Visto o expediente do convenio colectivo da empresa Frinova, S.A., que tivo entrada nesta delegación provincial o día 3-9-1997, subscrito en representación da parte económica por unha representación da empresa, e da parte social, polo comité de empresa en data 2-7-1997. De conformidade co disposto no artigo 90.2º y 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo desta delegación provincial, e a notificación ás representación, económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 15 de setembro de 1997.
Antonio Coello Bufill
Delegado provincial de Vigo
Convenio colectivo de Frinova, S.A. para 1997
Artigo 1º.-Ámbito territorial.
O presente convenio terá aplicación no centro de traballo de Frinova, S.A., sito no polígono industrial das Gándaras parcela número 9, O Porriño-Pontevedra.
Artigo 2º.-Ámbito persoal.
O presente convenio afecta a totalidade de Frinova, S.A., sito no polígono industrial das Gándaras, par
cela nº 9, O Porriño-Pontevedra, existente no momento da súa sinatura, así como ó que ingrese posteriormente na empresa.
Artigo 3º.-Vixencia.
O convenio entrará en vigor o 1 de xaneiro de 1997 e cun período de vixencia ata o 31 de decembro do mesmo ano, e será denunciado por escrito polo menos cun mes de antelación á data do seu vencemento; en caso contrario prorrogarase por períodos anuais sucesivos.
Artigo 4º.-Condicións máis beneficiosas.
Tódalas condicións económicas establecidas no presente convenio teñen carácter de mínimas e figurarán nas táboas salariais anexas.
Terán carácter de absorbibles aquelas melloras que durante a súa vixencia e por disposicións legais puidesen establecerse.
Agás o especificado nos artigos 22 e 23 do presente convenio quen viñese desfrutando dalgunha ou algunhas das condicións máis beneficiosas cás que aquí se establecen, deberá conservalas.
Artigo 5º.-Comisión paritaria.
Para a interpretación e vixilancia das condicións pactadas neste convenio, crearase unha comisión paritaria composta por tres membros de cada unha das partes, social e económica. A parte social estará composta por un presidente do comité e por un representante de cada central sindical con representación.
Cando para a resolución de calquera asunto non exista acordo, será a maxistratura de traballo competente a que decida.
Artigo 6º.-Clasificación do persoal atendendo á duración do contrato.
O persoal que presta os seus servicios no centro de traballo afectado polo convenio clasificarase, segundo a súa permanencia e de acordo co seu contrato, en fixo e eventual.
Artigo 7º.-Persoal fixo.
Terá carácter de fixo o persoal que se precisa con carácter continuo para as actividades da empresa e ocupa un posto de traballo permanente no seu cadro de persoal.
O persoal eventual de factoría e cámaras con categoría de mozo ou aprendiz que pase á situación de persoal fixo, ascenderá automaticamente á categoría de operario de 2ª; transcorrido un ano desde o seu paso á situación de fixo ascenderá á categoría de operario.
O persoal eventual do taller mecánico con categoría de aspirante que pase á situación de persoal fixo ascenderá automaticamente á categoría de oficial de 3ª; transcorrido un ano desde o seu paso á situación ascedenderá a oficial de 2ª.
Artigo 8º.-Persoal eventual.
É o que en situacións extraordinarias se contrata por tempo fixo e para un traballo temporal e determinado.
A duración do contrato estará en función da duración do traballo para o que foi contratado, observando sempre na súa contratación o disposto no Estatuto dos traballadores e no real decreto baixo o acollemento do cal fosen contratados e o seu contrato individual asinado e selado pola correspondente oficina de emprego, do que a súa copia básica será entregada puntualmente á representación dos traballadores.
Artigo 9º.-Clasificación do persoal atendendo ó grupo profesional.
O persoal ó servicio da empresa, incluído no ámbito de aplicación deste convenio, queda encadrado nalgún dos seguintes grupos profesionais:
I. Persoal técnico.
II. Persoal administrativo.
III. Persoal obreiro e actividades auxiliares.
Artigo 10º.-Definición de grupos profesionais.
I. Técnicos: clasifícanse neste grupo os que realizan traballos que esixan, con titulación ou sen ela, unha adecuada competencia ou práctica, exercendo funcións de tipo facultativo, técnico ou dirección especializada.
O dito grupo, pola súa vez, clasifícase nos seguintes subgrupos:
1. Técnicos con título superior.
2. Técnicos con título non superior.
3. Técnicos non titulados.
II. Administrativos: neste concepto quedan abranguidos os que realicen traballos de mecánica administrativa, contable e outros análogos non incluídos no grupo anterior.
III. Obreiros e actividades auxiliares: inclúe este grupo o persoal que exerce fundamentalmente traballos de índole material ou mecánico, e engloba o persoal de fabricación, cámaras e oficios varios, así como o persoal subalterno.
Artigo 11º.-Vacantes e postos de nova creación.
Na creación de novos postos de traballo ou na provisión de vacantes, cando se requiera personal de nuevo ingreso, la empresa terá en cuenta, en primer lugar o persoal de Frinova, S.A., en segundo lugar os fillos dos traballadores en activo, falecidos, xubilados ou pensionistas, concedéndolles o emprego, en calquera caso, se superan as probas de aptitude que correspondan. Para postos de certa responsabilidade que precise a empresa, será necesario que as súas condicións non sexan inferiores ás doutro candidato.
A empresa fará público a existencia de vacantes ou novos postos mediante nota para tal efecto no taboleiro de anuncios con 15 días de antelación á data prevista para cubrilos.
O comité participará co mesmo número de vocais cá empresa para o control da cualificación nas probas que fosen necesarias para a selección do persoal, se ben non exercerán veto sobre a decisión do empresario, limitándose a súa acción ó prescrito pola lexislación vixente.
Artigo 12º.-Horarios de traballo.
A xornada de traballo específicase nos horarios que se detallan a seguir, tendo en conta que só será esixible o traballo en período nocturno ós que están adscritos á referida quenda na actualidade, ós que no futuro se adscriban voluntariamente e a aqueles en que así conste no seu contrato.
Factoría
Quenda de mañá: de luns a venres de 6 a 14, con descanso de quince minutos por conta da empresa.
Quenda de tarde: de luns a venres de 14 a 22 horas, con descanso de quince minutos por conta da empresa.
Quenda de noite: de luns a venres de 22 a 6, con descanso de quince minutos por conta da empresa.
Técnicos e administrativos
Primeira quenda:
Inverno: de luns a venres, mañá de 8 a 14 e tarde de 15 a 17,05.
Verán: de luns a venres, de 8 a 14.30.
Segunda quenda:
De luns a venres, mañá de 9 a 13.30 e tarde de 14.45 a 18 todo o ano.
Terceira quenda:
De luns a venres, mañá de 8 a 14 e tarde de 15.30 a 17.15 todo o ano.
Almacéns
Primeira quenda:
De luns a venres de 6 a 14 e de 14 a 22 con descanso de 15 minutos por quenda por conta da empresa.
Segunda quenda:
De luns a venres, mañá de 8 a 14 e tarde de 15.30 a 17.15 todo o ano.
Cámaras
Quenda de mañá: de 8 a 16.
Quenda de tarde; de 16 a 24.
Quenda de noite: de 24 a 8.
Tódalas quendas descansarán 15 minutos por conta da empresa.
Artigo 13º.-Organización do traballo.
De acordo coas disposicións vixentes sobre convenios colectivos, é obxecto destes o incremento de
productividade nas empresas. Durante 1997, cando as circunstancias o aconsellen, a empresa poderá implanta-la sistema de remuneración por primas de producción, con carácter xeral, por seccións ou quendas de traballo, de acordo coas circunstancias e as posibilidades perseguidas, que poderá ser suspendido con carácter xeral, por seccións ou quendas de traballo, cando as circunstancias o aconsellen, logo de acordo co comité de empresa.
Artigo 14º.-Vacacións.
Todo o persoal afectado polo presente convenio incluídos traballadores eventuais con contratos para a formación, terá 30 días naturais de vacacións; estas aboaranse coa retribución do salario da táboa anexa e maila antigüidade.
O 24 e o 31 de decembro considéranse non laborables para todo o persoal.
Outórgase un día laborable, que se desfrutará nunha das pontes do ano pactados no calendario anual.
A forma de desfrute das vacacións para o persoal da sección industrial fixarase nun plan de quendas que elaborará a dirección co comité e que se publicará debidamente.
Se por dificultades imprevistas fose preciso efectuar un reaxuste de vacacións, estableceranse de mutuo acordo, de modo que se salven os inconvenientes que poidan afecta-lo normal desenvolvemento do programa da empresa.
En canto ás vacacións do persoal masculino que polo seu traballo debe cubrir postos de mantemento, sala de máquinas e resto do persoal, serán de forma rotativa, de tal xeito que ós que por sorteo lles corresponda unha das datas que elixan, ó ano seguinte corresponderánlle-las datas alternativas.
O persoal de oficinas desfrutará as vacacións de acordo cos seus xefes respectivos.
Persoal en xeral: do 15 de xuño ó 15 de setembro.
Períodos oficiais de vacacións para 1997:
Semana Santa: 24, 25 e 26 de marzo, todo o persoal.
Dúas quendas de vacacións no verán:
Primeira quenda: do 14 de xullo ó 10 de agosto, incorporándose o 11 de agosto.
Segunda quenda: do 28 de xullo ó 24 de agosto, incorporándose o 25 de agosto.
Ponte non laborable: 2 de maio, todo o persoal.
Dous días non laborables: 24 e 31 de decembro, todo o persoal.
Teranse en conta as normas fixadas no E.T. e demais vixentes á hora de fixa-los calendarios de vacacións por quendas.
Ó persoal que por necesidades da empresa non desfrute das súas vacacións nos períodos oficiais fixados, retribuiráselles un complemento de 20.000 ptas.
O persoal que no período oficial se encontrase en situación de I.T. poderá desfrutar das súas vacacións durante o resto do ano.
Artigo 15º.-Bolsa de vacacións.
Todo o persoal afectado polo presente convenio a excepción dos traballadores da sección industrial baixo contratos temporais, a empresa retribuirá unha bolsa de vacacións de 80.000 pesetas para o ano 1997, que se aboará o 31 de agosto.
Artigo 16º.-Traballo en cámaras.
A dirección da empresa coidará de que se distribúa o traballo de forma tal que non se prolonguen os períodos de estadía ininterrompida do persoal no interior das cámaras de conservación de productos conxelados por máis dunha hora, debendo permanecer fóra delas por igual período de tempo exercendo outra actividade.
O persoal que realice o seu traballo a temperaturas entre 0 e 10 graos centígrados cobrará un plus equivalente ó 10% do salario base.
O persol que traballe no interior das cámaras frigoríficas cobrará un plus equivalente ó 25% do salario base.
Artigo 17º.-Licencias retribuídas.
O persoal afectado polo presente convenio, con igual tratamento para matrimonios ca para parellas estables, terá dereito a solicitar licencias retribuídas nos casos seguintes:
A. Casamento: quince días naturais.
B. Parto da esposa: tres días naturais.
C. Enfermidade con internamento ou intervención cirúrxica, tamén con internamento do cónxuxe, pais, fillos: cinco días naturais. Pais políticos: tres días naturais. (Deben presentar certificado médico).
D. Falecemento do cónxuxe, pais, fillos: tres días retribuídos e dous sen retribuír, se residen na provincia de Pontevedra; catro días retribuídos e un día sen retribuír se é no resto de Galicia e cinco días retribuídos no resto de España.
E. Falecemento de irmáns políticos, avós políticos, tías, tíos, tías e tíos políticos e sobriños en primeiro grao: un día.
F. Falecemento de avós, netos, pais políticos e irmáns: dous días.
G. Por intervención cirúrxica, sen internamento ou recoñecemento médico de pais, cónxuxe e fillos: un día.
H. Por cambio de domicilio: un día.
I. Cando haxa que acudir a probas ou recoñecementos médicos en centros sanitarios, con xustificante médico: un día.
Nos casos en que se teña que acompañar ó cónxuxe e fillos a recoñecemento médico a calquera parte de Galicia, fóra da provincia de Pontevedra por
enfermidade; un día retribuído, a Madrid e outras cidades fóra da Comunidade Autónoma de Galicia: tres días, e cando esta saída fose fóra da Comunidade Autónoma de Galicia a consecuencia de intervención cirúrxica ou internamento: cinco días, acreditándose, en todo caso, con certificado médico.
Os casos non incluídos nos puntos anteriores serán estudiados pola dirección da empresa para resolvelos adecuadamente.
Para consultas médicas: catro horas para todo o persoal, sempre e cando acudan o resto da xornada á empresa se lles é posible, excepto para o persoal ó que polo seu afastamento lle é máis difícil, Moaña, Cangas e Domaio, que terán todo o tempo que lles dure a consulta, debidamente acreditado.
Artigo 18º.-Licencias non retribuídas.
Sobre licencias non retribuídas aplicarase o disposto polas leis respectivas.
Artigo 19º.-Excedencias.
Terá dereito á situación de excedencia todo o persoal afectado polo presente convenio, de acordo coas normas reguladas no Estatuto dos traballadores.
A empresa obrígase para o persoal do taller mecánico, factoría e cámaras oficios varios, así como sección industrial, á readmisión dos solicitantes, cando estes a cursasen, polo menos con dous meses de antelación, sempre e cando a excedencia sexa igual ou superior a un ano.
Artigo 20º.-Vestiario.
Polas circunstancias do traballo cumprirá que certo persoal utilice vestiario adecuado ó traballo que realiza.
En tal caso a empresa proverá o vestiario correspondente.
A definición de tal vestiario e a súa calidade, así como os prazos de entrega, serán consecuencia das disposicións vixentes, dos requirimentos especiais do traballo e do estudio técnico-sanitario deste así como do informe que en cada caso emita o comité de seguridade e hixiene.
O dito vestiario será de dous equipos anuais e un par de calzado. A aqueles que por necesidades do posto de traballo o necesiten, facilitaráselles un par adicional.
Ó persoal de mantemento facilitaránselle dúas fundas, dous traxes de frío e un par de botas, distribuídos segundo as súas necesidades.
Ó persoal de nova incorporación doraráselle do vestiario preciso unha vez superado o período de proba.
Inclúese unha peza de abrigo, consistente nun xersei, que se disrtibuirá a principios da temporada de inverno, para todo o persoal da sección industrial
e actividades relacionadas con ela, que deberá ser usado por debaixo do uniforme.
O vestiario distribuirase antes do 31 de maio.
Artigo 21º.-Salarios.
A partir do 1 de xaneiro de 1997, rexerán para tódolos efectos os salarios que figuran na táboa anexa e que supuxeron un incremento salarial do 2,29% máis 2.000 pesetas cada unha das 16 pagas, incrementado o plus de convenio. O incremento porcentual, é dicir, o 2,29%, aplicaráselle a tódolos conceptos salariais, excepto bolsa de vacacións, fondo social e seguro de accidentes.
Artigo 22º.-Traballos penosos, insalubres, perigos e nocivos.
A todo o persoal que polas súas condicións de traballo se lle recoñeza actualmente unha prima polos ditos traballos, seguiráselle recoñecendo este dereito na contía que figura na táboa salarial anexa. Os ditos traballos pagaranse proporcionalmente ó tempo traballado.
As primas por serra, primas porcionadora, primas producción, primas maquinista caprichos e as primas de rebozado incrementaranse a 60 ptas./hora.
Artigo 23º.-Plus de tarde.
Incrementarase o plus de tarde na mesma porcentaxe cós salarios.
Artigo 24º.-Plus de noite.
O persoal que traballe na dita quenda recibirá unha prima do 25% sobre o salario base, por día traballado.
Artigo 25º.-Antigüidade.
Tódolos traballadores afectados por este convenio desfrutarán de trienios do 6% sobre salario base, tendo como mínimo por este concepto o salario mínimo interprofesional.
A dita antigüidade contarase a partir do 1 de xaneiro do ano en que se cumpre o trienio.
Artigo 26º.-Horas extras.
Durante a vixencia deste convenio aboaranse as horas extras incrementándoas nun 2,29% o valor que tiña o 31 de decembro de 1996.
As horas extras que se efectúan a partir das 22 horas, serán aboadas como segundas horas.
A empresa facilitaralle ó comité mensualmente un resumo co número de horas extras realizadas por escala e a súa retribución.
Artigo 27º.-Pagas extraordinarias.
Todo o persoal afectado por este convenio, incluídos os traballadores baixo contratos para a formación, desfrutará de catro pagas extraordinarias aboadas a razón dunha mensualidade mailos complementos salariais que correspondan, como se vén facendo ata a data.
As ditas pagas corresponden a:
A. O día 15 de marzo. O período de devengo é do 1 de xaneiro ó 31 de decembro do ano en que se paga.
B. O día 15 de xullo. O período de devengo é do 1 de xaneiro ó 30 de xuño do ano en que se paga.
C. O día 15 de outubro. O período de devengo é do 1 de outubro do ano anterior ó da paga ata o 30 de setembro do ano en que se paga.
D. O día 15 de decembro. O período de devengo é do 1 de xullo ó 31 de decembro do ano en que se paga.
As ditas pagas faranse efectivas o día laboral inmediatamente anterior á data sinalada neste articulado.
As pagas correspondentes ós días 15 de xullo e 15 de decembro serán aboadas por semestres.
A paga correspondente ó 15 de marzo para o persoal que ingrese durante o ano farase efectiva o día 31 de decembro, aboándose en parte proporcional. A paga correspondente ó 15 de outubro seguirase devengando de acordo coa normativa da empresa, de considerala como paga de asistencia ó traballo, e proporcionalmente ó tempo traballado, tendo tal consideración a situación de incapacidade temporal derivada de accidente laboral, maternidade, ou cando se produza a consecuencia de intervención cirúrxica.
Artigo 28º.-Plus de distancia.
Todo o persoal afectado por este convenio percibirá en concepto de plus de distancia a cantidade que figura na táboa anexa.
Artigo 29º.-Plus de asistencia.
Así mesmo, todo o persoal, como premio por asistencia ó traballo, percibirá a cantidade que figura na táboa anexa.
Artigo 30º.-Axudas de custo.
Cando por necesidades da actividade da empresa se considere precisa a continuidade da xornada laboral habitual de traballo en máis de 4 horas, a empresa facilitará unha axuda de custo de comida de 1.700 ptas. Deberá entón partirse a xornada laboral considerándose un tempo entre 30 e 60 minutos segundo as circunstancias, para poder realiza-la dita comida. Se esta continuidade da xornada laboral corresponde á segunda quenda de traballo, aplicarase cando se realicen máis de dúas horas extraordinarias despois da dita xornada, en concepto de cea.
O persoal que realice xornada partida cobrará unha axuda de custo de 1.700 ptas./día.
Os sábados que se precise realizar horas extras por máis de seis horas establecerase un descanso para comer de 30 a 60 minutos e aboarase a axuda de custo de comida cando se continúe por dúas ou máis horas.
Artigo 31º.-Accidentes.
Percibirase a totalidade do salario como se estivese traballando.
Artigo 32º.-Anticipos.
Para casos de necesidade de acordo entre o comité e a dirección da empresa, adiantarase un máximo de dúas mensualidades, deducíndose en partes iguais nas catro pagas extras seguintes.
A empresa fixa un tope de 2.000.000 de ptas. para a montante total de anticipos concedidos e non recuperados. Isto quere dicir que non se concederán novos anticipos mentres non se lle reembolsase á empresa a cantidade necesaria para a concesión solicitada, debendo espera-lo traballador a que se dispoña destes fondos para desfrutar do anticipo solicitado.
Artigo 33º.-Traslados ó Porriño.
A empresa aboará os desprazamentos de Frinova ó Porriño e viceversa para saídas xustificadas e necesarias. En caso de urxencia a empresa aboará taxis, ambulancias ó que fose necesario, desde a factoría ó centro médico.
Artigo 34º.-Fondo social.
A empresa destinará 3.587.500 ptas. para o ano de vixencia do convenio ó fondo social, que será distribuído polo comité de empresa para bolsas de estudio e outros fins sociais. A dita cantidade, acumulada ós restos que puidesen quedar do ano anterior, será distribuída durante o presente ano entre todo o persoal afectado polo presente convenio.
Artigo 35º.-Xubilación.
Queda establecida a xubilación, con carácter obrigatorio, ós 65 anos para todo o persoal da empresa, sempre que reúna os requisitos necesarios para ter dereito á pensión de xubilación do sistema de Seguridade Social español. Non obstante, a comisión paritaria do convenio realizará os trámites precisos ó obxecto de xestionar perante a Administración a posibilidade de xubilar anticipada e voluntariamente, co 100% do seu salario de cotización a tódolos traballadores maiores de 60 anos. Se a empresa decidise cubrir esas baixas, terá en conta o disposto no artigo 11º.
Artigo 36º.-Premio de xubilación.
Ó se produci-la xubilación, no mínimo que dispón a lei, e que leve máis de 20 anos na empresa, esta concederalle un premio de 2 mensualidades. Se a dita xubilación se anticipa ó mencionado mínimo, gratificáraselle con 15 días por ano de anticipación.
Artigo 37º.-Seguro de accidentes.
Con independencia das indemnizacións obrigatorias da Seguridade Social, mediante a concertación de póliza de cobertura cunha entidade aseguradora, a empresa garantirá ós seus traballadores ou, se é
o caso, ós seus herdeiros, e nos supostos que se especifican, as seguintes indemnizacións:
1.1. Por accidente non laboral
1.1.1. Morte do traballador.
Os herdeiros do traballador, ou non seu defecto a persoa que el mesmo designase, percibirán a cantidade de 7.244.869 ptas.
1.1.2. Invalidez permanente total ou invalidez absoluta do traballador e gran invalidez.
O traballador percibirá a cantidade de 7.244.869 ptas. para os primeiros casos, 14.489.739 ptas. para os segundos e 28.979.479 ptas. para os terceiros.
1.2. Por accidente laboral
1.2.1. Morte do traballador.
Os herdeiros do traballador, ou en su defecto, a persoa que el mesmo designase, percibirán a cantidade de 7.244.869 ptas.
1.2.2. Invalidez permanente total, invalidez permanente absoluta e gran invalidez.
O traballador percibirá a cantidade de 7.244.869 ptas. para os primeiros casos, 14.489.739 ptas. para os segundos e 28.979.479 ptas. para os terceiros.
Entenderase por invalidez permanente total a incapacidade que inhabilite ó traballador de modo permanente, para realizar todas ou as fundamentais tarefas da súa profesión habitual, aínda que poida dedicarse a outra distinta.
Entenderase por invalidez permanente absoluta, a incapacidade que inhabilite ó traballador de modo permanente para toda profesión ou oficio.
Entenderase por gran invalidez a situación do traballador para efectos de incapacidade permanente absoluta e que por consecuencia de perdas anatómicas ou funcionais, necesite a asistencia doutra persoa para realiza-los actos máis esenciais da vida, como vestirse, desprazarse, comer ou análogos.
As condicións quedan establecidas na póliza de seguros e a súa copia oficial entregaráselle ó comité de empresa.
Artigo 38º.-Garantías dos representantes dos traballadores.
A empresa garantirá tódolos dereitos dos representantes legais dos traballadores recoñecidos no Estatuto dos traballadores, texto refundido (Real decreto lei 1/1995, do 24 de marzo).
Non serán contabilizadas no cómputo de horas sindicais as destinadas a reunións coa empresa.
O crédito horario poderase acumular nun ou varios traballadores trimestralmente, logo de aviso e negociación coa empresa.
O crédito horario non se computará para efectos de cálculo do índice de absentismo.
Artigo 39º.-Mobilidade funcional dentro da empresa Frinova, S.A.
1. Cada traballador quedará encadrado dentro dun grupo profesional.
2. A prestación debida por cada traballador quedará delimitada polo seu grupo profesional e, se é o caso, polos grupos profesionais equivalentes.
3. A mobilidade funcional recóllese dentro do grupo profesional sen mingua da dignidade do traballador e sen prexuízo da súa formación e promoción. Pode darse excepcionalmente mobilidade funcional con outro grupo profesional equivalente, de acordo coa formación e experiencia profesional do traballador, logo de acordo do comité de empresa para valorar que as causas que o producen son o suficientemente xustificables.
Artigo 40º.-Formación do persoal.
A empresa concédelle prioridade de elección de horario e quenda entre os traballadores da súa categoría para os que compatibilicen estudios regrados, conforme o que se expresa nos artigos 22, 23, 24 e 25 do Estatuto dos traballadores.
Artigo 41º.-Regulamento de réxime interno.
Segundo o acordo entre empresa e comité do 19 de febreiro de 1991, aquela comprométese a elaborar un proxecto de regulamento de réxime interno que lle entregará ó comité para o seu estudio, co fin de chegar a un documento final consensuado, que se lle presentará á asemblea dos traballadores que conterá tódolos detalles posibles relativos a organización do traballo, responsabilidades, categorías, faltas, sancións e todo o que poida resultar de común interese para as relacións entre o traballador e a empresa. Este documento revisaríase anualmente.
Artigo 42º.-Transporte.
Todo o persoal ten dereito a desfrutar dos servicios de autobús nos percorridos e condicións actuais.
Artigo 43º.-Complemento por IT.
Todo traballador que estea en situación de IT, calquera que sexa a súa causa, con efectos a partir do 1 de xaneiro e ata o 30 de xuño de 1997, percibirá da empresa un complemento ata o 100% das súas retribucións, como se estivese traballando.
No mes de xaneiro de 1998, avaliarase conxuntamente entre a dirección da empresa e o comité de empresa, a evolución do absentismo habido no segundo semestre de 1997, para determina-la aplicación deste artigo no primeiro semestre de 1998, tomando como punto de referencia que o absentismo habido no dito segundo semestre de 1997 non supere o 11,74% a escala I e o 8% nas demais escalas definidas:
Escala I: operarios.
Escala II: carreteiros factoría/almacén e cámaras Frinova.
Escala III: mantemento propio Frinova.
Escala VIII: xefes de producción e encargados.
Escala X: estructura.
Cláusula adicional
O presente convenio está subscrito pola comisión negociadora formada por parte da empresa por Fernando Ilarri, director de Persoal e Recursos Humanos do Grupo Pescanova, Santiago Gómara Millán, director xerente, Mª Carmen Carpio Pimentel, xefe dos servicios administrativos e Alberto Durán Iglesias, xefe de Persoal de Frinova, S.A.
Por parte do comité de empresa:
Dolores Fernández Lorenzo e Carlos Lago Rodal, de Comisións Obreiras (CC.OO.), Teresa Areal Carballido e Amalia Abalo Carrera, de Unión Xeral de Traballadores (UGT); José Ramón Pereira e Mª Dolores López Iglesias de Confederación Intersindical Galega (CIG) e Javier Portela Alonso e José Benito Alonso González como independentes.
Subscriben o presente convenio os abaixos asinantes, como integrantes da comisión negociadora.
Polo comité:Pola empresa
Táboa salarial 1997 de Frinova, S.A.
Salario base Plus de asistencia Plus convenio Plus de distancia Traballos especiais Plus de tarde Locomoción Total bruto mes Total bruto ano
Titulados Grao superior e asimilados 90.315 7.766 163.652 11428 30.187 303.348 4.701.756 Grao medio e asimiliados 67.954 5.833 102.525 7.711 30.187 214.210 3.283.280 Titulados universitarios en prácticas 67.954 2.268 13.412 8.975 92.609 1.472.672
Administrativos Xefe de primeira 81.863 6.592 149.996 11.427 30.187 280.065 4.333.924 Oficial de primeira 67.954 6.745 67.642 8.975 151.316 2.394.076 Oficial de segunda 67.954 6.745 61.135 8.975 144.809 2.289.964 Secretaria 67.954 5.833 41.673 8.964 124.424 1.967.452 Auxiliar de primeira 67.954 6.288 28.725 9.143 112.110 1.768.608 Auxiliar de segunda 67.954 5.833 20.421 9.107 103.315 1.629.708 Telefonistas 67.954 12.865 80.819 1.293.104 Aspirantes/becarios 67.954 13.412 81.366 1.301.856
Taller mecánico Xefe de equipo 67.954 6.719 76.987 9.824 2.971 2.780 167.235 2.637.764 Oficial de primeira mecánico 67.954 6.719 67.505 9.824 2.971 2.780 157.753 2.486.052 Oficial de segunda mecánico 67.954 6.719 55.104 9.824 139.601 2.206.740 Oficial de terceira mecánico 67.954 20.165 9.824 2.971 100.914 1.614.624 Aspirante mecánico 67.954 12.866 2.626 83.446 1.335.136 Oficial de primeira electricista 67.954 6.719 76.987 9.824 2.971 2.780 167.235 2.637.764 Oficial de segunda electricista 67.954 6.719 50.050 9.824 2.971 2.780 140.298 2.206.772 Oficial de terceira electricista 67.954 20.165 9.824 2.971 100.914 1.614.624 Aspirante electricista 67.954 12.866 2.626 83.446 1.335.136 Oficial 2ª oficios varios 67.954 6.719 55.104 9.824 139.601 2.206.740 Frigorista 67.954 6.719 54.717 16.939 2.971 149.300 2.361.924 Axudante frigorista 67.954 12.866 2.626 83.448 1.335.136
Factoría Xefes de producción 90.315 7.657 133.608 12.222 30.187 273.989 4.232.448 Encargados 67.954 8.215 53.766 10.634 3.459 2.780 146.808 2.304.948 Especialistas/carreteiros 67.954 6.719 23.237 9.824 16.988 2.780 127.502 2.002.036 Operarios/as 67.954 7.023 28.132 11.288 2.971 2.780 120.148 1.883.156 Operario de segunda 67.954 18.535 7.245 2.971 2.780 99.485 1.580.640 Mozo 67.954 13.312 81.266 1.300.258 Aprendiz 67.954 12.865 80.819 1.293.104
Camaras e almacéns Xefe de primeira 81.863 6.592 149.996 11.427 30.187 280.065 4.333.924 Oficial de primeira 67.954 6.745 67.642 8.975 151.316 2.394.076 Oficial de segunda 67.954 6.745 61.135 8.975 144.809 2.289.964 Especialistas/carreteiros 67.954 6.719 23.237 9.824 16.988 2.780 127.502 2.002.036 Operarios 67.954 7.023 28.132 11.288 6.795 2.780 123.972 1.944.340 Operarios de segunda 67.954 18.535 7.245 6.795 2.780 103.309 1.641.824 Mozos 67.954 13.312 6.795 88.061 1.408.976
Salario base Plus de asistencia Plus convenio Plus de distancia Traballos especiais Plus de tarde Locomoción Total bruto mes Total bruto ano
Proceso de datos Programador 67.954 5.833 73.790 7.711 30.187 185.475 2.823.520 Operador 67.954 5.833 67.286 7.711 30.187 178.971 2.719.456
Oficina técnica Oficial técnico 67.954 6.745 65.571 8.975 149.245 2.360.940 Auxiliar de almacén 67.954 15.305 83.259 1.332.144
Novos productos Axudante de laboratorio 67.954 5.833 47.658 8.975 2.971 2.780 136.171 2.144.284 Operario 67.954 7.023 28.132 11.288 2.971 2.780 120.148 1.883.156 Operario de segunda 67.954 18.536 7.245 2.971 2.780 99.485 1.580.640 Cociñeiro 67.954 5.833 45.023 8.975 2.971 130.756 2.068.764
8532
