O Consello da Xunta de Galicia acordou na súa reunión con data do 5 de xuño de 1997 e por proposta da Consellería de Industria e Comercio, declara-los proxectos dos parques eólicos de Coriscada, promovido por Gamesa e Paxareiras I e Paxareiras II a, promovidos por Eurovento, S.L. Unipersonal, como de incidencia supramunicipal, para os efectos previstos na Lei 10/1995, do 23 de novembro, de ordenación do territorio de Galicia.
Polo tanto, en cumprimento do disposto no artigo 25.3º da dita lei, a teor do cal os plans ou proxectos que o Consello da Xunta de Galicia declare como de incidencia supramunicipal se someterán por un prazo mínimo dun mes ós trámites de información pública mediante o correspondente anuncio no Diario Oficial de Galicia, e de audiencia ás entidades locais sobre as que incida o plan ou proxecto,
RESOLVO:
Someter á información pública os proxectos sectoriais:
-Parque eólico Coriscada.
-Parque eólico Paxareiras I.
-Parque eólico Paxareiras II a.
De acordo co artigo 25.3 da Lei 10/1995, do 23 de novembro, de ordenación do territorio de Galicia, durante o prazo dun mes contado a partir da publicación desta resolución no Diario Oficial de Galicia, os interesados poderán examina-los ditos proxectos sectoriais de planos eólicos na Dirección Xeral de Industria e nas correspondentes delegacións provinciais, e presentar perante esta dirección xeral as alegacións que consideren pertinentes.
Santiago de Compostela, 10 de xuño de 1997.
Joaquín del Moral Crespo
Director xeral de Industria
4824