De conformidade co disposto no artigo 59.4º da Lei 30/1992, do 26 de novembro, de réxime xurídico das

administracións públicas e do procedemento administrativo común, notifícanse os acordos de comprobación de valores relativos ós contribuíntes e conceptos cos datos e último domicilio coñecido que se indican, e que foron dictadas polo Servicio de Xestión Tributaria en aplicación dos artigos 46.1º, do Real decreto lexislativo 1/1993, do 24 de setembro, polo que se aproba o texto refundido da Lei do imposto de transmisións patrimoniais e actos xurídicos documentados.

Contra estas valoracións poderase interpoñer recurso potestativo de reposición ante o Servicio de Xestión Tributaria, ou reclamación ante o Tribunal Económico-Administrativo Rexional de Galicia, unha e outra no prazo de quince días hábiles contados desde o seguinte a esta publicación, sen que podan simultanearse ámbolos dous recursos. Así mesmo, poderase solicitar ante o Servicio de Xestión Tributaria a práctica da taxación pericial contradictoria tamén no prazo de quince días hábiles computados da mesma forma.

No caso de interpoñer reclamación económico-administrativa, deberase comunicar a este servicio, para efectos de interrompe-lo procedemento administrativo de liquidación sobre o valor comprobado.

Lugo, 7 de novembro de 1997.

Gonzalo Luis Vázquez Rivas

Delegado territorial de Lugo

8900