En virtude do acordado en providencia dictada o día da data en xuízo oral número 331/1995, executoria do Xulgado do Penal número dous de Santiago de Compostela (A Coruña), no que foron condenados en sentencia firme, 4-10-1996, por medio do presente edicto anúnciase a venda en pública poxa, por primeira vez os seguintes bens mobles embargados da propiedade do condenado José Luis Moure López.

Os ditos bens, así como o valor da súa taxación son os seguintes:

Vehículo Marca BMW, modelo 635 CSI, matrícula C-5218-AD, valorado en 1.300.000 ptas. Faise constar que se atopa no chalé unido número 14, urbanización As Mimosas, Biduído, Ames, e que a documentación relativa a eles a ten o penado José Luis Moure López. Establécense as seguíntes regras sinaladas na Lei de axuizamento civil:

1. Nos remates non se admitirán ofertas que non cubran as dúas terceiras partes da valoración. En tódalas poxas, desde o anuncio ata a súa celebración, poderán facerse ofertas por escrito en prego pechado, acompañado o resgardo de ter feita a consignación no BBV do importe a que se refire o artigo seguinte.Os pregos conservaranse pechados polo secretario e serán abertos no acto do remate ó publicáranse as ofertas, producindo o mesmo efecto que os que se realicen no dito acto. Só o executante poderá facer oferta en calidade de cederlle o remate a un terceiro. O executante que exercitase esta facultade deberá verifica-la dita cesión mediante comparecencia ante o propio xulgado que celebrara a poxa, con asistencia do cesionario, quen deberá aceptala, e todo iso logo de ou simultaneamente ó pagamento do resto do prezo de remate.

2. Para tomar parte na poxa deberán os lícitadores consignar previamente, no BBV, consta de consignacións do Xulgado do Penal número 2 de santiago de compostela, número 1.593, clave 71, co número de procedemento ou xuízo oral, presentado neste xulgado copia do mandamento de ingreso, unha cantidade igual, polo menos ó 20% efectivo de valor dos bens que sirva de tipo para a poxa, requisito sen o cal non serán admitidos. Devolveranse as ditas consignacións ós seus respectivos donos, acto continuo do remate, excepto a que corresponda ó mellor ofertante, a cal se reservará en depósito como garantía do cumprimento da súa obrigación, e se é o caso, como parte do prezo da venda. Tamén poderán reservarse en depósito por instancia do acreedor as demais consignacións dos ofertantes que o admitan e cubrirán o tipo da poxa, para efectos de que, se o primeiro adxudicatario non cumprise a obriga, poida aprobarse o remate a favor dos que lle sigan pola orde das súas respectivas ofertas. As

cantidades consignadas por estes devolveránselles unha vez cumprida a obriga polo adxudicatario. A consignada por este reservarase na forma e para os fins previstos no apartado anterior.

3. O executante poderá tomar parte na poxa e mellora-las ofertas que se fixeran, sen necesidade de consigna-lo depósito prevido no artigo anterior.

De non haber ofertantes na primeira poxa que terá lugar o 13 de xaneiro de 1998, ás 11 horas, sinálase para a segunda o día 20 de xaneiro de 1998, ás 11 horas, no mesmo lugar, para a que servirá de tipo o 75% da valoración, non admitíndose ofertas que non cubran as dúas terceiras partes do tipo.

Celebrarase terceira poxa, se é o caso, o día 27 de xaneiro de 1998, ás 11 horas, no mesmo lugar, sen suxeición a tipo.

Santiago de Compostela, tres de novembro de mil novecentos noventa e sete.

O maxistrado-xuíz

Rubricado