Visto o texto do acordo sobre dereitos de participación do persoal ó servicio da Administración de Galicia, en materia de riscos laborais, que se asinou con data do 29 de setembro de 1997, entre os representantes da Administración da Xunta de Galicia e os representantes das organizacións sindicais Comisións Obreiras (CC.OO), Unión General de Trabajadores (UGT), Converxencia Intersindical Galega (CIG) e Confederación de Sindicatos Independientes
e Sindical de Funcionarios (CSI-CSIF), e de conformidade co disposto no artigo 36 da Lei 9/1987, do 12 de xuño de órganos de representatividade, determinación das condicións de traballo e participación do persoal ó servicio das administracións públicas.
A Dirección Xeral de Relacións Laborais,
ACORDA:
Primeiro.-Ordena-la inscrición do devandito acordo no rexistro xeral desta dirección xeral.
Segundo.-Remiti-lo texto orixinal ó correspondente servicio deste centro directivo.
Terceiro.-Dispoñe-la súa publicación no Diario Oficial de Galicia.
Santiago de Compostela, 16 de xaneiro de 1998.
Mª José Cimadevila Cea
Directora xeral de Relacións Laborais
Acordo sobre dereitos de participación do persoal ó servicio da Administración da Xunta de Galicia en materia de prevención de riscos laborais
En Santiago de Compostela, 29 de setembro de 1997, a Administración da Comunidade Autónoma de Galicia, representada por Joaquín López-Rúa Soler, director xeral da Función Pública; José Antonio Álvarez Vidal, secretario xeral da Consellería de Xustiza, Interior e Relacións Laborais, e as organizacións sindicais CC.OO, UGT, CIG e CSI-CSIF, representadas, respectivamente, por Emilio Crespo Correa, CC.OO; Luis Suárez Poza, UGT; Xan Carlos Rodríguez Ansia, CIG e Jesús Fariña Pombo, CSI-CSIF, conveñen en subscribi-lo seguinte acordo:
Instroducción.
O artigo 40.2º da Constitución española de 1978 di:
«Os poderes públicos fomentarán unha política que garantan a formación e readaptación profesionais, velarán pola seguridade e hixiene no traballo e garantirán o descanso necesario, mediante a limitación da xornada laboral, as vacacións períodicas retribuídas e a promoción dos centros adecuados».
Por outra banda, en cumprimento da Directiva Marco 89/391/CEE (do 12 de xuño de 1989), a Lei 31/1995, do 8 de novembro, de prevención dos riscos laborais, regula no seu capítulo V a consulta e participación dos traballadores en materias que afectan á seguridade e saúde no traballo e, máis concretamente, no artigo 33 establece a obriga empresarial de someter á consulta dos representantes dos traballadores ou, no seu defecto, ós propios traballadores individuais, coa debida antelación, a adopción dunha serie de decisións relativas á protección da saúde e á prevención dos riscos profesionais na empresa, e no seu artigo 34 establece o dereito dos traballadores a participar na empresa nas cuestións relacionadas coa prevención dos riscos no traballo, sendo os delegados de prevención e os comités de seguridade e saúde os mecanismos de participación especializada nas materias de prevención.
Pois ben, o presente acordo ten por finalidade concreta-los mecanismos de participación do persoal ó servicio da Xunta de Galicia nas materias relacionadas coa prevención dos riscos no traballo, o seu número, competencias, facultades e garantías necesarias para o exercicio das súas funcións especializadas.
Como consecuencia de todo o anterior, as partes asinantes acordan:
1. Ámbito persoal.
O acordo é aplicable a todo o persoal ó servicio da Administración da Xunta de Galicia.
2. Obxecto do acordo.
O presente acordo ten por obxecto regula-la participación dos empregados públicos da Comunidade Autónoma de Galicia, dependentes da Xunta de Galicia, nas tarefas e funcións previstas na Lei de prevención de riscos laborais, adaptando e concretando as súas previsións ás particularidades propias da súa estructura xurídica e da súa dispersión territorial.
3. Delegados de prevención.
Son delegados de prevención nos termos definidos na Lei de prevención de riscos laborais tanto os designados entre os membros da xuntas de persoal e comités de empresa como os designados por estes órganos cando, nos ámbitos recollidos no anexo, non existan traballadores que ostenten a condición de delegados de persoal ou delegados sindicais. Para a elección dos delegados de prevención tómanse como ámbitos os reflectidos no anexo, sendo o número de delegados que se elixirán de acordo co disposto no artigo 35 da Lei 31/1995, do 8 de novembro, de prevención de riscos laborais, o que, así mesmo, figura no citado anexo.
4. Competencias dos delegados de prevención.
As competencias dos delegados de prevención son, de acordo co disposto na Lei de prevención de riscos laborais, as seguintes:
-Colaborar coa dirección da empresa na mellora da acción preventiva.
-Promover e fomenta-la cooperación dos traballadores na execución da normativa sobre prevención de riscos laborais.
-Ser consultados polo empresario, con carácter previo á súa execución, acerca das decisións ás que se refire o artigo 33 da Lei de riscos laborais.
-Exercer un labor de vixilancia e control sobre o cumprimento da normativa de prevención de riscos laborais.
5. Garantías e segredo profesional dos delegados de prevención.
As garantías dos delegados de prevención, no exercicio das funcións e potestades recoñecidas neste acordo e no artigo 37 da Lei de prevención de riscos laborais, abranguerán tanto os que ostentan a condición de delegado de persoal ou membro dun órgano de representación unitaria como os designados por estes que non ostenten tal condición.
6. Crédito horario.
O crédito horario de carácter fixo dos delegados de prevención será, con carácter xeral, o que lle corresponda por aplicación das previsións da Lei de prevención de riscos laborais; no caso de delegados de prevención que carezan de crédito horario por non teren a condición de delegados de persoal, delegados sindicais ou membros electos de órganos unitarios, desfrutarán do tempo necesario para poder realiza-las súas funcións. Neste suposto agás casos de forza maior debidamente acreditada, deberán comunicárllelo ós correspondentes responsables de persoal da consellería na que estean prestando servicios cunha antelación mínima de 24 horas. Posteriormente xustificarán tal utilización.
7. Formación.
Os delegados de prevención teñen o dereito a ser formados, informados e actualizados en materias relacionadas co seu cometido, tanto de carácter xeral como específico, comprometéndose a Administración, a tra
vés do Servicio de Prevención, a promove-la devandita formación e actualización.
8. Comités de seguridade e saúde.
En cada un dos ámbito definidos no anexo constituirase un comité de seguridade e saúde, coa composición e competencias previstas nos artigos 38 e 39 da lei.
9. Comisións de seguridade e saúde.
Tanto da mesa xeral como de cada unha das sectoriais emanarán comisións de saúde laboral, que serán paritarias, e que terán competencia específica na negociación en materia de saúde laboral. As organizacións sindicais presentes en cada mesa contarán cun representante cada unha delas na citada comisión.
10. Comisión paritaria de seguimento e interpretación deste acordo. Inmediatamente, e a continuación da entrada en vigor deste acordo, constituirase unha comisión paritaria de seguimento e interpretación que, ademais da avaliación do grao de cumprimento do
acordo, resolverá sobre as controversias que xurdan na súa aplicación. As resolucións desta comisión tomaranse por unanimidade e, cando non sexa posible, farase constar na acta a motivación explícita do desacordo. Na comisión paritaria estarán presentes as organizacións sindicais asinantes do presente acordo.
11. Ámbito temporal.
O acordo entrará en vigor o día seguinte ó da súa publicación no Diario Oficial de Galicia, podendo se modificado ou derrogado por acordo das partes asinantes.
Polas organizacións sindicais:
Emilio Crespo Correa (CC.OO)
Luís Suárez Poza (UGT)
Xan Carlos Rodríguez Ansia (CIG)
Jesús Fariña Pombo (CSI-CSIF)
Pola Administración:
Joaquín López-Rúa Soler
José Antonio Álvarez Vidal
ANEXO
Servicios periféricos da Coruña
Delegación Censo D.P. Pers. Lab. Censo D.P. Pers. Func. Totais
Presidencia 78 2 49 1 3 Economía 18 1 96 2 3 Educación 449 3 449 3 6 Política Territorial 107 3 113 3 6 Industria 30 1 88 2 3 Sanidade 752 4 365 3 7 Agricultura 536 4 448 3 7 Cultura 24 1 47 1 2 Pesca 55 2 196 3 5 Xustiza 98 2 99 2 4 Familia 278 3 80 2 5
ANEXO
Servicios periféricos de Lugo
Delegación Censo D.P. Pers. Lab. Censo D.P. Pers. Func. Totais
Presidencia 11 1 43 1 2 Economía 9 1 43 1 2 Educación 366 3 96 2 5 Política Territorial 76 2 84 2 4
Delegación Censo D.P. Pers. Lab. Censo D.P. Pers. Func. Totais
Industria 8 1 42 1 2 Sanidade 250 3 256 3 6 Agricultura 301 3 419 3 6 Cultura 19 1 42 1 2 Pesca 13 1 63 2 3 Xustiza 38 1 49 1 2 Familia 162 3 47 1 4
ANEXO
Servicios periféricos de Ourense
Delegación Censo D.P. Pers. Lab. Censo D.P. Pers. Func. Totais
Presidencia 16 1 44 1 2 Economía 8 1 49 1 2 Educación 304 3 223 3 6 Política Territorial 85 2 84 2 4 Industria 9 1 34 1 2 Sanidade 270 3 260 3 6 Agricultura 193 3 430 3 6 Cultura 32 1 48 1 2 Pesca Xustiza 36 1 37 1 2 Familia 212 3 61 2 5
ANEXO
Servicios periféricos de Pontevedra
Delegación Censo D.P. Pers. Lab. Censo D.P. Pers. Func. Totais
Presidencia 41 1 62 2 3 Economía 17 1 137 3 4 Educación 415 3 432 3 6 Política Territorial 116 3 194 3 6 Industria 14 1 64 2 3 Sanidade 303 3 301 3 6
Delegación Censo D.P. Pers. Lab. Censo D.P. Pers. Func. Totais
Agricultura 307 3 363 3 6 Cultura 28 1 40 1 2 Pesca 100 2 221 3 5 Xustiza 88 2 74 2 4 Familia 226 3 77 2 5
Servicios centrais
D.P. Pers. laboral D.P. Pers. funcionario Totais
3 5 8
Ensino-persoal docente
Ámbito Delegados de prevención
A Coruña 8 Lugo 8 Ourense 6 Pontevedra 8
Administración de xustiza
Ámbito Delegados de prevención
A Coruña 4 Lugo 3 Ourense 3 Pontevedra 4
Delegados de prevención por área de saúde
do persoal de institucións sanitarias
do Servicio Galego de Saúde
traballadores delegados
de prevención
Nº de
Nº de
de seguridade e saúde
Áreas sanitarias/comités
Área A Coruña 4.874 8
Área Santiago 3.438 7
Área Ferrol 1.784 5
Área Lugo 2.468 6
Área Burela 590 4
Área Monforte 520 4
traballadores delegados
de prevención
Nº de
Nº de
Área Ourense 3.914 7
Comités de empresa
Área O Barco 719 4
Área norte Pontevedra 2.973 6
Área sur Pontevedra 6.133 8 Persoal laboral
Sta. María Madre 740 4
H. Cirúrxico Provincial 285 3
H. Psiquiátrico de Conxo 231 3 Total 28.669 69
534
