Por Orde do 21 de marzo de 1997 (DOG do 2 de maio) convócanse axudas para subvenciona-las actividades desenvolvidas ou que tivesen previsto desenvolver, durante o ano 1997, as escolas de música privadas dependentes de institucións sen ánimo de lucro, da Comunidade Autónoma de Galicia.

A comisión constituída segundo establece o punto sétimo da orde de convocatoria, encargada de valora-las solicitudes presentadas, acordou propoñer resolución provisional de adxudicación.

Cumprido o procedemento que sinala o punto oitavo da orde de convocatoria, para que os solicitantes puideran alega-lo que estimasen conveniente no seu dereito e, valoradas as alegacións presentadas, esta consellería,

DISPÓN:

Primeiro.-Elevar a definitiva a proposta provisional e adxudicar axudas, nas contías que se sinalan, ás escolas de música solicitantes que se relacionan no anexo I a esta orde.

Segundo.-Desestima-las solicitudes de axuda das escolas que se relacionan no anexo II a esta orde, por non cumpriren algún dos requisitos establecidos nos puntos primeiro e segundo da orde de convocatoria.

Terceiro.-Para faceren efectivo o pagamento das axudas, os beneficiarios presentarán na Dirección Xeral de Centros e Inspección Educativa da Consellería de Educación e Ordenación Universitaria, antes do 30 de agosto de 1997, a xustificación completa dos gastos realizados.

3.1 De acordo co disposto no apartado décimo da orde de convocatoria, esta xustificación de gastos

presentarase en dúas partes: o 70% correspondente a gastos realizados con anterioridade ó 30 de abril de 1997 e o 30 % restante, correspondente a gastos realizados ata o 15 de xullo de 1997.

Santiago de Compostela, 14 de xullo de 1997.

Celso Currás Fernández

Conselleiro de Educación e Ordenación

Universitaria

ANEXO I

ANEXO II

4800