De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanse as liquidacións complementarias relativas ós contribuíntes e conceptos cos datos e último domicilio coñecido que se indican, e que foron dictadas polo Servicio de Xestión Tributaria en aplicación dos artigos 14.7º do Real decreto lexislativo 1/1993, do 24 de setembro, polo que se aproba o texto refundido da Lei do imposto de transmisións patrimoniais e actos xurídicos documentados, e 18 da Lei 29/1987, do 18 de decembro, do imposto sobre sucesións e doazóns. Para a comprobación dos valores utilizouse o regulado no artigo 52-1-D da Lei xeral tributaria.

Os prazos para efectua-lo ingreso da débeda contraída son os sinalados no artigo 20 do Regulamento de recadación aprobado polo Real decreto 1684/1990, do 20 de decembro, que establece que as débedas tributarias resultantes de liquidacións practicadas pola Administración deberán pagarse:

a) As notificadas entre os días 1 e 15 de cada mes, desde a data de notificación ata o día 5 do mes seguinte ou o inmediato hábil posterior.

b) As notificadas entre os días 16 e último de cada mes, desde a data de notificación ata o día 20 do mes seguinte ou o inmediato hábil posterior.

c) As débedas non satisfeitas no período voluntario faranse efectivas por vía de constrinximento.

Os recursos contra as liquidacións son:

-De reposición no prazo de quince días hábiles a partir do seguinte ó da publicación desta cédula, ante a Delegación da Consellería de Economía e Facenda (Ronda da Muralla 70-Lugo),

-Reclamación económico-administrativa no mesmo prazo ante o Tribunal Económico-Administrativo Rexional de Galicia.

No caso de ter presentado recurso de reposición, este prazo entenderase desde o día en que se notificarase, expresa ou tacitamente, a resolución do devandito recurso.

Así mesmo, no mesmo prazo poderase promove-la práctica da taxación pericial contradictoria, de conformidade co artigo 52 da Lei xeral tributaria.

Non se simultanearán a interposición do recurso de reposición e a reclamación económico-administrativa.

A interposición do recurso ou reclamación non suspende a obriga de efectua-lo ingreso no Tesouro do total do importe da liquidación.

Lugo, 7 de novembro de 1997.

Gonzalo Luis Vázquez Rivas

Delegado territorial de Lugo

8899