O Concello de Ordes, en sesión celebrada o día 29 de maio de 1997, acorda cederlle gratuitamente
ó Servicio Galego de Saúde un terreo de 2.400 m, sito nese concello, para a construcción dun centro médico sanitario.
Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto. Por outra banda, o artigo 23.1º da mesma lei establece que non poderán adquirirse bens ou dereitos a título lucrativo cando o valor global dos gavames, cargas e afeccións impostas sobre estes supera o seu valor intrínseco. Non se considerarán carga, gravamen ou afeccción os investimentos que teña que realiza-la Comunidade Autónoma para da-lo destino de uso xeral ou servicio público da súa competencia que fixe o cedente.
En cumprimento do disposto na Lei 3/1985, do 12 de abril, do patrimonio da Comunidade Autónoma, por proposta do conselleiro de Sanidade e Servicios Sociais e presidente do Servicio Galego de Saúde e de conformidade coas condicións estipuladas no acordo do Pleno do Concello de Ordes do 29 de maio de 1997, e logo de deliberación do Consello da Xunta de Galicia na súa reunión do día vintecinco de agosto de mil novecentos noventa e sete,
DISPOÑO:
Artigo 1º
1. Acéptase a cesión a título gratuíto dun inmoble propiedade do Concello da Ordes, feita a favor do Servicio Galego de Saúde, para a construcción dun centro médico sanitario.
2. O inmoble cedido ten unha superficie de 2.400 m e está situado no concello de Ordes, sendo os seus lindes os seguintes:
-Ó norte: rúa letra A.
-Ó sur: rúa letra B.
-Ó leste: rúa letra C.
-Ó oeste: rúa letra A.
3. A parcela obxecto de cesión figura inscrita no Rexistro da Propiedade de Ordes a favor do Concello de Ordes por título de agrupación, no tomo 641, libro 156, folio 177, predio 18.256, inscrición primeira.
Artigo 2º
O inmoble cédese libre de cargas e destínase á construcción dun centro médico sanitario.
Artigo 3º
O Servicio Galego de Saúde, a través do seu órgano competente, procederá á formalización da aceptación no correspondente documento público, inscribíndose no Rexistro da Propiedade o seu nome e integrándose no seu patrimonio propio.
Disposición derradeira
O Servicio Galego de Saúde, a través do seu órgano competente, levará a cabo os trámites necesarios para a efectiviade de canto se dispón neste decreto.
Santiago de Compostela, vintecinco de agosto de mil novecentos noventa e sete.
Manuel Fraga Iribarne
Presidente
José María Hernández Cochón
Conselleiro de Sanidade e Servicios Sociais
6815