A Orde do 31 de xaneiro de 1997 (DOG do 27 de febreiro), pola que se convocan e aproban as bases que rexerán as convocatorias de bolsas e axudas de apoio á formación e actualización do profesorado universitario prevé, respectivamente, nos seus anexos I e II, a concesión de bolsas para actualización do profesorado respecto da materia que imparte e de axudas para a formación de profesores en novas titulacións.

Na súa virtude, de acordo co establecido nas bases da convocatoria e atendendo á proposta elaborada pola Comisión de Selección de Política Científica creada polo Decreto 160/1991, do 16 de maio (DOG do 28 de maio) e orde da Consellería de Educación e Ordenación Universitaria do 30 de xaneiro de 1997 (DOG do 13 de febreiro), esta dirección xeral,

RESOLVE:

Primeiro.-Concederlles unha bolsa para actualización do profesorado respecto da materia que imparten ás persoas que se relacionan no anexo á presente resolución, para realizar unha estadía no centro que se sinala, durante o período que se especifica e na contía que se indica en cada caso.

Segundo.-Declarar deserto o concurso correspondente á concesión de axudas para a formación de profesores en novas titulacións, por non axustarse as solicitudes recibidas ós requisitos esixidos nas bases da convocatoria e ter decaído os interesados

no seu dereito ó transcorre-los prazos legais para emenda-las súas solicitudes.

Terceiro.-Os pagamentos das bolsas ás que se refire o apartado primeiro faranse de acordo co establecido nas respectivas bases da convocatoria (punto I.3).

Cuarto.-A inobservancia por parte dos beneficiarios de calquera das bases establecidas na orde de convocatoria do 31 de xaneiro de 1997, suporá a perda do dereito a percibi-la subvención correspondente.

Quinto.-Contra a presente resolución os interesados poderán interpoñer recurso ordinario perante

o conselleiro de Educación e Ordenación Universitaria no prazo dun mes contado a partir do día seguinte ó da publicación da presente resolución no DOG, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 23 de xuño de 1997.

José Manuel Touriñán López

Director xeral de Universidades e Investigación

ANEXO

5180