DOG 118 do 20/06/1997 - RESOLUCIÓN do 2 de xuño de 1997, da Secretaría Xeral do Consello de Universidades, pola que se anuncia a data na que se celebrarán os sorteos para designa-los vocais que integran as comisións que xulgarán os concursos para a provisión de vacantes de corpos docentes universitarios que se citan.

IV. OPOSICIÓNS E CONCURSOS

CONSELLO DE UNIVERSIDADES

RESOLUCIÓN do 2 de xuño de 1997, da Secretaría Xeral do Consello de Universidades, pola que se anuncia a data na que se celebrarán os sorteos para designa-los vocais que integran as comisións que xulgarán os concursos para a provisión de vacantes de corpos docentes universitarios que se citan.

Convocadas a provisión as prazas dos corpos docentes universitarios que se relacionan no anexo e dándolle cumprimento ó disposto no artigo 6 do Real decreto 1888/1984, do 26 de setembro (Boletín Oficial del Estado do 26 de outubro), no artigo 1 do Real decreto 1427/1986, do 13 de xuño (Boletín Oficial del Estado do 11 de xullo) e no artigo 17 e) do Real decreto 552/1985, do 2 de abril (Boletín Oficial del Estado do 27).

Esta secretaría xeral resolveu sinala-la celebración dos sorteos correspondentes ás prazas sinaladas no citado anexo, co fin de designa-los membros das comisións que deben ser elixidos por este procedemento, para o día 26 de xuño de 1997, ás dez horas. Os sorteos realizaranse polo sistema informático aprobado pola Comisión Académica do Consello de Universidades na súa sesión do 14 de xullo de 1997, de modo secuencial, segundo a orde en que figuran relacionados no anexo citado.

Os sorteos celebraranse na sede do Consello de universidades (Cidade Universitaria, s/n, 28040 Madrid).

Para os efectos previstos no artigo 1 do Real decreto 1888/1984, do 26 de setembro, a partir da data da presente resolución faranse públicas as relacións dos profesores que participarán nos sorteos no Consello de Universidades.

Das citadas relacións e no momento do sorteo serán excluídos aqueles profesores que:

-Pertenzan á mesma universidade á que corresponda a praza.

-Fosen designados para formar parte da comisión titular pola universidade á que corresponda a praza.

-Sexan aspirantes e pertenzan á mesma área de coñecemento á que corresponda a praza.

As reclamacións contra as referidas relacións formularanse antes do día 21 de xuño de 1997, dirixidas á Secretaría Xeral do Consello de Universidades (Cidade Universitaria, sen número, 28040 Madrid).

Nos concursos nos que non existan profesores abondos do corpo e área de coñecemento a que corresponda a praza, aplicarase o disposto no artigo 1 do Real decreto 1427/1986, do 13 de xuño, que modifica o artigo 6.9º do Real decreto 1888/1984, do 26 de setembro.

O que comunico para o seu coñecemento e efectos.

Madrid, 2 de xuño de 1997.

Juan Roca Guillamón

Secretario xeral do Consello de Universidades

Vicesecretario Xeral do Consello de Universidades

ANEXO

* Concursos convocados por resolución da universidade do 15-1-1997 e BOE do 7-2-1997.

Concurso nº: 01.

Nº sorteo: 33087.

Corpo: catedráticos de universidade.

Área de coñecemento: debuxo.

Presidente titular: Francisco Baños Martos.

Vocal secretario titular: Antonio Tomás Sanmartín.

Concurso nº: 02.

Nº sorteo: 33088.

Corpo: catedráticos de universidade.

Área de coñecemento: escultura.

Presidente titular: Juan Fernando Laiglesia González de Peredo.

Vocal secretario titular: Ramón de Soto y Arándiga.

Concurso nº 03.

Nº sorteo:33089.

Corpo: catedráticos de universidade.

Área de coñecemento: comercialización e investigación de mercados.

Presidente titular: José Antonio Varela González.

Vocal secretario titular: Enrique Martín Armario

Concurso nº: 04.

Nº sorteo: 33090.

Corpo: catedráticos de universidade.

Área de coñecemento: organización de empresas.

Presidente titular: Camilo Prado Freire.

Vocal secretario titular: Manuel Guisado Tato.

Concurso nº: 05.

Nº sorteo: 33091.