A orde da Consellería de Educación e Ordenación Universitaria do 16 de decembro de 1996 (DOG do 30 de decembro) pola que se aproban as bases polas que se rexerán as convocatorias de bolsas e axudas correspondentes á promoción xeral do coñecemento prevé, no seu anexo III, a concesión de bolsas para persoal auxiliar de investigación (técnicos especialistas de FP-2).

Por resolución desta dirección xeral do 12 de xuño de 1997 (DOG do 24 de xuño), e de conformidade coa base 4 do anexo III.A da orde de convocatoria, fíxose pública a relación de centros habilitados para a incorporación de técnicos de FP-2 e abriuse o prazo para a presentación de solicitudes para o concurso para a selección de novos bolseiros.

De acordo co establecido no apartado segundo c) da dita resolución, do 5 ó 16 de setembro expuxéronse as listas de solicitudes admitidas e excluídas, podendo, durante ese mesmo período, os interesados, formular reclamacións para emendar erros e faltas de documentos.

Rematado este prazo e estudiadas as reclamacións presentadas, as solicitudes admitidas foron estudiadas pola Comisión de Selección de Política Científica creada por Decreto 160/1991, do 16 de maio (DOG do 28 de maio) e orde da Consellería de Educación e Ordenación Universitaria do 30 de xaneiro de 1997 (DOG do 13 de febreiro), conforme o establecido no punto B.6 das bases da convocatoria.

En consecuencia, atendendo a proposta elaborada pola dita comisión, esta dirección xeral,

RESOLVE:

Primeiro.-Concederlles bolsas ás persoas que se relacionan no anexo I á presente resolución, para colaborar nas actividades de investigación dos centros habilitados que figuran no anexo II da resolución desta dirección xeral do 12 de xuño de 1997 (DOG do 24 de xuño). Os beneficiarios aparecen ordenados por especialidades e en orde decrecente segundo a puntuación acadada.

Segundo.-Declarar desertas as prazas convocadas para as especialidades que a seguir se indican por non terse presentada ningunha solicitude para elas:

-Secretariado bilingüe e comercial: 2 prazas.

-Equipos de informática: 3 prazas.

-Pesca marítima: 1 praza.

Terceiro.-A contía destas bolsas será de 70.000 ptas. mensuais durante un período de 12 meses, contado a partir do 1 de novembro de 1997. Así mesmo, a Consellería de Educación e Ordenación Universitaria subscribirá un seguro de accidentes en beneficio dos bolseiros polo período de duración da bolsa.

Cuarto.-Os servicios da dirección xeral adoptarán as medidas necesarias para a adscrición dos bolseiros seleccionados ós centros habilitados, de acordo co procedemento establecido nos puntos A.5 e B.6 do anexo III da orde de convocatoria.

Quinto.-Para calquera incidencia durante o período de desfrute destas bolsas será de aplicación o disposto no punto l0.B do anexo III da orde do 16 de decembro de 1997. Para os efectos de posibles renuncias, de acordo coa proposta da comisión, esta dirección xeral procederá, se é o caso, en función dos créditos remanentes, a adxudicarlle-la dita axuda a outros candidatos da mesma especialidade tendo en conta os suplentes que se relacionan no anexo II. A asignación farase, dentro de cada especialidade, pola mesma orde na que se relacionan.

Sexto.-A inobservancia por parte dos beneficiarios de calquera das bases establecidas na orde de convocatoria, suporá a perda do dereito a percibi-la subvención correspondente.

Sétimo.-Contra a presente resolución poderán os interesados interpoñer recurso ordinario ante o conselleiro de Educación e Ordenación Universitaria no prazo dun mes contado a partir do día seguinte ó da data de publicación da presente resolución no DOG, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 24 de outubro de 1997.

José Manuel Touriñán López

Director xeral de Universidades e Investigación

ANEXO

ANEXO II

6664