O Decreto 90/1997, do 10 de abril, no seu artigo 18.6º, dispón que as zonas de recadación manterán aberta a oficina, como mínimo no horario que oficialmente lle fixe a Dirección Xeral de Tributos.
Pola súa banda, a Orde do 8 de outubro de 1997, pola que se desenvolven determinados artigos do citado decreto, dispón que a notificación da providencia de constrinximento-documentos de ingreso, e as dilixencias de embargo se realizarán utilizando os documentos establecidos pola Dirección Xeral de Tributos.
Na súa virtude,
DISPOÑO:
Primeiro.-Os modelos de notificación de providencia de constrinximento, de dilixencias de embargo de contas bancarias, e de dilixencias de embargo de crédito, soldos, salarios, pensións e outros serán os que figuran nos anexos I, II e III, respectivamente.
Segundo.-O modelo de ingreso en entidades colaboradoras (990), que se achegará á notificación da
providencia de constrinximento, será o que figura no anexo IV.
Terceiro.-O modelo de ingreso en zona de recadación, total ou parcial (991), será o que figura no anexo V.
Cuarto.-Os modelos de ingreso motivados por embargo efectivo (992), por embargo de contas abertas en entidades de depósito (993), por embargo de créditos, soldos, salarios e pensións (994), por alleamento de inmobles ou establecementos mercantís (995) e por outros embargos (996) serán os que figuran nos anexos VI, VII, VIII, IX e X, respectivamente.
Quinto.-En tódolos casos, os modelos terán que imprimirse en papel DIN A4 autocopiativo, sendo o exemplar para o interesado en cor branca, e os exemplares para o recadador ou a entidade financeira en cor azul.
Sexto.-O número de documentos que se vai consignar debaixo do código do modelo de ingreso terá que adaptarse necesariamente ás especificacións que se sinalen pola Dirección Xeral de Tributos.
Sétimo.-O horario de atención ó público por parte da zona de recadación será como mínimo de 9 horas a 14 horas.
Santiago de Compostela, 21 de outubro de 1997.
María Casais Mira
Directora xeral de Tributos
8261