A Consellería de Familia, Muller e Xuventude, a través da Dirección Xeral de Xuventude, leva a cabo o programa de fomento da actividade xuvenil; entre os seus obxectivos figura a promoción e organización de actividades de animación sociocultural destinadas á xuventude no ámbito do ocio e o tempo libre.
Asumidas as competencias neste eido polo Decreto 146/1982, do 1 de decembro, e consciente esta consellería da importancia que ten facilitar canles polos que a xuventude poida participar neste tipo de acti
vidades, é polo que este ano, ó igual que en anos anteriores, se convoca a Campaña Verán-97.
A oferta da Campaña Verán-97 comprende, ademais daquelas que se desenvolven na Comunidade Autónoma galega, actividades de ámbito nacional, tendo lugar a súa celebración noutras comunidades autónomas de España.
A Dirección Xeral de Xuventude pretende desta forma potencia-los intercambios de mozos a través da realización de diversas actividades relacionadas co ocio e o tempo libre, todas elas organizadas fóra de Galicia, co fin de enriquece-la cultura da mocidade, fomentando a convivencia con mozos doutras comunidades autónomas.
Por todo isto,
DISPOÑO:
Artigo 1º
Co obxectivo de lles facilitar ós mozos a participación en actividades de tempo libre organizadas fóra de Galicia, a Consellería de Familia, Muller e Xuventude, a través da Dirección Xeral de Xuventude, oferta un plan xeral de actividades que se detalla no anexo I da presente orde.
As diferentes actividades que integran esta oferta xeral desenvolveranse nas comunidades autónomas de España en quendas de quince días durante os meses de xullo e agosto.
Nos servicios de xuventude das delegacións provinciais da Consellería de Familia, Muller e Xuventude, nas oficinas e puntos de información xuvenil da Rede Galega de Información e Documentación Xuvenil ou nas oficinas TIVE-Galicia, os mozos poden solicitar folletos informativos da convocatoria da presente campaña, onde se detalla unha información ampla sobre a organización de cada actividade, lugar de celebración e características de cada unha.
Artigo 2º
A Dirección Xeral de Xuventude organiza e coordina tódalas actividades motivo da presente convocatoria a través da Oficina de Turismo e Intercambios de Mozos e Estudiantes de Galicia (TIVE-Galicia).
Artigo 3º.-Servicios ofertados.
A oferta da Campaña Verán-97 supón a inscrición individual e permítelle á xuventude dispoñer dos seguintes servicios:
1. Un programa de actividades de aire libre e natureza, rutas turístico-culturais, recreativas, obradoiros, etc., que posibiliten a participación dos mozos/as e a convivencia con mozos/as doutras comunidades autónomas.
2. Aloxamento en albergue xuvenil, residencia xuvenil ou campamento xuvenil.
3. Manutención en réxime de pensión completa.
4. O material necesario para a actividade.
5. Un equipo técnico de persoal especializado en animación socio cultural e actividades de tempo libre.
6. Seguro de accidentes.
Artigo 4º.-Participantes.
Poden solicita-la súa participación nas actividades ofertadas na presente convocatoria os mozos con idades comprendidas no rango de idades que se especifica para cada actividade no anexo I. Para estes efectos, as idades mínimas entenderanse cumpridas durante o ano 1997, agás naqueles casos en que a idade mínima son os 18 anos, en que se entenderán cumpridos antes do comezo da actividade.
En relación ó tope máximo de idade establecido para cada actividade, deberase ter, se é o caso, 1-7-1997 para aquelas que se desenvolvan en xullo e 1-8-1997 para as que se desenvolvan en agosto. Non se admitirán aquelas solicitudes nas que o solicitante non cumpra os ditos requisitos de idade para a actividade solicitada.
Artigo 5º.-Solicitude.
1. As solicitudes deberán formularse no impreso que se indica no anexo II desta orde. Cada mozo unicamente poderá cubrir unha solicitude e un máximo de tres quendas ou actividades por solicitude (cada quenda ou actividade vai identificado cun código no anexo I desta orde).
2. As solicitudes dirixiranse ó director xeral de Xuventude, e poderán presentarse no rexistro xeral da Consellería de Familia, Muller e Xuventude, nos rexistros das súas delegacións provinciais, ou por calquera dos medios establecidos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
3. Así mesmo, admitiranse aquelas solicitudes que se reciban a través dos seguintes medios:
-A través da rede Internet na páxina con enderezo (u.r.l.) http://www. xunta.es/adm/campalbe.htm.
O interesado será responsable da seguridade dos datos incluídos na solicitude mentres non se almacenen na base de datos da Xunta de Galicia.
-Ou ben por fax ós números indicados no anexo IV desta orde. Neste caso, na instancia farase figurar necesariamente un número de teléfono ó que poder chamar no suposto de que houbese que subsanar emendas erro na solicitude ou na súa recepción.
O interesado poderá comproba-la recepción da súa solicitude a partir do día 22 de maio no teléfono xove (902) 15 25 35.
Artigo 6º.-Prazo.
O prazo de solicitude iniciarase o día seguinte ó da publicación desta orde no Diario Oficial de Galicia, e rematará o día 19 de maio de 1997.
Artigo 7º.-Adxudicación de prazas.
A adxudicación de prazas realizarase da seguinte forma:
1. Por adxudicación directa, no caso de que a demanda non supere a oferta de prazas.
2. Por sorteo, por medios informáticos, no suposto de que o número de solicitudes supere o número de prazas dispoñibles.
O sorteo realizarase o día 28 de maio de 1997 nas dependencias da Secretaría Xeral da Consellería de Familia, Muller e Xuventude en Santiago de Compostela.
O resultado do sorteo farase público, confeccionando a correspondente lista de admitidos para cada quenda e actividade. As ditas listas serán expostas o día 30 de maio na Dirección Xeral de Xuventude, no rexistro xeral da Consellería de Familia, Muller e Xuventude, nos rexistros e servicios de Xuventude das súas delegacións provinciais, e no Centro de Información Administrativa e Atención ó Cidadán de Santiago de Compostela.
Artigo 8º.-Documentación.
Os participantes seleccionados deberán presentar na Dirección Xeral de Xuventude ou nas delegacións provinciais da Consellería de Familia, Muller e Xuventude, no prazo de dez días contados desde o día seguinte ó da data de exposición das listas, a seguinte documentación:
-Xustificación de pagamento.
-Fotocopia do DNI ou da folla correspondente do libro
de familia.
-Fotocopia de documento de afiliación á Seguridade Social ou seguro médico.
-Cuestionario médico-sanitario (anexo III).
-Certificado médico de non padecer ningunha enfermidade e de ser apto para participar na actividade.
En caso contrario decaerá a adxudicación realizada e pasará a oferta pública, aplicándose o procedemento disposto no artigo 9º desta orde.
Artigo 9º.-Adxudicación das prazas de resultas.
1. As vacantes que se produzan, xa sexa por renuncia do interesado ou por non presenta-la documentación referida no artigo 8º desta orde en prazo, adxudicaranse por adxudicación directa segundo se vaian solicitando.
Para estes efectos, unha vez rematado o prazo para a presentación da documentación a que fai referencia o artigo 8º desta orde, abrirase un período de catro días durante o que poderán solicita-las prazas vacantes todos aqueles solicitantes ós que non se lles adxudicou praza no sorteo.
Transcorrido o dito período, as prazas vacantes que se produzan poderán ser solicitadas por calquera persoa interesada, sempre e cando cumpra as limitacións de idade a que fai mención o artigo 4º desta orde.
2. Para solicita-las prazas de resultas, o interesado poderá efectua-la oportuna reserva da praza, no caso de que existan vacantes, persoalmente ou por teléfono a través de calquera servicio de Xuventude das delegacións provinciais da Consellería de Familia, Muller e Xuventude, das oficinas TIVE-Galicia ou da Dirección Xeral de Xuventude.
Unha mesma persoa non poderá reservar máis dunha praza. A reserva de prazas poderase efectuar en horario de 9 a 14 horas, en días laborables agás sábados.
3. Unha vez efectuada a reserva de praza, o interesado disporá dun prazo de 48 horas para presenta-lo impreso que se indica no anexo II desta orde debidamente cuberto, e a documentación relacionada no artigo 8º. Os solicitantes ós que non se lles adxudicou praza no sorteo, non terán que presenta-lo anexo II. Esta documentación poderá pre
sentala en calquera das oficinas anteriormente relacionadas. En caso contrario, perderá o dereito á praza reservada.
4. No anexo IV indícanse os enderezos, os teléfonos e fax das oficinas administrativas a través das que poderá efectuarse a oportuna reserva de praza, para os efectos do disposto neste artigo.
Artigo 10º.-Prezos.
Os prezos de aplicación para cada actividade e quenda aparecen detallados no anexo I desta orde.
Disposicións derradeiras
Primeira.-Facúltase o director xeral de Xuventude para dictar, no ámbito das súas competencias, as resolucións precisas para o desenvolvemento desta orde.
Segunda.-Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 10 de marzo de 1997.
Manuela López Besteiro
Conselleira de Familia, Muller e Xuventude
ANEXO I
Autónoma Instalación xuvenil Modalidade Idade Data praza Código
Comunidade
Importe
Asturias Albergue xuvenil Arriondas e albergue xuvenil Fonte del Cai Sendeirismo, piragüísmo e actividade de praia 15-17 16 ó 30 xullo 24.000 500001
Baleares Campamento xuvenil de Beniparratx (Menorca) Menorca: unha illa diferente 15-17 17 ó 31 xullo 35.000 500002
Campamento xuvenil «La Victoria» Alcudia (Mallorca) Aventura: mar e montaña 15-17 1 ó 15 xullo 35.000 500003
Canarias Residencia xuvenil Sta. María de Guía Encontro turístico-cultural 14-17 16 ó 30 de xullo 46.000 500004
Cantabria Campamento xuvenil «Loredo» Recreativo 13-15 1 ó 15 xullo 22.000 500005
Castela e León Albergue xuvenil «Navarredonda de Gredos» Multiaventura 15-17 1 ó 15 xullo 24.000 500006
Albergue xuvenil «Soncillo» Multiaventura 15-17 16 ó 30 xullo 24.000 500007
Campamento xuvenil «Covaleda» Sendeirismo-aire libre 12-14 16 ó 30 xullo 22.000 500008
Residencias xuvenís «Consejo de Europa», «Gil de Siloé» e «Dona Urraca» Ruta Interautomónima III (LE-BU-ZA) 15-17 1 ó 15 agosto 22.000 500009
Estremadura Albergue xuvenil «Castillo de Luna» Teatro 15-17 16 ó 30 xullo 24.000 500011
Murcia Albergue xuvenil «Sierra del Oro» Medio ambiente 14-17 17 ó 31 xullo 24.000 500012
Albergue xuvenil «Calarreona» Medio ambiente 14-17 2 ó 16 agosto 24.000 500013
Navarra Albergue de Santesteban e Lekároz Itinerante-Val de Baztán y Val de Bidasoa
15-17 17 ó 31 xullo 22.000 500014
1 ó 15 agosto 22.000 500015
Albergue xuvenill de Zudaire Sendeirismo-espeleoloxía 15-17 1 ó 15 agosto 22.000 500016
A Rioxa Campamento xuvenil «Molino Viejo» Aula de natureza 11-13 1 ó 15 xullo 22.000 500017
Albergue xuvenil «Hospital San José» Montaña e escalada 15-17 1 ó 15 xullo 24.000 500018
País Vasco Albergue de Zarautz «Monte Albertia» e Albergue Barria Actividades acuáticas, sendeirismo 14-17 2 ó 16 agosto 24.000 500019
Valencia Albergue xuvenil «Biar» e Albergue xuvenil «La Marina» Tempo libre e natureza 15-17 16 ó 30 xullo 24.000 500020
Albergue xuvenil de «Morella» e Albergue xuvenil «Argentina» Medio ambiente 15-17 2 ó 16 agosto 24.000 500021
ANEXO IV
-Dirección Xeral de Xuventude:
Enderezo: edificio administrativo San Caetano, s/n, bloque 3-1º, 15771 Santiago de Compostela.
Teléfono: 54 48 67. Fax: 54 58 43.
-Delegación Provincial da Coruña da Consellería de Familia, Muller e Xuventude:
Enderezo: Avda. do Exército, 2-1º, 15006 A Coruña.
Teléfono: 22 65 50/22 19 54. Fax: 18 57 02.
Servicio de Xuventude da Coruña:
Enderezo: r/ Durán Loriga, 9, 15003 A Coruña.
Teléfono: 22 65 50/22 19 54. Fax: 22 13 36.
-Delegación Provincial de Lugo da Consellería de Familia, Muller e Xuventude-Servicio de Xuventude:
Enderezo: Ronda de Fingoi, s/n, 27002 Lugo.
Teléfono: 29 43 52/29 43 51. Fax: 29 43 59.
-Delegación Provincial de Ourense da Consellería de Familia, Muller e Xuventude:
Enderezo: r/ Camiño Vello, Prado Lonia, s/n, 32004 Ourense.
Teléfono: 38 61 20/38 61 14. Fax: 38 60 87.
Servicio de Xuventude de Ourense:
Enderezo: Avd. Habana, 81-baixo, 32004 Ourense.
Teléfono: 38 61 20/38 61 14. Fax: 38 61 19.
-Delegación Provincial de Pontevedra da Consellería de Familia, Muller e Xuventude-Servicio de Xuventude:
Enderezo: r/ María Berdiales, 20, 36203 Vigo.
Teléfono: 81 70 78/81 70 80. Fax: 81 70 43.
-Oficina TIVE da Coruña:
Enderezo: r/ Durán Loriga, 9-1º, 15003 A Coruña.
Teléfono: 22 65 50/57 24 16.
-Oficina TIVE de Santiago de Compostela:
Enderezo: Praza do Matadoiro, s/n, 15703 Santiago de Compostela.
Teléfono: 58 39 00/57 24 26.
-Oficina TIVE de Ferrol.
Enderezo: r/ Madanela, 123-1º, 15402 Ferrol.
Teléfono: 35 03 00.
-Oficina TIVE de Lugo:
Enderezo: Ronda da Muralla, 134-3º, 27002 Lugo.
Teléfono: 29 43 38.
-Oficina TIVE de Ourense:
Enderezo: Avda. Habana, 81-baixo, 32004 Ourense.
Teléfono: 38 61 18.
-Oficina TIVE de Pontevedra:
Enderezo: r/ Benito Corbal, 47-2º, 36001 Pontevedra.
Teléfono: 80 55 32.
-Oficina TIVE de Vigo:
Enderezo: r/ María Berdiales, 20-entreplanta, 36203 Vigo.
Teléfono: 81 70 79/81 70 80.
97-3481
