Compensación incorra en infraccións que teñan que cualificarse de graves, segundo o preceptuado no texto refundido, con independencia da sanción económica que corresponda, o Concello de Valdoviño poderá desistir de executa-la unidade polo sis
tema, de compensación, e aplica-lo de cooperación impoñendo, se é o caso, a reparcelación, ou acorda-lo sistema de expropiación.
En calquera caso, a Xunta de Compensación poderá repercuti-lo importe das multas impostas a ela, como consecuencia das responsabilidades en que puidese incorrer, a aqueles dos seus membros que directamente interviñesen na comisión da infracción ou percibisen o beneficio derivado dela.
Para facer efectiva a repercusión das multas sobre os membros da Xunta de Compensación responsables dos actos ou acordos sancionados, poderá solicitarse do Concello de Valdoviño a súa exacción por vía de constrinximento.
XIV. Impugnación dos acordos da Xunta de Compensación
Contra os acordos da Xunta de Compensación, os interesados poderán interpoñer recurso ordinario perante o Concello de Valdoviño, no prazo dun mes contado a partir do día seguinte ó da data da súa respectiva notificación, sen prexuízo do establecido no Art. 53º dos estatutos, respecto dos acordos adoptados polo seu presidente.
XV. Medios económicos-financeiros
Veñen constituídos polas achegas que efectúen os propietarios incluídos na Xunta de Compensación, conforme os compromisos asumidos.
XVI. Etapas de actuación
1. Aprobación de bases e estatutos.
Iniciarase coa presentación dos estatutos e bases no rexistro xeral do concello.
A Alcaldía-Presidencia do Concello de Valdoviño aprobará inicialmente os ditos documentos e exporaos ó público, por prazo de quince días, mediante anuncio no BOP da Coruña, e nun diario dos de maior circulación na dita provincia. Independentemente, notificaralles tal acordo aprobatorio inicial a tódolos propietarios afectados.
Transcorridos os prazos de alegacións, a corporación aprobará definitivamente os estatutos e bases, e designará o seu representante no órgano rector da xunta e tramitará as modificacións necesarias do planeamento para asegura-la identidade da ordenación física do ámbito da unidade respecto da parcelación existente e xa aprobada por el.
O dito acordo será publicado no BOP, expresando, se as houber, as modificacións introducidas.
Así mesmo, notificaralle o seu contido a cada un dos afectados e a cantas persoas se constituísen en parte no expediente.
2. Constitución e expropiación forzosa.
Os propietarios que non solicitasen a súa incorporación á xunta, serán requiridos na notificación do acordo de aprobación definitiva, para que así
o efectúen, se o desexan, no prazo de quince días contados desde tal notificación, coa advertencia de expropiación forzosa prevista no artigo 158.1º da Lei do solo.
Transcorridos os prazos anteriores, o Concello de Valdoviño requirirá os interesados para que, no prazo dun mes, constitúan a Xunta de Compensación, mediante escritura pública na que designarán os cargos do órgano rector.
Os propietarios que non outorguen a escritura pública poderán consenti-la súa incorporación en escritura de adhesión, dentro do prazo que para o efecto se sinale na sesión constituínte.
Copia autorizada da escritura e das adhesións, se é o caso, trasladaráselle ó concello, quen adoptará acordo aprobatorio no prazo de trinta días. Elevarase certificación do dito acordo, xunto con copia autorizada da escritura, á Delegación Provincial da Consellería de Política Territorial, Obras Públicas e Vivenda, na Coruña, para a súa inscrición no Rexistro de Entidades Urbanísticas Colaboradoras.
No caso de que houbese algún propietario non adherido, unha vez finalizado o prazo previsto no primeiro parágrafo deste apartado, o concello iniciará expediente de expropiación forzosa de conformidade co regulado no artigo 197 do Regulamento de xestión.
3. Redacción dos proxectos de urbanización e compensación.
A xunta, legalmente constituída, redactará e proporalle ó concello os proxectos de urbanización e compensación no prazo de tres meses, contados a partir da inscrición no Rexistro de Entidades Urbanísticas Colaboradoras.
O anterior non será obstáculo para que, con anterioridade, e sempre que se outorgase escritura de constitución, poida a xunta redactar e propoñe-los expresados proxectos, se o considerase oportuno.
Así mesmo, poderá facer seu o proxecto de urbanización se a súa redacción se iniciase xa por instancias dos propietarios actuantes do sistema.
O proxecto de urbanización será tramitado de conformidade co establecido nos artigos 141.2º do Regulamento de xestión e 117 do vigente texto refundido.
O proxecto de compensación será tramitado consonte o disposto nos artigos 174 do Regulamento de xestión e 161 do texto refundido.
4. Ejecución das obras de urbanización e edificación.
De conformidade co que estableza o proxecto de urbanización e os proxectos de edificación, se é o caso.
ANEXO I
A) Propietarios actuantes na Xunta de Compensación.
Parcela M % Propietario e domicilio
349 r/ Perú, 2
15404 Ferrol
20 e 33 317 Feira de Moeche, s/n
15407 Moeche
20 e 33 634 r/ Pino, 19-1º
15403 Narón
365 r/ Río Miño, 6
15403 Narón
849 Fernández
Saavanda/Sta. Mariña do Monte
15560 San Sadurniño
20 e 33 786 Gándara de Arriba, 33
15552 Valdoviño
53, 20 e 33 686 r/ Sánchez Calviño, 86-88, 4º I
15404 Ferrol
424 r/ Rosal-A Torre
(Xubia, San Xosé), 36
15407 Narón
349 r/ Velázquez, 13-15, 2º D
15403 Narón
Enrique Viñas Rico
Estr. Castela, 56-3º
15407 Narón
r/ O Inferniño, 10
15403 Ferrol
Saíña, 93-A
15552 Valdoviño
809 Estr. Castela, 236
15404 Ferrol
319 Gándara de Arriba, s/n
15552 Valdoviño
42, 20 e 33 640 r/ Vizcaya, 64-4º C
15007 A Coruña
Estr. Castela, 59-61, 4º D
Ed. Ferrolterra
15403 Ferrol
6, 8, 9, 10,
11, 12, 24,
36, 37, 12,
13, 20, 33 11.404 r/ Terra, 36
15402 Ferrol
Apdo. Correos, 104
15405 Ferrol20 e 33 1.100
1,94 Manuel Rodríguez Rodríguez
19, 20,
1.000
1,76 Manuel Couce Gil
26, 27, 24,
2.000
3,52 Juan Fernández Pouso
23, 20 e 33 1.150
2,03 Serafín Sanjurjo Fernández
20 e 33 2.676
4,71 José Luis e Serafín Sande
21, 22, 30,
1.978
Antonio Díaz Bouzamayor
43, 44, 52,
1.813
Antonio Viñas Martínez
20 e 33 1.338
2,36 José Luís Fernández Castrillón
20 e 33 1.100
1,94 José Yáñez Lorenzo
15 1.427 2,51 Andrés Otero Valiño
44, 45, 46, 47 2.180 Antonio Castro Rodríguez
20 e 33 2.550
4,49 Enrique Souto Martínez
8, 23, 20 e 33 1.005
1,77 Ana Belén Pérez Fernández
13, 40, 41,
2.018
3,55 Santiago Ayora Ventoso
31, 32, 35 1.744 3,07 Francisco Candocia Pita
1, 2, 3, 4, 5,
8.284
14,59 Manuel Pampín Domínguez
14 1.009 1,78 Delfín Fidalgo Fernández
Parcela M % Propietario e domicilio
María Pena Lago
r/ Concepción Arenal, 5-baixo
15407 Narón
r/ Bogotá, 52-6º E
35010 As Palmas
Gran Canaria32 5.150 9,07 José Luis Formoso López
33, 34 1.000 1,76 Ramón Lema Vigo
B) Propietarios non actuantes na Xunta de Compensación.
Parcela M % Propietario e domicilio
Manuel Murguía, 16-1º
15407 Narón
Avda. Fisterra, 58-3º
15004 A Coruña
r/ Lugo, 63-3º
Ed. Rosalía de Castro
15402 Ferrol
Major da Villa, 5.A-C
03302 Elxe
Murillo-Edreiro (Xu-
bia-San José), 2-4
15407 Narón
r/ Castelao, 15
15403 Neda
Estr. Catabois, 404-406
15405 Ferrol
Saíña, 93
15552 Valdoviño1.337 2,35 Saturnino Pita Hermida
38,39 1.000 1,76 Juan Alonso Leira
17, 18, 28, 29 2.180 3,84 Cecilio Rodríguez Naveiras
7, 15, 16 1.210 2,13 José M. Pérez Fernández
4.500 7,92 Tenreiros
22 1.150 2,03 José Otero Martínez
25 1.150 2,03 Modesto Mojón Losada
26 1.150 2,03 Comercial Jovi
48, 49, 50, 51 2.087 3,68 José Muiños Rañal
Estatutos da Xunta de Compensación da Unidade de Actuación número tres das normas subsidiarias do planeamento municipal de Valdoviño
Capítulo I
Denominación, obxecto e duración
Artigo 1º.-Denominación.
A presente Xunta de Compensación denominarase: Xunta de Compensación da unidade de actuación número tres do solo urbano das normas subsidiarias do planeamento municipal de Valdoviño.
Artigo 2º.-Natureza e personalidade xurídica.
A Xunta de Compensación terá natureza administrativa, personalidade xurídica propia e plena capacidade para o cumprimento do seus fins.
Formarán parte da Xunta de Compensación os propietarios ós que se refire o artigo 9 dos presentes estatutos e un representante da Administración actuante.
A xunta gozará de personalidade xurídica desde a inscrición do acordo aprobatorio destes estatutos e bases de actuación polo Concello de Valdoviño no Rexistro Xeral de Entidades Urbanísticas Colaboradoras da Xunta de Galicia.
Artigo 3º.-Domicilio.
O domicilio social radicará na estrada de San Pedro de Leixa, s/n (Apartado 208 ) de Ferrol, e poderá ser trasladado por acordo da asemblea xeral.
Artigo 4º.-Obxecto e fins.
A Xunta de Compensación terá por obxecto a execución e xestión urbanística, polo sistema de compensación, da unidade de actuación, delimitada no artigo 7º.
Serán fins primordiais da Xunta de Compensación, os seguintes:
A) Agrupa-los propietarios dos bens e dereitos comprendidos no ámbito da Xunta de Compensación e demais membros incorporados a ela, os cales, mantendo a titularidade daqueles bens e dereitos, se integran nunha acción común para executa-lo planeamento urbanístico e distribuír equitativamente as súas cargas e beneficios. E, unha vez aprobada a Xunta de Compensación polo Concello de Valdoviño, levar a cabo as operacións técnicas, xurídicas e materiais necesarias e, en especial, a redacción, tramitación e aprobación do oportuno proxecto de compensación para efectua-las adxudicacións e compensacións económicas que procedan, as cales se practicarán de conformidade co establecido nestes estatutos, nas bases de actuación, no texto refundido da Lei do solo, do 26 de xuño de 1992, así como no Regulamento de xestión urbanística, do 25 de agosto de 1978.
B) Redactar, tramitar e aproba-lo proxecto de urbanización da unidade, así como executa-las obras que prevexa o dito proxecto de urbanización, as cales se poderán realizar por xestión privada, contratando o seu material execución por calquera das fórmulas previstas en dereito, cando así o acorde a asemblea xeral, de conformidade co previsto nas bases de actuación.
C) Exerce-lo dereito -en calidade de beneficiaria á expropiación forzosa dos terreos, nos supostos recollidos polos artigos 160.2º do texto refundido da Lei sobre réxime do solo e ordenación urbana, do 26 de xuño de 1992, e 162.5º, 167.1º h) e 168.2º do Regulamento de xestión urbanística.
D) Asumi-la xestión e defensa dos intereses comúns dos membros da Xunta de Compensación ante calquera autoridade e organismo da Administración do Estado, da Comunidade Autónoma, do concello, así como ante os xuíces e tribunais en tódolos seus graos e xurisdiccións, e fronte ós particulares.
E) Solicita-lo outorgamento dos beneficios fiscais e urbanísticos previdos nas disposicións legais a favor da Xunta de Compensación, ou de cada un dos seus membros en función das súas achegas, incluídos os que regula o artigo 159.4º da vixente Lei do solo.
F) Actuar, como fiduciaria, sobre os predios pertencentes ós membros da Xunta de Compensación, e sen que a incorporación dos propietarios á xunta comporte a transmisión a ela do dominio dos predios afectados, de acordo co establecido no artigo 159.2º do vixente texto refundido da Lei sobre réxime do solo e ordenación urbana, e os artigos 168, 169 e 177 do Regulamento de xestión urbanística, do 25 de agosto de 1978.
G) Adxudica-las parcelas que resulten do proxecto de compensación e asigna-las indemnizacións substitutorias correspondentes ós compoñentes da xunta, así como verifica-las cesións gratuítas á Administración, todo iso de conformidade coas previsións, do planeamento urbanístico que se executa.
H) Solicitar dos órganos urbanísticos competentes a aprobación dos proxectos correspondentes (compensación e urbanización).
I) Solicita-la inscrición da Xunta de Compensación no Rexistro de Entidades Urbanísticas Colaboradoras.
J) Proceder á edificación dos soares resultantes, se así o acordase a unanimidade dos seus membros de conformidade co disposto nestes estatutos e nas bases de actuación.
K) En xeral, o exercicio de cantos dereitos e actividades lle correspondan segundo a lexislación vixente.
Artigo 5 .-Capacidade.
A Xunta de Compensación terá plena capacidade xurídica para o cumprimento dos seus fins, de acordo co disposto na Lei do solo, no réxime de xestión urbanística e nos presentes estatutos.
A incorporación dos propietarios á Xunta de Compensación non comportará a transmisión a ela do dominio dos inmobles afectados ós resultados da xestión común, pero os terreos quedarán afectos ó cumprimento das obrigas inherentes ó sistema, con nota marxinal no Rexistro da Propiedade, de conformidade co disposto no artigo 169 do Regulamento de xestión urbanística.
A Xunta de Compensación actuará como fiduciaria sobre os predios pertencentes ós propietarios membros dela, e incluídos na unidade de actuación.
A xunta poderá adquirir, posuír e allea-los bens do seu patrimonio para o cumprimento dos seus fins.
Artigo. 6º.-Control administrativo.
A Xunta de Compensación actuará baixo a tutela do Concello de Valdoviño, o cal controlará a súa xestión. No exercicio desta función corresponderalle:
a) Dar audiencia sobre os estatutos e bases ós propietarios que non participen inicialmente na xunta, co fin de que poidan formular alegacións e, se é o caso, se incorporen a ela.
b) Aproba-los estatutos, as bases de actuación e as sucesivas modificacións que puidese acorda-la xunta.
c) Designar un representante no seo da entidade.
d) Aproba-la constitución da xunta e remiti-lo acordo e a escritura de constitución ó Rexistro de Entidades Urbanísticas Colaboradoras, para a súa inscrición.
e) Exercita-la potestade de expropiación forzosa en beneficio da xunta, respecto ós terreos dos propietarios non incorporados a ela, ou que incumpran as súas obrigas.
f) Utiliza-la vía de constrinximento para o cobramento das cantidades que deba calquera membro da xunta.
g) Resolve-los recursos ordinarios promovidos contra acordos da xunta.
h) Cantas outras atribucións resulten do ordenamento xurídico vixente.
Artigo 7º.-Área de actuación.
Está constituída pola unidade de actuación coincidente coa delimitada pola unidade de actuación tres do solo urbano das normas subsidiarias do planeamento municipal de Valdoviño.
Superficie total da unidade é de 75.096 m
A súa exacta descrición contense nas bases de actuación, epígrafe IV.
Artigo 8º.-Duración.
A Xunta de Compensación terá duración indefinida ata o cumprimento total do seu obxecto, salvo que se produza a súa disolución, conforme o artigo 55 destes estatutos, iniciando a súa xestión a partir da data da súa inscrición no Rexistro de Entidades Urbanísticas colaboradoras.
Capítulo II
Dos membros integrantes da xunta, dos seus dereitos e as súas obrigas
Artigo 9º.-Membros integrantes.
Inicialmente forman parte da xunta os propietarios dos predios que se relacionan no anexo 1, epígrafe A, das bases de actuación, e que solicitaron a iniciación do sistema de actuación, e o seu dereito
representa máis do 60% da superficie total da unidade.
De conformidade co artigo 162 do Regulamento de xestión urbanística, tamén formarán parte da xunta os que, acreditando a súa condición de propietarios de terreos comprendidos na unida de soliciten a súa incorporación dentro do prazo dos quince días a partir da notificación da publicación da aprobación inicial das bases e estatutos.
Os propietarios ós que se refiere o parágrafo anterior, de conformidade co establecido para o efecto nas bases de actuación, poderán facer uso do seu dereito a se incorporaren á Xunta de Compensación mediante escrito dirixido ó Concello de Valdoviño, no que se fagan consta-los seguintes extremos:
a) Nome, apelidos e domicilio.
b) A súa vontade de se incorporar á Xunta de Compensación, someténdose ós seus estatutos e bases e, por consiguiente, ás obrigas dimanantes da lei, das ditas bases e estatutos ós que outorgarán escritura pública de adhesión, e dos acordos dos seus órganos colexiados.
c) A superficie e lindeiros dos predios da súa propiedade.
d) A natureza, duración e lindeiros dos predios da súa propiedade.
e) Os títulos dos que dimanen os respectivos dereitos referentes ós seus predios e, se é o caso, a súa inscrición no Rexistro da Propiedade.
f) Plano ou bosquexo do predio ou predios dos que resulten ser titulares, con relación expresa ó plano de ordenación da unidade de actuación número 3.
g) Resgardo acreditativo do ingreso, na conta bancaria da Xunta de Compensación, da totalidade das cantidades (principal e xuros de demora) que, tanto en concepto de cotas ordinarias como extraordinarias como de reintegro das achegas anticipadas polos restantes membros da xunta, lles corresponda aboar en función da superficie do predio ou predios da súa propiedade, importe que lle será facilitado pola Xunta de Compensación con carácter previo á solicitude de ingreso e para eses exclusivos efectos.
Ademais dos anteriores, poderán incorporarse á xunta os demais propietarios de terreos comprendidos na unidade, sempre que, dentro do prazo de quince días a partir da notificación do acordo de aprobación definitiva dos estatutos e bases, acepten mediante escritura pública os presentes estatutos e as bases de actuación.
Artigo 10º.-Cotas de participación.
O dereito dos propietarios membros da Xunta de Compensación será proporcional á superficie dos seus respectivos predios que quedan comprendidos dentro da unidade que é obxecto de xestión polo sistema de compensación.
O devandito dereito concrétase na súa respectiva cota de participación, a cal determina a porcentaxe de participación en tódolos dereitos e obrigas derivadas do sistema de actuación e consecuentemente, na adxudicación das superficies susceptibles de edificación ou aproveitamento privado, segundo o plan especial que se executa, e nas posibles indemnizaciones substitutorias.
O seu cálculo efectúase tendo en conta a superficie dos terreos achegados á xunta por cada un dos propietarios intervinientes, e en proporción á superficie total computable da unidade, expresándose en unidades convencionais os tantos por cento, sen prexuízo de que o proxecto de compensación poida considera-la introducción de factores correctores para determina-la participación nos gastos da unidade, en función do diferente grao de urbanización dos predios que o integran.
A titularidade das propiedades computables, das que a súa magnitude superficial se concreta provisionalmente nas bases de actuación, acreditarase por medio de certificación rexistral dos predios, e, no seu defecto, mediante testemuño notarial do título de adquisición e, a falta de ambos, por declaración xurada do propietario no que se faga consta-la superficie, os propietarios estremeiros e o título de adquisición, xuntándolle á dita declaración xurada un plano dos terreos e cantos documentos poidan acredita-la súa condición de propietario.
A titularidade dos bens patrimoniais do Concello de Valdoviño, se existisen, poderá acreditarse supletoriamente mediante certificación da súa inclusión no inventario de bens da corporación, cos requisitos do artigo 36 do Regulamento de bens das entidades locais.
Cando a superficie inscrita nos títulos non coincida coa realidade física, haberá que aterse ó prevido nas bases de actuación da Xunta de Compensación, e o disposto no artigo 103.3º do Regulamento de xestión.
Se os terreos estivesen gravados con algunha carga real, o propietario afectado terá que compartir, co titular do dereito real, os dereitos que lle confire a súa cota de participación, de conformidade co contido xurídico-económico da carga real, e no suposto de non declararse ningunha, ou de que as declaradas non se axusten á realidade, os prexuízos que puidesen resultar serán por conta do propietario que cometese a omisión.
O valor dos demais bens e dereitos que non tivesen natureza xurídica de reais, afectados polo proxecto de compensación, non influirán na cota de participación dos membros e determinarase, para efectos das indemnizacións subseguintes, por convenio dos interesados e, no seu defecto, por aplicación do disposto na lexislación vixente.
As cotas de participación asignadas provisionalmente no anexo 1 das bases de actuación, e as que definitivamente fixe a asemblea xeral, conforme o
procedemento establecido naquelas, definirá o voto porcentual de cada un dos membros da Xunta de Compensación e a súa participación nos dereitos e obrigas derivados do sistema de actuación.
En canto ós propietarios afectados por circunstancias que supoñan redución de superficie, procederase a rectifica-la cota de participación ou a indemnizalos por acordo da asamblea xeral.
Artigo 11º.-Terreos con gravame real.
No caso de que algún dos predios pertenzan en núa propiedade a unha persoa e calquera outro dereito real limitativo do dominio a outra, a cualidade de socio da Xunta de Compensación corresponderalle á primeira, sen prexuízo de que o titular do dereito real perciba a indemnización correspondente, a cargo do nu propietario.
Artigo 12º.-Cotitularidade dos predios.
Cando unha predio pertenza a varios titulares en pro indiviso, iso non será obstáculo para que parte deles poidan incorporarse á Xunta de Compensación, aínda cando non representen a totalidade das cotas.
Os cotitulares dun predio ou cota de participación terán que designar, en documento que dea fe, unha soa persoa con amplas facultades para o exercicio dos dereitos de membro da xunta, respondendo solidariamente fronte a ela de cantas obrigas dimanen da súa condición. Se non designasen representante no prazo que para o efecto se sinale, farao, por petición da xunta, entre os cotitalares, o Concello de Valdoviño, como órgano tutelar.
O designado deste modo exercerá as súas funcións en tanto os interesados non designen outro.
Tódolos cotitulares responderán solidariamente frente á entidade de cantas obrigas deriven da súa condición.
Artigo 13º.-Menores ou persoas incapacitadas e propiedade litixiosa.
Cando as predios pertenzan a menores ou persoas que teñan limitada a súa capacidade de obrar, estarán representados na Xunta de Compensación por quen teña a representación legal deles e, no seu defecto, polo Ministerio Fiscal. Neste suposto, a disposición dos predios pola xunta non estará suxeita ás limitacións de carácter civil.
Se se formula discordancia na orde da titularidade dos dereitos, a Administración actuante asumirá a súa representación para os efectos da tramitación do expediente, podendo facer efectivos os gastos que sexan imputables ás titularidades referidas (litixiosas) por vía de constrinximento, no caso de non pagamento.
Todo iso, sen prexuízo da competencia propia dos tribunais ordinarios (Art. 103.4º do Regulamento de xestión urbanística).
Artigo 14º.-Dereitos dos membros.
Os membros da Xunta de Compensación terán os seguintes dereitos:
A) Exerce-las súas facultades dominicais sobre os terreos da súa propiedade, sen máis limitacións
cás establecidas nas leis, no planeamento urbanístico, nestes estatutos e nos acordos dos órganos de goberno da Xunta de Compensación, adoptados dentro da esfera da súa competencia:
B) Concorrer e participar, con voz e voto, nas reunións da asemblea xeral e intervir na adopción de acordos, proporcionalmente ás súas cotas de participación respectivas.
C) Participación, como elector ou candidato, na designación dos cargos de presidente, vicepresidente, secretario, tesoureiro-contador, vocais e interventor, así como dos membros do consello rector.
D) Allear, gravar ou realizar calquera outro acto de disposición dos terreos da súa propiedade, ou as súas cotas respectivas, quedando subrogado o adquirente, no caso de venda, nos dereitos e obrigas do vendedor dentro da Xunta de Compensación. En tanto non se lle comunique de maneira que faga fe á xunta o feito da transmisión ou alleamento, o vendedor será responsable de cantas obrigas se deriven da xestión común.
E) Adquiri-la titularidade, individual ou en copropiedade, da parcela ou parcelas que lle sean adxudicadas por vía de compensación, así como percibi-las indemnizacións substitutorias, se é o caso, proporcionalmente ás súas cotas respectivas, e ós criterios correctores que, en cada caso, poidan establecerse.
F) Impugna-los acordos e resolucións dos órganos de goberno da Xunta de Compensación, na forma e cos requisitos establecidos nestes estatutos.
G) Ser informados en todo momento da situación da Xunta de Compensación e da actuación dos órganos da entidade.
H) Percibir, ó tempo da liquidación definitiva, e en proporción ás súas cotas respectivas, a parte de patrimonio da Xunta de Compensación que lles corresponda.
I) Presentar proposicións e suxestións.
J) Os demais dereitos que lles correspondan, de acordo co disposto nos presentes estatutos e nas disposicións legais aplicables.
Artigo 15º.-Obrigas dos membros.
Os membros da Xunta de Compensación virán obrigados a:
A) Observa-las prescricións do planeamento urbanístico vixente.
B) Entregar na Secretaría da Xunta de Compensación, no prazo dun mes contado a partir da incorporación a ela, os documentos acreditativos da titularidade das predios a que se refire o parágrafo 4º do Art. 10 anterior, se os terreos estivesen gravados, deberá acompañarse unha relación cos nomes e domicilios dos titulares dos dereitos reais, con expre
sión da natureza e contía das cargas e gravames. En todo caso, a Xunta de Compensación solicitaralle ó rexistrador da propiedade a práctica da anotación mediante a nota marxinal a que se refire o Art. 310 do texto refundido da Lei sobre o réxime do solo e ordenación urbana, e o Art. 169 do Regulamento de xestión urbanística, acreditativa de que os terreos quedan directamente afectados ó cumprimento das obrigas inherentes ó sistema de compensación.
A dita nota producirá os efectos sinalados no Art. 102 da citada disposición regulamentaria.
C) Cumprir fielmente os acordos adoptados pola asemblea xeral, e acata-la autoridade dos seus representantes, sen prexuízo dos recursos a que houber lugar.
D) Determinar, no momento da súa incorporación á Xunta de Compensación, un domicilio para efectos de notificacións, o cal, así como as súas modificacións ulteriores, se farán constar nun rexistro que para tal efecto se levará na secretaría da xunta, reputándose ben practicada calquera notificación que ó citado domicilio se dirixa.
E) Satisfacer puntualmente as cantidades necesarias para atende-los gastos ordinarios e extraordinarios, cando lles fose esixible.
F) Aboa-las cantidades que lles correspondan, para paga-lo importe das obras de urbanización da unidade, nos termos establecidos polos Arts. 58, 59, 60, 61 do Regulamento de xestión urbanística.
G) Regularizar, se é o caso, a titularidade dominical e a situación rexistral dos terreos da súa propiedade achegados á Xunta de Compensación, dentro dos prazos sinalados pola asemblea xeral.
H) Outorgar, se é o caso, os documentos necesarios para formaliza-las cesións gratuítas de vías, zonas verdes públicas, etc., resultantes do planeamento urbanístico, iso sen prexuízo das facultades fiduciarias de disposición atribuídas á Xunta de Compensación e as prescricións contidas no proxecto de compensación.
I) Designar, nos supostos de copropiedade, unha persoa que represente os cotitulares no exercicio dos dereitos e cumprimento das obrigas previstas nestes estatutos, sen prexuízo da responsabilidade solidaria daqueles verificando a dita designación -no caso de non existir acordo entre os interesados- o Concello de Valdoviño, a favor, necesariamente, dun dos copropietarios.
J) Comunicarlle á xunta, cun mes de antelación, como mínimo, o seu propósito de transmiti-lo terreo da súa propiedade, e a súa respectiva cota de participación.
K) As demais obrigas que lles correspondan, conforme os presentes estatutos e as disposicións legais vixentes.
Capítulo III
Da constitución da Xunta de Compensación
Artigo 16º.-Acto de constitución.
Dentro do prazo establecido no acordo de aprobación definitiva dos estatutos e bases de actuación polo Concello de Valdovino -e, en todo caso, dentro dos noventa días desde a data do citado acordo-, os propietarios solicitantes do sistema de compensación convocarán sesión extraordinaria da asemblea xeral para proceder á constitución da Xunta de Compensación.
Artigo 17º.-Convocatoria.
A asemblea xeral extraordinaria para a constitución da xunta será convocada por calquera dos promotores, en representación dos propietarios actuantes, mediante carta certificada remitida ós solicitantes do sistema de compensación, cunha antelación de 15 días hábiles, cando menos, á data na que se celebre.
Coa mesma antelación publicarase a convocatoria nun diario da provincia. A convocatoria sinalará lugar, día e hora da reunión, con indicación de que a asemblea xeral terá que resolver sobre a constitución da Xunta de Compensación, e a designación dos delegados dela.
Iso sen prexuízo do establecido no Art.28 «in fine» destes estatutos.
A dita asamblea xeral extraordinaria celebrarase no edificio da Casa do Concello de Valdoviño.
Artigo 18º.-Constitución.
A asemblea xeral extraordinaria constituínte quedará válidamente reunida, en primeira convocatoria, cando concorran a ela membros da Xunta de Compensación que representen polo menos, o 60% das cotas definidas no Art. 10 destes estatutos.
Transcorrida unha hora sen alcanza-lo quórum indicado entenderase validamente constituída a asemblea xeral extraordinaria en segunda convocatoria, sempre que se encontren presentes ou representadas o 50% das cotas antes indicadas.
Artigo 19º.-Adopción de acordos.
Actuarán como presidente e secretario da asemblea xeral constituínte, Óscar Pampín Rodríguez e Carlos Rodríguez Horta.
O presidente dirixirá os debates e declarará os asuntos suficientemente tratados, pasando á votación do acordo.
O acordo de constitución requirirá o voto favorable dos membros que representen o 50% das cotas, computadas na forma que establece o Art. 10º destes estatutos.
Artigo 20º.-Acta da sesión de constitución.
O secretario levantará acta da sesión de constitución da Xunta de Compensación, que haberá de ser aprobada na mesma reunión, e que constará no
libro de actas, debidamente dilixenciado polo Concello de Valdoviño, sendo asinada por tódolos membros asistentes.
A devandita acta elevarase a escritura pública, facendo constar nela:
A) Relación dos propietarios asistentes ou representados con indicación das súas respectivas cotas.
B) Relación dos predios dos que son titulares os propietarios actuantes no sistema de compensación.
C) Persoas que sexan designadas para ocupa-los cargos do órgano rector.
D) Acordo de constitución.
Os propietarios e interesados que non outorguen escritura poderán consenti-la súa incorporación en escritura de adhesión, no prazo máximo de quince días contados desde a data do seu outorgamento.
Copia autorizada da escritura e das adhesións; se é o caso, trasladarase ó Concello de Valdoviño, para a súa aprobación no prazo de 30 días, elevándose a devandita documentación e o acordo á Delegación Provincial de Política Territorial, Obras Públicas e Vivenda da Coruña para a súa inscrición no Rexistro de Entidades Urbanísticas Colaboradoras.
Capítulo IV
Dos órganos de goberno
Artigo 21º.-Órganos de goberno.
O órgano de goberno da Xunta de Compensación será a asemblea xeral.
As funcións individuais de goberno serán asumidas polo:
A) Presidente.
B) Vicepresidente.
C) Secretario.
D) Tesoureiro-contador.
E) Vocais.
Como membro independente dos órganos de goberno, figurará un interventor, que será propietario, con facultades de supervisión e asesoramento en materia contable.
Artigo 22º.-Elección dos órganos de goberno.
Os órganos de goberno elixiranse por maioría absoluta dos membros da Xunta de Compensación presentes en 1ª votación, e por maioría simple en 2ª e ulteriores votacións.
Artigo 23º.-Responsabilidade dos órganos de goberno.
Os órganos de goberno terán responsabilidade solidaria frente ós membros da Xunta de Compensación, a asemblea xeral e os acredores por neglixencia, dolo, temeridade ou abuso de facultades no exercicio das súas funcións.
Sección primeira: da asemblea xeral
Artigo 24º.-Natureza.
A asemblea xeral é o órgano deliberante supremo da Xunta de Compensación, e estará composta por tódolos membros dela e un representante do Concello de Valdoviño designado pola corporación local, os que decidirán nos asuntos propios da súa competencia, quedando obrigados tódolos membros, incluso os disidentes e os non asistentes, ó cumprimento dos seus acordos, sen prexuízo dos recursos previstos no capítulo V destes estatutos.
Artigo 25º.-Competencia.
Serán de competencia da asemblea xeral:
A) Contrata-la redacción e aproba-lo proxecto de compensación, elaborado de acordo cos criterios establecidos nas bases de actuación, logo de audiencia de tódolos afectados por prazo de 15 días, a reserva da súa aprobación definitiva polo Concello de Valdoviño.
B) Aproba-lo proxecto de urbanización da unidade de actuación, contratando a súa execución con técnicos competentes, ou ratificando a xa efectuada, e, se é o caso, os traballos ou proxectos elaborados.
C) Aproba-la memoria e contas dos exercicios económicos, logo de informe dos censores de contas.
D) Aproba-los orzamentos ordinarios e extraordinarios da Xunta de Compensación, así como os de investimentos.
E) Nomeamento e cesamento de censores de contas e demais persoas encargadas do goberno e administración da entidade.
E) Propoñe-la modificación dos estatutos, para a súa posterior aprobación polo Concello de Valdoviño, se procedese.
G) Acordar derramas extraordinarias para atender a gastos non previdos nos orzamentos ou enxuga-lo déficit temporal destes.
H) Actuar como fiduciaria, con pleno poder dispositivo, sobre os bens e dereitos pertencentes ós membros da Xunta de Compensación, acordando a realización de toda clase de actos de dominio, tales como adquisicións de dominio, alleamentos, segregacións, divisións, agrupacións, permutas, obras, plantacións, declaracións de obra nova, constitución de dereitos reais, cancelación deles, etc, con iguais facultades respecto dos bens pertencentes á Xunta de Compensación.
I) Determina-la prioridade na execución das obras de urbanización da unidade.
J) Acorda-la constitución das garantías que fosen esixidas, se é o caso, polos órganos urbanísticos para asegura-las obrigas contraídas coa Xunta de Compensación.
K) Establece-las cotas de participación definitiva dos membros integrantes da Xunta de Compensa
ción, de conformidade co establecido nas bases de actuación, e resolve-las discrepancias que a devandita fixación puidese motivar.
L) Execución, por contratación das obras de urbanización, con suxeición ó disposto no Art. 176 do Regulamento de xestión.
M) Edificación dos soares resultantes, en caso de acordarse por unanimidade.
N) Acorda-la disolución da Xunta de Compensación consonte o previsto nestes estatutos.
O) Calquera outro asunto que afecte a Xunta de Compensación.
Artigo 26º.-Clases de sesións da asemblea xeral.
As asembleas xerais poderán ser ordinarias e extraordinarias.
Artigo 27º.-A asemblea xeral ordinaria.
A asemblea xeral ordinaria reunirase dúas veces ó ano.
Dentro dos catro primeiros meses de cada exercicio económico -que coincidirá co ano natural- celebrarase a primeira sesión anual para censura-la xestión común e aprobar, se é o caso, a memoria e contas do exercicio anterior, logo de informe dos censores de contas designados para o efecto.
No mes de novembro de cada ano celebrarase a segunda sesión anual para coñecer e aproba-lo orzamento ordinario do exercicio económico seguinte e nomea-los censores de contas para o devandito exercicio.
Nas reunións da asemblea xeral ordinaria poderán, así mesmo, adoptarse acordos sobre calquera outra materia que figure na orde do día.
Artigo 28º.-A asemblea xeral extraordinaria.
Toda reunión da asemblea xeral que non sexa das sinaladas no artigo anterior terá a consideración de asemblea xeral extraordinaria.
A asemblea xeral extraordinaria reunirase por iniciativa do presidente, ou cando o soliciten membros que representen, polo menos, o 30% das cotas de participación definidas no Art. 10 destes estatutos, debendo expresarse na solicitude os asuntos que se van tratar.
Artigo 29º.-Dereito de asistencia.
Poderán asistir ás sesións da asemblea xéral as persoas físicas e os representantes das persoas xurídicas nas que concorra a calidade de membros da Xunta de Compensación, coas limitacións e requisitos establecidos nestes estatutos, así como o representante do Concello de Valdoviño.
Artigo 30º.-Convocatoria.
As reunións da asemblea xeral ordinaria ou extraordinaria serán convocadas polo seu presidente mediante carta certificada, remitida ós membros da
xunta con quince días de antelación, cando menos á data na que se celebren.
Coa mesma antelación, fixarase un anuncio no taboleiro de edictos do domicilio social.
A celebración de asemblea xeral extraordinaria por petición dos membros, na forma disposta no apartado 2 do Art. 28º destes estatutos, terá que acordarse dentro dos quince días seguintes ó do requirimento practicado; a reunión deberá ter lugar entre os quince e trinta días seguintes ó do devandito requirimento.
A convocatoria sinalará lugar, día e hora da reunión, así como os asuntos que se tivesen que someter a coñecemento e resolución da asemblea xeral, ós que terán que cingui-las súas deliberacións e acordes.
A convocatoria da asemblea xeral ordinaria conterá, ademais, a indicación de que, no domicilio social da Xunta de Compensación, estarán á disposición dos membros, en horas hábiles de oficina e ata o día anterior á reunión, a memoria e contas do exercicio anterior, co informe dos censores de contas, orzamento ordinario para o exercicio económico seguinte. Excepcionalmente, a sesión constitutiva da xunta será convocada polo Concello de Valdoviño na forma e coa antelación sinalados anteriormente, e con indicación do lugar no que a reunión se celebrará, de non efectuarse conforme o establecido no Art. 17 precedente.
Artigo 31º.-Constitución.
A asemblea xeral quedará validamente constituida, en primeira convocatoria, cando concorran a ela, en por si ou por representación, socios da Xunta de Compensación que representen, polo menos, o 60% das cotas definidas no Art. 10º destes estatutos.
Transcorrida unha hora sen alcanza-lo quórum indicado, entenderase validamente constituída a asemblea xeral, en segunda convocatoria, calquera que sexa o número de asistentes, salvo o disposto no artigo 18º dos estatutos, sendo preceptiva, en todo caso, a presencia do presidente e do secretario, ou dos que legalmente lles substitúan.
Se, encontrándose presentes ou representados a totalidade dos membros e o representante designado polo Concello de Valdoviño acordasen por unanimidade celebrar asemblea xeral, quedará esta validamente constituída, sen necesidade de previa convocatoria, podendo adoptar acordos sobre calquera materia.
Artigo 32º.-Réxime de sesións e quórum.
O presidente da asemblea xeral dirixirá os debates e declarará os asuntos suficientemente debatidos, pasando á votación de acordos se procedese.
Soamente poderán ser considerados e resoltos os asuntos enunciados na convocatoria, sen que sexan válidos os acordos adoptados sobre outras materias, iso sen prexuízo de que, logo de declaración de
urxencia acordada por membros que representen, polo menos, o 75% das cotas definidas no Art. 10º destes estatutos, se poidan adoptar acordos sobre outros asuntos.
Os acordos adoptaranse por maioría simple de cotas, presentes ou representadas, computándose as participacións na forma sinalada polo Art. 10º destes estatutos, e en caso de empate, o voto do presidente terá calidade dirimente.
Requirirá o voto favorable dos membros, con cotas que representen o 60% do total, a adopción de acordos sobre as seguintes materias:
a) Modificación de estatutos e bases de actuación.
b) Modificación puntual das NN.SS.
c) Aprobación dos estudios de detalle.
d) Aprobación do proxecto de urbanización.
e) Fixación de achegas extraordinarias, excepción feita das necesarias para paga-las indemnizacións e prezos xustos expropiatorios de predios afectados pola actuación.
f) Proposta de modificación do planeamento urbanistico.
g) Creación do consello rector de acorde co regulado no capítulo IV.
A aprobación do proxecto de compensación requirirá o voto favorable da maioría dos membros que á súa vez representen os dous tercios das cotas de participación.
A edificoción dos soares resultantes e a proposta de disolución da entidade antes de terminarse a urbanización, requirirá o voto unánime dos membros da Xunta de Compensación.
Os cotitulares dun predio ou cotas de participación, exercitarán as súas facultades de membro, segundo o previsto no Art. 12º destes estatutos.
Os acordos da asemblea xeral serán inmediatamente executivos, sempre que fosen adoptados de acordo co previsto nos presentes estatutos, sen prexuízo dos recursos previstos no seu capítulo V.
Artigo 33º.-Actas e certificacións.
De cada reunión da asemblea xeral levantarase acta, terá que ser aprobada na mesma reunión, e nela faranse constar, clara e sucintamente, os acordos adoptados e o resultado das votacións celebradas; se non resultase factible a súa redacción no devandito momento, designaranse dous interventores para que en unión do presidente e do secretario, procedan á súa redacción no prazo dos quince días seguintes. Cada acta será asinada polo presidente e o secretario da Xunta de Compensación, e no suposto do apartado anterior, ademais polos dous interventores. As devanditas actas transcribiranse no respectivo libro, que deberá ser encadernado e foliado, e legalizada cada folla coa sinatura e o selo do secretario do Concello de Valdoviño. Na súa primeira
páxina, estenderase dilixencia de apertura asinada polo devandito secretario, co visto e prace do alcalde-presidente, facendo consta-la denominación da xunta e da unidade de actuación, a data e o número de folios.
Alternativamente, poderá levarse un libro de follas móbiles, en cada unha das que figurará a denominación da xunta e da unidade de actuación, e un número correlativo. As follas serán asinadas polo secretario da xunta e o do concello, unha vez estendida cada acta, antes da súa aprobación e sinatura pola asemblea, e a súa páxina inicial dilixenciarase na forma prevista para o libro de follas fixas.
Por requirimento dos membros ou dos órganos urbanísticos, deberá o secretario, co visto e prace do presidente, expedir certificacións do contido do libro de actas.
Sección segunda: do presidente
Artigo 34º.-Nomeamento.
O presidente, que será propietario, será designado pola asemblea xeral e o seu nomeamento terá unha duración de dous anos, podendo procederse á súa reelección, indefinidamente, por períodos iguais, en virtude de acordo expreso.
Artigo 35º.-Funcións.
Serán funcións do presidente:
A) Convocar, presidir, suspender e levanta-las sesións da asemblea xeral, dirixi-las deliberacións e dirimi-los empates con voto de calidade.
B) Autoriza-las actas da asemblea xeral, as certificacións que se expidan e cantos documentos o requiran.
C) Executar e facer cumpri-los acordos da asemblea xeral.
D) Ostenta-la representación xudicial e extraxudicial da Xunta de Compensación.
E) Administrar, conxuntamente cos órganos de goberno, os fondos da Xunta de Compensación, formalizando a memoria e contas correspondentes a cada exercicio económico que serán sometidas á asemblea xeral.
F) Propoñerlle á asemblea xeral o orzamento ordinario anual de ingresos e gastos, así como os orzamentos extraordinarios, e aplicalos na medida correspondente.
G) Facer e esixir pagamentos, cobramentos e liquidacións, logo autorización da asemblea xeral, calquera que sexa a súa causa xurídica e a persoa ou entidade obrigada.
H) Abrir, seguir e cancelar, a nome da Xunta de Compensación, contas correntes, de crédito ou de aforro e de depósito en toda clase de bancos ou institucións de crédito e aforro, así como dispoñer desas contas, mediante talóns, cheques e demais instrumentos de pagamento, ingresando ou retirando
fondos delas, asina-la correspondencia, recibos e resgardos, librar, aceptar, endosar, anular e descontar efectos mercantís, protestar por falta de acepción ou de pagamento de letras de cambio, e, en xeral, desenvolver tódalas operacións usuais de banca, esixidas pola actividade da Xunta de Compensación, todo iso logo de autorización da asemblea xeral.
I) Realizar operacións coa Facenda pública en calquera das súas caixas, bancos de carácter oficial ou privado, caixas de aforro, sociedades, empresas, particulares, etc.
J) Propoñerlle á asemblea xeral as cotas correspondentes ós socios da Xunta de Compensación, así como as modificacións pertinentes.
K) Notificarlles ós órganos urbanísticos competentes os acordes que teñan que producir efectos ante aqueles.
L) Propórlle á asemblea xeral o traslado do domicilio da Xunta de Compensación, e notificarlles ós órganos urbanísticos e ós membros, o devandito cambio.
M) Solicita-la concesión dos beneficios fiscais e exencións tributarias que as disposicións vixentes establecen en favor da Xunta de Compensación e dos membros incorporados a ela.
N) Desenvolver tódolos actos de xestión previstos, sen excepción ningunha, e especialmente os de carácter económico, conforme as decisións acordadas pola asemblea, e contabiliza-los seus resultados.
O) A resolución de calquera outro asunto que afecten a vida da Xunta de Compensación, non expresamente atribuídos á competencia da asemblea xeral.
Artigo 36º.-Substitución.
En caso de vacante, ausencia ou enfermidade do presidente, tódalas facultades que a este lle correspondan, serán asumidas polo vicepresidente, ata que a asemblea xeral designe novo presidente.
Sección terceira: do secretario
Artigo 37º.-Nomeamento.
O secretario será designado pola asemblea xeral e o seu nomeamento terá unha duración de dous anos, podendo procederse á súa reelección indefinidamente, por períodos iguais en virtude de acordo expreso. O seu nomeamento poderá recaer tanto nun membro propietario como en persoa que careza de tal condición.
Artigo 38º.-Funcións.
Serán funcións do secretario:
A) Asistir preceptivamente a tódalas reunións da asemblea xeral.
B) Levantar acta das sesións da asemblea xeral, transcribíndoas nos libros de actas dilixenciados para o efecto, e notificarlles ós membros da Xunta
de Compensación, no prazo de quince días, os acordos adoptados polos órganos de goberno.
C) Expedir certificacións do contido dos libros de actas, co visto e prace do presidente.
D) Levar un libro-rexistro no que se relacionarán tódolos memebros integrantes da Xunta de Compensación, con expresión dos seus respectivos nomes, apelidos, domicilios, datas de incorporación, cotas de participación, número de votos e cantas circunstancias estime procedentes.
E) Custodiar tódolos documentos da Xunta de Compensación.
F) Cursa-las convocatorias de asembleas xerais coa debida antelación.
Artigo 39º.-Substitución.
O cargo de secretario, en caso de vacante, ausencia ou enfermidade, será desempeñado por outro dos membros da Xunta de Compensación, designado pola asemblea xeral, podendo o presidente encomendar provisionalmente aquelas funcións a calquera dos ditos membros.
Sección cuarta: do consello rector
Artigo 40º.-Creación.
A asemblea xeral, por maioría que represente, cando menos, o 50% das cotas, poderá acorda-la creación dun consello rector, designando os membros que o terán que constituír.
Artigo 41º.-Composición.
O consello rector estará composto por un presidente, un vicepresidente, un secretario, un tesoureiro-contador, dous vocais e o vocal designado polo concello.
O presidente e secretario serán os da asemblea xeral.
Os dous vocais serán designados pola asemblea xeral de entre os seus membros, un dos cales representará necesariamente os socios con vocto minoritario na elección do primeiro vocal.
Artigo 42º.-Duración dos cargos do consello.
Os nomeamentos dos membros designados pola xunta terán dous anos de duración, podendo ser reelixidos sen limitación no número de mandatos.
No caso de falecemento, renuncia ou cesamento dalgún membro, a asemblea xeral designará o substituto ata a renovación do cargo.
A asemblea xeral poderá dispoñer libremente o cesamento dos membros do consello rector.
Artigo 43º.-Facultades.
Corresponderalle ó consello rector as máis amplas facultades de xestión dos intereses comúns e de representación da xunta, sen máis limitacións que a ratificación dos acordos pola asemblea xeral, nos asuntos que están expresamente reservados á competencia desta.
Serán funcións específicas do consello rector:
A) Administra-los fondos da xunta, formalizando a memoria e contas correspondentes a cada exercicio económico terán que ser sometidas á asemblea xeral.
B) Propoñerlle á asemblea xeral o orzamento anual de ingresos e gastos, así como os orzamentos extraordinarios e aplicalos na medida correspondente.
C) Facer e esixir pagamentos, cobramentos e liquidacións, logo de autorización da asemblea xeral, calquera que sexa a súa causa xurídica e a persoa ou entidade obrigada ou acredora.
D) Abrir e manter contas e depósitos en establecementos bancarios ou de crédito, ingresando e retirando fondos deles, logo de autorización da asemblea xeral.
E) Realizar operacións coa Facenda pública en calquera das súas caixas, bancos de carácter oficial ou privado, caixas de aforro, sociedades, empresas ou particulares.
F) Propoñerlle á asemblea xeral as cotas de participación correspondentes ós membros da xunta, así como as modificacións que fosen pertinentes, ben por novas achegas ou incorporacións, ou a consecuencia das adxudicacións fixadas no proxecto de compensación, ou ós criterios que se establezan nas bases de actuación.
G) Fixa-la forma e prazos nos que teñan que ser pagadas polos membros as achegas económicas previstas nos orzamentos ordinarios e extraordinarios, e proceder contra os morosos para facer efectivo o pagamento das cantidades debidas.
H) Solicita-la concesión de beneficios fiscais e exencións tributarias que as disposicións vixentes establecen en favor da Xunta de Compensación ou dos seus membros.
Artigo 44º.-Do presidente e do secretario.
Serán aplicables as normas que regulan os cargos de presidente e secretario da asemblea xeral.
Artigo 45º.-Responsabilidade dos membros do consello rector.
Os membros do consello rector terán responsabilidade solidaria fronte ós membros da Xunta de Compensación, a asemblea xeral e os acredores por neglixencia, dolo, temeridade ou abuso de facultades no exercicio das súas funcións.
Capítulo V
Do réxime económico e xurídico
Sección primeira: do réxime económico
Artigo 46º.-Ingresos da Xunta de Compensación.
Serán ingresos da Xunta de Compensación:
A) As achegas dos seus membros.
B) As subvencións, créditos, doazóns, etc. que se obteñan.
C) O producto dos alleamentos de bens da Xunta de Compensación.
D) As rendas e productos do seu patrimonio.
E) As participacións e ingresos que procedan de convenios con outras entidades ou organismos, para a realización de fins urbanísticos.
Artigo 47º.-Gastos da Xunta de Compensación.
Serán gastos da Xunta de Compensación os de:
A) Promoción da actuación urbanística.
B) Financiamento das obras de urbanización da unidade de actuación a que se refiren os artigos 59, 60 e 61 do Regulamento de xestión urbanística, en concordancia co artigo 160.1º do texto da Lei sobre réxime do solo e ordenación urbana, así como das que acorden os órganos de goberno.
C) Aboamento de honorarios profesionais, administrativos, de gardería e vixilancia, etc.
D) Indemnizacións por expropiación de bens e dereitos.
E) Cantos veñan esixidos polo cumprimento do obxecto e fins da Xunta de Compensación.
F) Os reintegros das cantidades anticipadas para a constitución da xunta e para a adquisición en favor dela dos terreos destinados a zona verde polo planeamento, cos xuros legais de demora que correspondan.
Artigo 48º.-Achegas dos membros e o seu pagamento.
As achegas dos membros serán de dúas clases:
A) Ordinarias ou de xestión, destinadas a sufraga-los gastos xerais da Xunta de Compensación, conforme o orzamento aprobado pola asemblea.
B) Extraordinarias, con destino ó pagamento de prezos xustos e indemnizacións de predios pertencentes a propietarios non incorporados e ós gastos de urbanización.
As achegas ordinarias e extraordinarias serán fixadas pola asemblea. As extraordinarias requirirán para a súa aprobación, o quórum especial establecido no Art. 32 destes estatutos.
A distribución das achegas entre os membros efectuarase en proporción ó dereito ou xuro económico de cada un deles, definido pola cota ou cotas de participación das que sexa titular.
O presidente poderá solicitar dos membros as achegas aprobadas pola asemblea para atende-los gastos sociais, ordinarios ou extraordinarios, incluso a constitución de garantías ou fianzas para asegura-la asunción dos compromisos por parte da Xunta de Compensación, na execución directa das obras.
O ingreso das cantidades que terán que paga-los membros realizarase dentro dos trinta días naturais seguintes ó da data da notificación do acordo da asemblea xeral, acordando o pagamento. Transcorri
do o devandito prazo, o membro moroso incorrerá nunha recarga do tipo do xuro legal do diñeiro vixente nese momento, incrementado en dous puntos, da cantidade ou fracción non aboada, debendo ingresa-la totalidade da cantidade que se deba no prazo de quince días naturais contados a partir do requirimento que o presidente lle practique.
Transcorrido este último sen efectuarse o pagamento da achega que se deba e das recargas devengadas, o presidente procederá contra o membro moroso ben pola vía de constrinximento administrativo, formulándolle a petición correspondente ó Concello de Valdoviño, ben por vía xudicial ou ben utilizando o dereito de expropiación, para o que será expedido polo secretario, logo de acordo da asemblea xeral; co visto e prace do presidente, a correspondente certificación, que terá eficacia executiva. En todo caso, desde a terminación do período voluntario de pagamento ata a efectividade deste, o membro moroso quedará en suspenso respecto ó exercicio dos seus dereitos dentro da Xunta de Compensación.
O pagamento das cantidades que se deban á xunta, coas recargas devengadas, realizado en calquera momento anterior ó levantamento da acta de ocupación, dará lugar á cancelación do expediente expropiatorio.
Artigo 49º.-Actuación.
A actuación da Xunta de Compensación desenvolverase consonte as normas de economía, celeridade e eficacia, e mediante a prestación persoal e gratuíta dos seus compoñentes, salvo que a devandita prestación fose insuficiente ou demasiado onerosa para os que representen cargos sociais; nese suposto, a asemblea xeral acordará o procedente, en canto á súa retribución, dentro dos recursos económicos dispoñibles.
Sección segunda: do réxime xurídico
Artigo 50º.-Vixencia dos estatutos.
Os presentes estatutos e as súas bases de actuación, unha vez aprobados polo Concello de Valdoviño, constituída a xunta e inscrita no Rexistro de Entidades Urbanísticas Colaboradoras, terán natureza obrigatoria para os membros da Xunta de Compensación.
Calquera modificación dos estatutos que a asemblea xeral acorde, de conformidade có disposto no Art. 32, requirirá a aprobación do Concello de Valdoviño e a súa inscrición no rexistro citado, para producir plenos efectos.
Artigo 51º.-Executoriedade.
Os actos e acordos dos órganos de goberno da Xunta de Compensación serán inmediatamente executivos, salvo aqueles que precisen autorización ulterior de órganos urbanísticos, debendo ser notificados de maneira que faga fe ós membros, a partir dese momento terán plena eficacia xurídica.
Artigo 52º.-Órgano de control urbanístico.
O órgano que controlará a actuación da Xunta de Compensación, para os efectos sinalados no artigo 158.4º do texto refundido da Lei sobre réxime do solo e ordenación urbana, e concordantes do Regulamento de xestión, será o Concello de Valdoviño.
Ó devandito órgano corresponderanlle especialmente as seguintes funcións:
A) Designa-lo representante da Administración que terá que formar parte da asemblea xeral da Xunta de Compensación.
B) Tramita-los proxectos de compensación e urbanización, así como os de expropiación e exacción por vía de constrinximento, nos supostos previstos nestes estatutos e nas bases de actuación.
C) Requiri-la Xunta de Compensación para a presentación de certificacións, documentos, memorias, planos, etc. na medida en que iso sexa conveniente para a execución do planeamento.
D) Prestarlle á Xunta de Compensación o asesoramento debido para o logro das finalidades urbanísticas promovidas.
E) Cantas resulten da lexislación urbanística vixente e de aplicación.
Artigo 53º.-Recursos administrativos.
Os acordos adoptados polo presidente da Xunta de Compensación poderán ser impugnados polos seus membros ante a asemblea xeral, dentro do prazo de 30 días hábiles contados a partir do seguinte ó da notificación daqueles; deberá resolve-lo órgano plenario no termo dun mes, contado desde a data de presentación do recurso.
Se a asemblea xeral non adoptase acordo no prazo sinalado, entenderase desestimado o recurso interposto e quedará expedita a vía do recurso ordinario ó que se refire o apartado seguinte.
Contra os acordos da asemblea xeral poderá formularse recurso ordinario ante o Concelllo de Valdoviño, dentro do prazo dun mes contado desde o día seguinte ó da súa notificación, conforme o disposto nos Art. 144 e concordantes da Lei 30/1992, do 26 de novembro, de réxime xurídico das administracións públicas e do procedemento administrativo común, debendo ser concedida pola corporación municipal audiencia á Xunta de Compensación con carácter previo á resolución do reburso.
Os acordos da asemblea xeral e do seu presidente consideraranse firmes se non fosen impugnados dentro do prazo sinalado nos apartados precedentes.
Así mesmo, sen prexuízo dos recursos procedentes os devanditos acordos serán executivos, salvo suspensión acordada polo presidente da Xunta de Compensación, a Administración pública tutelante, ou o órgano xurisdiccional, se se acudise á devandita vía.
A suspensión requirirá afianzamento, na contía suficiente para responder dos danos que poidan producirse á Xunta de Compensación. Se o recurso versase sobre achegas ordinarias ou extraordinarias, a suspensión esixirá o previo depósito irrevogable á disposición da Xunta de Compensación e a resultas do recurso, do importe da achega máis un 25% para responder dos danos e prexuízos que se produzan pola demora que, se non fosen maiores, se estimarán nos xuros legais da cantidade obxecto do recurso, máis dous puntos, xuros que lle serán reembolsados ó litigante no caso de seren estimadas as súas pretensións.
Artigo 54º.-Responsabilidade da Xunta de Compensación.
A Xunta de Compensación será directamente responsable frente ó Concello de Valdoviño, do cumprimento dos deberes de cesión, equidistribución e urbanización, condicionantes da adquisición do dereito ó aproveitamento urbanístico, da urbanización completa da unidade de actuación, e se é o caso, da edificación dos soares resultantes, cando así se establecese, e das demais obrigas que resulten da lexislación urbanística, e dos estatutos e bases de actuación, sen prexuízo dos beneficios que se obteñan por outros conceptos por parte das administracións actuantes.
Cando no exercicio das súas atribucións, a Xunta de Compensación incorra en infraccións que se cualifiquen como graves, segundo o preceptuado na Lei do solo, o concello poderá desistir de executa-la unidade de actuación polo sistema de compensación, e aplica-lo de cooperación ou impoñe-lo sistema de expropiación.
En calquera caso, a Xunta de Compensación poderá repercuti-lo importe das multas impostas a ela, como consecuencia das responsabilidades en que puidese incorrer, sobre aqueles membros qué directamente interviñesen na comisión da infracción ou pereibisen o beneficio derivado dela.
Para facer efectiva a repercusión das multas sobre os membros da Xunta de Compensación, responsables dos actos ou acordos sancionados, poderá solicitarse do Concello de Valdoviño a súa exacción por vía de constrinximento.
Capítulo VI
Da disolución da Xunta de Compensación
Artigo 55º.-Causas de disolución.
A Xunta de Compensación disolverase por las seguintes causas:
A) Cumprimento íntegro dos fins sinalados e previstos para a Xunta de Compensación.
B) Acordo de disolución, finalizado o proceso de equidistribución adoptado pola asemblea xeral, co voto favorable de membros que representen o 66,66% das cotas da Xunta de Compensación computadas de acordo co artigo 10º destes estatutos,
e aprobación posterior polo Concello de Valdoviño, iso sen prexuízo do cumprimento das obrigas contraídas e das responsabilidades subsidiarias a que houbera lugar.
C) Acordo de disolución, adoptado polo Concello de Valdoviño, como consecuencia de infraccións graves cometidas pola Xunta de Compensación. O presidente estará facultado, coas limitacións que a asemblea xeral acorde, para realiza-las operacións subseguintes á disolución.
Artigo 56º.-Liquidación.
Acordada validamente a disolución da Xunta de Compensación, e obtida a aprobación do Concello de Valdoviño, o seu presidente procederá á súa liquidación, con observancia das instruccións dictadas pola asemblea xeral.
Artigo 57º.-Destino do patrimonio común.
Nos supostos de disolución da Xunta de Compensación, o patrimonio común, se o houber, distribuirase entre os membros, en proporción ás súas respectivas cotas de participación na devandita xunta, procedéndose a cancela-la nota rexistral prevista no artigo 310 do texto refundido da Lei sobre réxime do solo e ordenación urbana, e 169 do Regulamento de xestión.
Disposición derradeira
Ós membros da Xunta de Compensación seralles entregado, no acto da asamblea xeral constitutiva desta, un exemplar dos estatutos e bases de actuación, aprobados polo Concello de Valdeviño, protocolizados notarialmente.
Disposición adicional
No non previsto nestes estatutos, rexerán as disposicións normativas da Lei do solo, Lei de adaptación da do solo a Galicia, Real decreto-lei de medidas liberalizadoras en materia de solo, o Regulamento de xestión urbanística, as demais concordantes e complementarias do ordenamento urbanístico, e supletoriamente, as da vixente Lei de sociedades anónimas.
