Coa finalidade de adxudicar lle destino provisional para o curso académico 1997/1998 ó profesorado sen destino definitivo dos corpos citados, convócase o presente concurso de acordo coas seguintes bases:
Primeira.
Convócase concurso, de acordo coas especificacións que se citan na presente resolución, para a provisión das necesidades de profesorado para o curso 1997/1998, nos centros que se relacionan nos anexos I, II, III e IV, entre o profesorado sen destino definitivo dos corpos de profesores de ensino secundario, profesores técnicos de formación profesional, profesores de escolas oficiais de idiomas, profesores de música e artes escénicas, profesores de artes plásticas e deseño e mestres de obradoiro de artes plásticas e deseño.
Segunda.
Estarán obrigados a participar no presente concurso, na súa especialidade:
a) O profesorado en situación de expectativa de destino, que se ordenará por anos de celebración do concurso-oposición, e dentro de cada concurso-oposición polo número de orde obtido nel.
Este profesorado relaciónase no anexo VII da Orde do 27 de maio de 1997 (DOG do 2 de xuño), pola que se resolve definitivamente o concurso de traslados convocado pola Orde do 21 de outubro de 1996 (DOG do 25).
b) Os opositores que superen o procedemento selectivo de acceso e ingreso ó corpo de profesores de ensino secundario, profesores técnicos de formación profesional, profesores de música e artes escénicas e profesores de escolas oficiais de idiomas convocados pola Orde do 28 de abril de 1992 pola orde obtida no procedemento selectivo.
c) Os opositores que superen o procedemento selectivo de acceso e ingreso ó corpo de profesores de ensino secundario e profesores técnicos de formación profesional convocados pola Orde do 19 de marzo de 1997, pola orde obtida no procedemento selectivo.
d) O profesorado interino, pola mesma orde que elixiron no curso académico 1996-1997.
e) O profesorado substituto, en función da orde de acceso á interinidade ou substitución.
Terceira.
Os profesores de ensino secundario poderán solicita-las seguintes prazas, de acordo coas especificacións que se conteñen nesta base:
a) As correspondentes ás especialidades das que sexan titulares, para os centros ou localidades, que figuran no anexo I da presente resolución e para as especialidades de:
Código Especialidade
001 Filosofía 002 Grego 003 Latín 004 Lingua castelá e literatura 005 Xeografía e historia 006 Matemáticas 007 Física e química 008 Bioloxía e xeoloxía 009 Debuxo 010 Francés 011 Inglés 012 Alemán 016 Música 017 Educación física 018 Psicoloxía e pedagoxía 019 Tecnoloxía 020 Ética 053 Lingua e Lit. galega 056 Informática BUP 059 Técn. Empres. e Act. turísticas 061 Estudios T.V. 062 Mant. Equip. audiovisuais 063 Equipos informáticos 064 Tecnoloxía fontanería 065 Economía 066 Tecnoloxía industrial 070 Ética e filosofía do dereito 072 Volume 073 Xeometría da arte 101 Administración de empresas 102 Análises e química industrial 103 Asesoría e procesos de imaxe persoal 104 Construccións civís e edificacións 105 Formación e orientación laboral 106 Hostelería e turismo 107 Informática 108 Intervención sociocomunitaria 109 Navegación e instalacións mariñas 110 Organización e xestión comercial 111 Organización e procesos de mantemento de vehículos 112 Organización e proxecto de fabricación mecánica 113 Organización e proxectos de sistemas enerxéticos 115 Procesos de producción agraria 117 Procesos de diagnósticos clínicos e productos ortoprotésicos 118 Procesos sanitarios 119 Procesos e medios de comunicación 120 Procesos e productos de téxtil, confección e pel 122 Procesos e productos en artes gráficas 123 Procesos e productos en madeira e moble 124 Sistemas electrónicos 125 Sistemas electrotécnicos e automáticos 803 Cultura clásica
b) O profesorado de clásicas poderá solicitar indistintamente as prazas de latín e grego, entendéndose incluída para estes participantes a cultura clásica.
Os profesores procedentes de extinguidas especialidades de formación profesional solicitarán as prazas das novas especialidades segundo a correspondencia establecida no anexo II d) do Real decreto 1635/1995, do 6 de outubro (BOE do 10), polo que se adscribe o profesorado dos corpos de profesores de ensino secundario e profesores técnicos de formación profesional ás especialidades propias da formación profesional específica.
Para estes efectos terase en conta que os titulados das especialidades antigas e os que teñan superado o procedemento selectivo por algunha das novas especialidades que a continuación se relacionan, poderán solicitar indistintamente prazas das especialidades que se citan:
Especialidade antiga Especialidades novas
-Procesos diagnósticos clínicos e productos ortoprotésicos.Tecn. administrativa e comercial -Administración de empresas. -Organización e xestión comercial.
Tecn. delineación -Construccións civís e edificacións. -Organización e proxectos de fabricación mecánica. -Organización e proxectos de sistemas enerxéticos.
Tecn. sanitaria -Procesos sanitarios.
c) O profesorado de modelado e baleirado poderá solicitar prazas de volume.
d) O profesorado de matemáticas poderá solicitar prazas de xeometría da arte.
e) Os profesores de ensino secundario poderán solicita-las prazas das escolas oficiais de idiomas e das escolas de artes aplicadas e oficios artísticos relacionadas nos anexos II e IV da presente resolución. Para tales efectos deberán incluír na súa petición os códigos destes centros, aínda no suposto de que optaran por efectua-la súa solicitude por localidades.
f) Os titulares da especialidade de tecnoloxía administrativa que posúan algunha das titulacións de licenciado en administración e dirección de empresas, licenciado en ciencias empresariais, licenciado en ciencias actuariais e financeiras, licenciado en ciencias económicas, licenciado en investigación e técnicas de mercado, diplomado en ciencias empresariais e diplomado en xestión e administración pública poderán solicitar prazas de economía.
g) As prazas de tecnoloxía industrial (do novo bacharelato tecnolóxico) poderán ser solicitadas polos titulares da especialidade de organización e procesos de mantemento de vehículos, organización e proxectos de fabricación mecánica (profesorado da antiga tecnoloxía de metal) e navegación e instalacións mariñas (máquinas).
Cuarta.
Os profesores do corpo de profesores técnicos de formación profesional poderán solicita-las seguintes prazas, de acordo coas especificacións que se conteñen nesta base:
a) Prazas correspondentes ás especialidades das que sexan titulares, para os centros ou localidades que figuran no anexo I, e para as especialidades de:
Código Especialidades
Práct. equipos informáticos 030 Práct. protésico dental 031 Práct. hixienista dental 032 Práct. cultivos mariños 033 Prácticas e actividades 034 Práct. empresas e actividades turísticas 037 Práct. diminuídos psíquicos 201 Cociña e pastelería 202 Equipos electrónicos 203 Estética 204 Fabricación e instalación de carpintería e moble 206 Instalacións electrotécnicas 208 Laboratorio 209 Mantemento de vehículos 210 Máquinas, servicios e producción 211 Mecanizado e mantemento de máquinas 212 Oficina de proxectos de construcción 213 Oficina de proxectos de fabricación mecánica 215 Operacións de procesos 216 Operacións de producción agraria 217 Patronaxe e confección 218 Perruquería 219 Procedementos de diagnóstico clínico e ortoprotésico 220 Procedementos sanitarios e asistenciais 221 Procesos comerciais 222 Procesos de xestión administrativa 223 Producción en artes gráficas 225 Servicios á comunidade 226 Servicios de restauración 227 Sistemas de aplicación informáticas 228 Soldadura 229 Técnicas e procedementos de imaxe e son
Os profesores procedentes de extinguidas especialidades do corpo de profesores técnicos de formación profesional solicitarán as prazas das novas especialidades segundo a correspondencia establecida no anexo IV.c) do Real decreto 1635/1995, do 6 de outubro (BOE do 10), polo que se adscribe o profesorado dos corpos de profesores de ensino secundario e profesores técnicos de formación profesional ás especialidades propias da formación profesional específica.
Para estes efectos terase en conta que os titulares das especialidades antigas que a continuación se relacionan e os que teñan superado o procedemento selectivo por algunha das novas especialidades poderán
solicitar indistintamente prazas das dúas especialidades que se citan:
Especialidade antiga Especialidade nova
Práct. administrativas e comerciais -Proc. de xestión administrat. -Proc. comerciais.
Prácticas de delineación -Oficina de prox. de construcción. -Oficina de prox. de fabricación mecánica.
Prácticas de química -Laboratorio. -Operacións de procesos.
Prácticas do metal -Mecanizado e mantemento de máquinas. -Soldadura.
Pract. perruquería e Est. -Estética -Perruquería
Prácticas sanitarias -Procedementos de diagnóstico clínico e ortoprotésico. (Non inclúe as prazas de protésico dental). -Procedementos sanitarios e asistenciais.
Quinta.
Os profesores de ensino secundario e profesores técnicos de formación profesional que soliciten localidades entenderase que solicitan tódolos centros da localidade, incluídos no anexo I, pola orde que se publican na presente resolución. Se piden a localidade con afíns, entenderase que solicitan con prioridade tódolos centros dela sen afíns e, posteriormente, con afíns. Se desexan solicitar centros doutros anexos deberán especifica-la petición co código do centro.
Sexta.
Os profesores de escolas oficiais de idiomas, de acordo coas especialidades de que sexan titulares, poderán solicita-las prazas dos centros que aparecen no anexo II e para as especialidades de:
Código Especialidade
001 Alemán 006 Español para estranxeiros 008 Francés 009 Galego 011 Inglés 012 Italiano 015 Portugués 017 Ruso
Sétima.
Os profesores de música e artes escénicas, de acordo coas especialidades das que sexan titulares, poderán
solicita-las prazas dos centros que aparecen no anexo III e para as especialidades de:
Código Especialidade
001 Acordeón 002 Harmonía e melodía acompañada 004 Canto 007 Clarinete 008 Composición e instrumentación 009 Conxunto coral e instrumental 010 Contrabaixo 011 Contrapunto e fuga 019 Estética e Hª de música, da cultura e da arte 021 Fagote 023 Frauta travesa 024 Frauta de bico 026 Guitarra 029 Hª de cultura e da arte 039 Música de cámara 042 Oboe 043 Órgano 045 Percusión 046 Piano 050 Repentización, transposición, instrumentación e acompañamento 052 Saxofón 053 Solfeo e teoría da música 055 Trombón 057 Trompa 058 Trompeta 059 Tuba 060 Viola 061 Violín 063 Violoncelo 064 Acompañamento 065 Clave 066 Pianista acompañante 088 Harpa
Oitava.
Os profesores de artes plásticas e deseño, de acordo coas especialidades das que sexan titulares, poderán solicita-las prazas dos centros que aparecen no anexo IV e para as seguintes especialidades:
Código Especialidades
006 Dereito usual e contabilidade 009 Debuxo artístico 010 Debuxo lineal 013 Hª da arte 016 Matemáticas 018 Modelado e baleirado 034 Técnicas de deseño gráfico 035 Técnicas gráficas industriais 037 Teoría e práctica do deseño 038 Proxecto e deseño interiores 039 Teoría da comunicación 040 Xemoloxía
Novena.
Os mestres de obradoiro de artes plásticas e deseño, de acordo coas especialidades das que sexan titulares,
poderán solicita-las prazas dos centros que aparecen no anexo IV e para as seguintes especialidades:
Código Especialidades
006 Cerámica artística 008 Decoración 012 Delineación 013 Debuxo publicitario 015 Deseño de figurinos 016 Dourado e policromía 021 Esmaltes 027 Fotografía artística 028 Fotografía e procesos reproducción 041 Metalistería artística 047 Ourivesaría 050 Química aplicada á cerámica 052 Repuxado en metal 058 Talla en madeira 060 Talla en pedra e madeira 063 Técnicas de xoiería 065 Baleirado e modelado 066 Proxecto e deseño de interiores 067 Obradoiro do moble 097 Serigrafía
Décima.
1. Os participantes deberán manifestar na instancia de solicitude aquelas disciplinas afíns coas que desexan completar, se é o caso, horario. Para estes efectos, poderán solicita-la tecnoloxía, tanto os profesores de ensino secundario como os profesores técnicos de formación profesional que posúan a titulación necesaria para impartila.
2. De existir nun centro máis dunha vacante da mesma especialidade, unha delas cun horario completo e outra para completar con materias afíns, adxudicaranse en primeiro lugar a praza ou prazas que teñan horario completo da especialidade pola que se participa.
3. O profesorado poderá solicitar un mesmo centro ou localidade con horario completo da súa especialidade e con materias afíns, na orde que coide conveniente. Para estes efectos deberanse repeti-los códigos dos centros nos que se dea a circunstancia, poñendo unha cruz (x) no recadro da dereita da solicitude (A) que fai referencia a materias afíns. O que solicite un centro ou localidade con materias afíns entederase que efectúa primeiro a petición dese centro ou localidade sen afíns. Na adxudicación terá prioridade a petición de centro ou localidade sobre a orde das materias afíns.
O profesorado poderá excluír da súa solicitude a petición de destinos de centros compartidos, sinalándoo no recadro correspondente da instancia.
Décimo primeira.
1. A orde de adxudicación dos destinos provisionais será por colectivos preferentes, conforme o previsto na base segunda.
2. Os profesores, interinos e substitutos que soliciten prazas da súa especialidade sen completar horario con ningunha outra materia, de non corresponderlles ningunha destas prazas, pasarán a formar parte da lista para posibles novas necesidades de interinidades
ou substitucións. Ós profesores en expectativa de destino e en prácticas adxudicaráselles destino de oficio.
3. Ós profesores que solicitando prazas da súa especialidade e completando horario con outras materias, non lles corresponde praza na súa especialidade, adxudicaráselles praza noutra materia das indicadas como afíns, se existise vacante, unha vez colocados os colectivos sinalados nos apartados a), b), c), d) e e) da base segunda da presente resolución.
4. Ó profesorado substituto unicamente poderá adxudicárselle praza da súa especialidade con ou sen materias afíns segundo a solicitude.
Décimo segunda.
As prazas das escolas oficiais de idiomas e das escolas de artes aplicadas e oficios artísticos que queden vacantes, unha vez resolto o concurso entre os funcionarios en expectativa de destino, funcionarios en prácticas e, se é o caso, interinos dos corpos correspondentes, serán adxudicadas ós profesores de ensino secundario, da respectiva especialidade que as solicitasen.
Décimo terceira.
Cando concorran a prazas de tecnoloxía industrial profesores de distinta especialidade, a orde de prioridade na adxudicación virá determinada pola pertenza a un colectivo preferente, de acordo coa base segunda da presente resolución. No suposto de que pertenzan ó mesmo colectivo a orde será determinada pola data máis antiga de acceso á prestación de servicios como interino ou substituto. De coincidi-la mesma data de acceso a un posto de traballo na función pública docente, desempatarase por orde alfabética, iniciándose polo apelido coa letra H. O mesmo criterio utilizarase para a adxudicación de prazas correspondente a materias afíns.
Décimo cuarta.
1. Con carácter previo á adxudicación das prazas do presente concurso a Consellería de Educación e Ordenación Universitaria procederá a resolve-las peticións de reingreso no servicio activo solicitados con anterioridade ó 10 de setembro de 1997.
2. Así mesmo, con carácter previo á adxudicación destas prazas, procederase a adscrición provisional daqueles profesores que tendo destino definitivo, deban ser desprazados provisionalmente por falta de horario no seu centro de destino, de acordo coas seguintes normas:
a) A adscrición provisional de efectivos dentro da mesma localidade efectuarase por resolución do delegado provincial da Consellería de Educación e Ordenación Universitaria, por proposta da inspección educativa. No suposto de que o funcionario a desprazar teña a posibilidade de ir prestar servicios en máis dun centro, por existir vacantes da súa especialidade, será desprazado ó que el determine.
b) A adscrición provisional para unha localidade distinta dentro da mesma provincia de destino efectuarase por resolución do delegado provincial da Con
sellería de Educación e Ordenación Universitaria, por proposta da inspección educativa, logo de conformidade do interesado.
c) A adscrición provisional a un centro situado en provincia distinta da de orixe, será efectuado pola Dirección Xeral de Persoal, por proposta dos delegados provinciais, logo do informe da inspección educativa e da conformidade do interesado.
d) Cando varios profesores soliciten voluntariamente ser adscritos a outro centro por falta de horario no seu centro de destino definitivo, aplicaranse sucesivamente os seguintes criterios de prioridade:
1) Prestar servicios na mesma localidade.
2) Prestar servicios na mesma provincia.
3) Data da toma de posesión. Se a data de toma de posesión é a mesma, darase prioridade ó número de rexistro de persoal máis baixo ou ó mellor número de oposición, segundo os casos. Se concorresen á mesma praza funcionarios procedentes de distintos corpos, anteriores a entrada en vigor da LOXSE, efectuarase un sorteo para determina-la preferencia.
3. Será de aplicación o disposto no apartado anterior para a impartición de tecnoloxía entre os profesores de educación secundaria obrigatoria e profesores técnicos de formación profesional que estean en posesión dun dos títulos adecuados para impartila.
Décimo quinta.
O prazo de presentación de solicitudes será de vinte días naturais contados desde o día seguinte ó da publicación da presente resolución no Diario Oficial de Galicia.
Para os opositores que superen o procedemento selectivo convocado pola Orde do 19 de marzo de 1997 e do 28 de abril de 1992, naquelas especialidades que inicien a súa celebración no mes de xullo, o prazo será de cinco días naturais contados desde o día seguinte ó da publicación da lista de aprobados polos tribunais ou comisións de selección.
Para os opositores que superen o procedemento selectivo convocado pola Orde do 28 de abril de 1992, por unha das especialidades que inician a súa celebración no mes de setembro, o prazo será de 24 horas, debendo entregarse directamente no rexistro da Consellería de Educación e Ordenación Universitaria; San Caetano - Santiago de Compostela (A Coruña).
Os opositores mencionados nos parágrafos anteriores que xa fixeran a súa solicitude pola súa condición de interinos ou substitutos unicamente presentarán, no mesmo prazo e lugar mencionados anteriormente, o documento que se xunta como anexo V.
Décimo sexta.
1. Sen prexuízo do establecido no parágrafo terceiro da base anterior, as solicitudes, segundo o modelo oficial que estará á disposición dos interesados nas delegacións provinciais, presentaranse, por duplicado ou orixinal e fotocopia, na Consellería de Educación e Ordenación Universitaria, nas súas delegacións provinciais ou en calquera das dependencias ás que alude o artigo 37.4º da Lei 30/1992, do 26 de novembro, de réxime xurídico das administracións públicas e
do procedemento administrativo común. Xuntarase á solicitude fotocopia compulsada do primeiro nomeamento como funcionario interino ou substituto.
2. Nas solicitudes deberanse consigna-los centros que se solicitan por orde de preferencia, cos números de código que figuran nos anexos da presente resolución.
Cando non exista concordancia entre os dous exemplares da solicitude de prazas, terá validez a que sexa obxecto de tratamento informático. Calquera erro no número de código determinará que se anule a petición, se non corresponde a ningún centro existente.
3. Cando se soliciten prazas de máis dunha especialidade, de acordo coas bases desta convocatoria, deberanse repeti-los códigos dos centros ou localidades nos que se desexe obter praza, indicando no recadro da dereita da instancia o código da especialidade.
Décimo sétima.
1. Non poderán participar no presente concurso os profesores que teñan concedida unha comisión de servicios ou unha adscrición a un posto de traballo para o curso académico 1997/1998.
2. Aqueles profesores ós que, participando no concurso convocado pola presente resolución, se lles conceda posteriormente unha comisión de servicios ou adscrición deberán remitir renuncia ó concurso, dirixida á Dirección Xeral de Persoal da Consellería de Educación e Ordenación Universitaria.
Décimo oitava.
1. O día 8 de setembro de 1997, a Dirección Xeral de Persoal procederá a publica-las relacións de persoal, por especialidades e orde de adxudicación de prazas nas delegacións provinciais da Consellería de Educación e Ordenación Universitaria e nos centros educativos que a continuación se indican:
A Coruña:
IB Eusebio da Guarda.
IFP Fdo. Wirtz.
Santiago de Compostela:
IB Rosalía de Castro.
IFP San Clemente.
Ferrol:
IB Sofía Casanova.
IFP de Caranza.
Lugo:
IB N. Sra. dos Ollos Grandes.
IPFP de Lugo.
Burela:
IB Burela.
Monforte de Lemos:
IB Monforte de Lemos.
Ourense:
IB Eduardo Blanco Amor.
IPFP A Carballeira.
O Barco de Valdeorras:
IFP do Barco de Valdeorras.
Pontevedra:
IB Valle Inclán.
IPFP de Pontevedra.
Vigo:
IB Sto. Tomé do Freixeiro.
IPFP de Vigo.
2. Publicadas as relacións de persoal, ábrese un prazo de cinco días naturais para presentar reclamacións.
3. Resoltas as reclamacións, a Dirección Xeral de Persoal procederá á adxudicación das prazas e facer pública a resolución provisional do concurso nas delegacións provinciais da Consellería de Educación e Ordenación Universitaria.
4. Os concursantes poderán presentar reclamacións á resolución provisional, na Consellería de Educación e Ordenación Universitaria ou nas súas delegacións provinciais, no prazo de tres días naturais a partir da súa exposición.
5. Resoltas as incidencias ás que se refire o apartado anterior procederase a elevar a definitiva a resolución provisional e a súa publicación na Consellería de Educación e Ordenación Universitaria e nas súas delegacións provinciais.
Décimo novena.
O profesorado tomará posesión na unidade de persoal da Delegación Provincial da Consellería de Educación e Ordenación Universitaria da provincia de destino, e incorporarase ó centro no prazo das corenta e oito horas seguintes á exposición da resolución definitiva do concurso.
Vixésima.
Os participantes nos procedementos selectivos convocados pola Orde do 19 de marzo de 1997, que non estén incluídos nas listas dos aspirantes que superaron estes nin nos apartados d) e e) da base segunda da presente resolución, poderán solicitar, segundo o modelo que se publica como anexo VI a súa inclusión nas relacións de aspirantes para desempeñar prazas de interinidades ou substitucións, no prazo dun mes contado desde o día seguinte ó da publicación no Diario Oficial de Galicia da relación de aprobados, sempre que estean en posesión da titulación que se relaciona para cada especialidade no anexo VII. Estarán exceptuados deste requisito de titulación os aspirantes que superen todos e cada un dos exercicios da fase de oposición. Para tales efectos deberán xuntar fotocopia compulsada do título académico alegado.
Este colectivo ordenarase, para efectos de prioridade na elección por especialidades e dentro de cada especialidade por bloques, de acordo co número de exercicios superados; dentro destes bloques, pola puntuación resultante da fase de concurso e oposición, unha vez realizada a ponderación prevista no Real decreto 850/1993, do 4 de xuño.
Santiago de Compostela, 9 de xuño de 1997.
Jaime García García
Director xeral de Persoal
ANEXO I
ANEXO II
ANEXO III
ANEXO IV
ANEXO V
Don/a... co DNI... e domicilio para efectos de notificación na rúa..., C.P...., Localidade..., Provincia..., Tlfno...
EXPÓN: que, de conformidade coa resolución da Dirección Xeral de Persoal da Consellería de Educación e Ordenación Universitaria do 9 de xuño de 1997, solicitou praza como
q Interino
no corpo de ..., especialidade de ...
q Substituto
Que superou o procedemento selectivo de acceso e ingreso ó corpo de profesores de ensino secundario/profesores técnicos de formación profesional, profesores de música e artes escénicas/profesores de escolas oficiais de idiomas (rísquese os corpos que non procedan) convocado pola Orde do 28 de abril de 1992/19 de marzo de 1997 (rísquese a que non proceda) na especialidade de ...
Polo que solicita que a súa petición sexa tramitada conforme a base décimo quinta da resolución mencionada.
...., a ... de ... 1997.
Asdo.:
Director Xeral de Persoal da Consellería de Educación e Ordenación Universitaria
ANEXO VI
Don/a... co DNI... e domicilio para efectos de notificación na rúa..., C.P...., Localidade..., Provincia..., Tlfno...
SOLICITA ser incluído na relación de aspirantes a desempeñar prazas de interinidades ou substitucións de ensino secundario/profesores técnicos de formación profesional (rísquese o corpo que non proceda) na especialidade de ..., estando en posesión do título de ... e superando no procedemento selectivo convocado pola Orde do 19 de marzo de 1997 o ... exercicio.
..., ... de ... de 1997
Asdo.:
Director Xeral de Persoal da Consellería de Educación e Ordenación Universitaria
ANEXO VII
4839
