De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselles ás persoas que no anexo se mencionan, que con esta data resolvín publica-lo acordo de iniciación do procedemento sancionador por infracción da Lei 7/1992, do 24 de xullo, de pesca fluvial de Galicia (DOG nº 151, do 5 de agosto de 1992), por non ser posible a notificación a través do servicio de correos.

Noméase instructora deste procedemento a Paloma Quiroga López, funcionaria da delegación provincial, que poderá ser recusado en calquera momento do expediente, de concorre-los supostos legais.

Os interesados disporán dun prazo de quince días, contados a partir do seguinte ó da publicación desta notificación, para achegar, por escrito, cantas alegacións, documentos, informacións ou propostas de probas consideren convenientes en defensa dos seus dereitos.

Conforme o establecido no artigo 13.2 do Regulamento de procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pagamento voluntario poralle fin ó expediente. Para efectualo deberá emprega-los impresos normalizados que lle serán facilitados na Delegación Provincial de Lugo, Ronda da Muralla, 197.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobada polo Real decreto 1398/1993, do 4 de agosto (BOE nº 189, do 9 de agosto de 1993).

Lugo, 1 de setembro de 1997.

José Ramón Molinero Senovilla

Delegado provincial de Lugo

ANEXO

-Expediente nº: P-126/97.

Denunciado: Salvador Platas Ferreiro (DNI 33.849.290).

Último enderezo coñecido: Casas Sindicais, 17-baixo.

Feitos imputados: pescar sendo titular dunha licencia válida de pesca, sen levala consigo en tramo acoutado carecendo de permiso regulamentario empregando cebo de uso non permitido (miñoca), o día 6-5-1997, no río Ladra-tramo acoutado pesca sen morte, Pacios-Begonte.

Precepto sancionador: 33.1, 34.10 e 34.14 da Lei 7/1992.

Cualificación da infracción: menos grave.

Sanción: 65.000 pesetas de multa. Inhabilitación para obte-la licencia de pesca durante un ano.

-Expediente nº: P-145/97.

Denunciado: Rafael Queipo Díaz (DNI 76.567.640).

Último enderezo coñecido: S. Miguel, 13-Ribadeo-Lugo.

Feitos imputados: non respecta-las limitacións de tamaño, infrinxindo o disposto na orde de vedas 17-2-1997 (DOG do 26-2-1997) fixada pola Consellería de Agricultura, Gandería e Montes ó ter capturado 10 troitas de tamaño inferior ó regulamentario, feitos constatados o día 16-5-1997, no río Veiga de Logares, Carballido-A Fonsagrada.

Precepto sancionador: 33.9 da Lei 7/1992.

Cualificación da infracción: leve.

Sanción: 10.000 pesetas de multa e 12.000 ptas. de indemnización por danos e perdas segundo a valoración do Servicio de Medio Ambiente Natural.

-Expediente nº: P-152/97.

Denunciado: Carlos José Pérez Mouriño.

Último enderezo coñecido: Av. de Madrid 33-35; 3º Esq.

Feitos imputados: pescar sen estar en posesión da preceptiva licencia, o día 26-5-1997 no río Ferreira-Portomarín.

Precepto sancionador: 34.1 da Lei 7/1992.

Cualificación da infracción: menos grave.

Sanción: 50.001 pesetas de multa. Inhabilitación para obte-la licencia de pesca durante un ano.

7107