Rematado o proceso de selección para o nomeamento de recadadores de zona, e vista a proposta elevada pola comisión creada para o efecto pola Orde do 27 de xuño do presente ano (DOG nº 126, do 2 de xullo), procede, en virtude do previsto na disposición adicional e no artigo 4 do Decreto 90/1997,
do 10 de abril, polo que se establece a organización recadatoria da Xunta de Galicia e o Estatuto dos recadadores de zona, nomea-los seleccionados. Por isto,
DISPOÑO:
Artigo 1º
Noméanse recadadores de zona, como titulares de cada unha das cinco zonas de recadación existentes, a:
Apelidos e nomeZona
Gimaraens Benedetti, FernandoOurense
Luna Sánchez Álamo, PedroPontevedra
Sánchez García, Francisco JavierVigo
Vázquez Fermoso, RobertoLugo
Villalva Montero, NazarioA Coruña
Artigo 2º
A toma de posesión efectuarase no prazo dun mes, contado a partir do día seguinte ó da publicación desta orde no Diario Oficial de Galicia.
Artigo 3º
No prazo citado no artigo anterior deberá de constituírse a fianza a que se refire o artigo 34 e seguintes do Decreto 90/97, perante a Caixa Xeral de Depósitos dos servicios centrais da Consellería de Economía e Facenda, á disposición da Dirección Xeral de Tributos. A dita fianza poderá prestarse en metálico ou aval solidario de banco ou caixa de aforros. O importe dela será o fixado na disposición transitoria do citado decreto.
Artigo 4º
Antes da toma de posesión, os funcionarios nomeados recadadores da Comunidade Autónoma de Galicia que se atopen noutra situación administrativa, terán que solicitar e obte-la de excedencia voluntaria por interese particular e presenta-lo documento acreditativo perante a Dirección Xeral de Tributos.
Artigo 5º
Se, solicitada a mencionada situación administrativa perante a autoridade correspondente, non se puidese obter antes de remata-lo prazo previsto para a toma de posesión e estas circunstancias quedasen suficiente acreditadas, o prazo sinalado nos artigos precedentes para a toma de posesión e constitución de fianza ampliarase ata que tal situación administrativa de excedencia voluntaria estea concedida.
Artigo 6º
Previamente á toma de posesión, en función do establecido no artigo 15 do decreto citado, os recadadores nomeados efectuarán a oportuna declaración de incompatibilidades.
Santiago de Compostela, 30 de xullo de 1997.
José Antonio Orza Fernández
Conselleiro de Economía e Facenda
6090