Examinados os expedientes instruídos por instancia dos titulares dos centros, solicitando autorización definitiva para a apertura e funcionamento dos centros privados de educación secundaria, Valle Inclán I de Ferrol, Ayala de Narón, Ntra. Sra. de la Asunción de Sarria, Guillelme Brown de Pereiro de Aguiar, Luis Vives de Ourense e San Blas Vista Alegre de Vigo.
Tendo en conta que os expedientes foron tramitados polas delegacións provinciais da Consellería de Educación e Ordenación Universitaria, que se remiten cos informes da Unidade Técnica e Inspección Educativa.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real
decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG 15 de decembro) que o desenvolve.
Considerando que concorren nos expedientes os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autoriza-la apertura e funcionamento dos centros de educación secundaria e, como consecuencia disto, establece-la configuración definitiva do centro existente no mesmo edificio ou recinto escolar, segundo se especifica no anexo.
Segundo.-A presente autorización surtirá efectos progresivamente, a medida que se implanten as ensinanzas autorizadas conforme o calendario de aplicación da nova ordenación do sistema educativo, segundo os reais decretos 986/1991, do 14 de xuño e 1487/1994, do 1 de xullo.
Terceiro.-Antes do inicio das ensinanzas de educación secundaria obrigatoria que se autorizan, a Delegación Provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación de persoal que impartirá docencia nos ditos centros.
Cuarto.-Os centros de educación secundaria que pola presente orde se autorizan, deberán cumpri-la norma básica da edificación NBE-CPI/1996, de condicións de protección contra incendios nos edificios, aprobada por Real decreto 2177/1996, do 4 de outubro (BOE do 29). Todo isto sen prexuízo de que teñan que cumprirse outros requisitos esixidos pola normativa municipal ou autonómica.
Quinto.-Quedan os centros obrigados ó cumprimento da lexislación vixente e a solicita-la oportuna revisión cando teña que modificarse calquera dos datos que sinala a presente orde.
Santiago de Compostela, 30 de xullo de 1997.
Celso Currás Fernández
Conselleiro de Educación e Ordenación Universitaria
ANEXO
Provincia: A Coruña.
Municipio: Ferrol.
Localidade: Ferrol.
Enderezo: estrada de Xoane, 170-172.
Denominación específica: Valle Inclán I.
Titular: Colegio Valle Inclán I, Sociedad Limitada.
Composición resultante:
a) Centro de educación infantil: 3 unidades.
b) Centro de educación primaria: 8 unidades.
c) Centro de educación secundaria: 8 unidades de educación secundaria obrigatoria.
Provincia: A Coruña.
Municipio: Narón.
Localidade: A Solana.
Enderezo: Cristóbal Colón, 71.
Denominación específica: Ayala.
Titular: Academia Ayala Sociedad Cooperativa Limitada.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
d) Centro de educación especial: 1 unidade.
e) Centro de educación de adultos: 1 unidad (nas condicións establecidas na Orde do 13 de xullo de 1978-BOE do 26 de agosto).
Provincia: Lugo.
Municipio: Sarria.
Localidade: Sarria.
Enderezo: Avda. de la Asunción.
Denominación específica: Nuestra Señora de la Asunción.
Titular: Religiosas de la Asunción de España.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
Provincia: Ourense.
Municipio: Pereiro de Aguiar.
Localidade: Castadon.
Enderezo: A Merteira-Pereiro de Aguiar.
Denominación específica: Guillelme Brown.
Titular: Sociedad Cooperativa Limitada Guillelme Brown.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
Provincia: Ourense.
Municipio: Ourense.
Localidade: Ourense.
Enderezo: Avda. de Portugal, 210.
Denominación específica: Luis Vives.
Titular: Luis Vives-Ourense, Sociedad Cooperativa Limitada.
Composición resultante:
a) Centro de educación infantil: 6 unidades.
b) Centro de educación primaria: 12 unidades.
c) Centro de educación secundaria: 12 unidades de educación secundaria obrigatoria.
d) Centro de educación especial: 1 unidade.
Provincia: Pontevedra.
Municipio: Vigo.
Localidade: Vigo.
Enderezo: Avda. da Ponte, 26-28.
Denominación específica: San Blas Vista Alegre.
Titular: Mercedes Estévez.
Composición resultante:
a) Centro de educación infantil: 3 unidades.
b) Centro de educación primaria: 9 unidades.
c) Centro de educación secundaria: 6 unidades de educación secundaria obrigatoria.
6795
