Visto o texto do acordo asinado o día 24-1-1997, pola comisión deliberadora do convenio colectivo para o sector de edificación e obras públicas (código 2700255), da provincia de Lugo, integrada pola representación da Asociación de Empresarios de la Construcción e das centrais sindicais UGT, CC.OO., USO e CIG, mediante o que se procede á adaptación do convenio provincial ó acordo sectorial nacional do 6-11-1996 (BOE 281, do 21-11-1996) sobre antigüidade na construcción para o ano 1996, e de conformidade co disposto no artigo 90, apartados 2 e 3 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.
Esta delegación provincial,
ACORDA:
Primeiro.-Ordena-la inscrición do citado acordo no rexistro de convenios desta delegación así como o seu depósito.
Segundo.-Remitirlle o texto do citado acordo á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 19 de febreiro de 1997.
Manuel Bande Díaz
Delegado provincial de Lugo
Asociación Provincial de Empresarios
de la Construcción
Asistentes e representantes APEC.
-Convenio de edificación e OP.
Hipólito Trinidad Losada.
Ricardo Castro López.
José Antonio Tosar López.
Juan Manuel González-Zaera Glez.
Antonio Rodríguez Suárez.
José Juan Meijide Calvo.
-Por UGT, 37,20% de representación.
Adolfo Mosteirón Turia.
Alfonso García Capón.
-Por CC.OO., 29,7% de representación.
Ángel Barreiro Pérez.
Jesús Varela Lodeiro.
-Por USO, 10,5% de representación.
María del Carmen Arias Río.
-Por CIG, 17,6% de representación.
Iñaki García Gómez.
En Lugo, 24 de xaneiro de 1997, reúnense os integrantes da comisión deliberadora do convenio de edificación e obras públicas, relacionados á marxe, co obxecto de proceder á adaptación do convenio provincial ó acordo sectorial nacional do 6-11-1996 (BOE 281, do 21-11-1996), sobre antigüidade na construcción.
Unha vez aberto o acto e logo de deliberación, adóptanse os seguintes acordos:
Primeiro.-Declarar constituída a comisión deliberadora do convenio de edificación e obras públicas de referencia, conforme a disposición que se detalla á marxe.
Segundo.-Que, en cumprimento do acordo nacional sectorial en materia de antigüidade, se lles aboen ós traballadores as seguintes cantidades como compensación pola conxelación da antigüidade.
1. Unha paga de 10.000 pesetas como compensación polo ano 1996 xa vencido, que se aboará en proporción ó tempo efectivamente traballado e en concepto de adición ó plus de asistencia.
2. Unha paga de 10.000 pesetas correspondente ó ano 1997, que se aboará con efectos do 1-1-1997
en pagamentos mensuais de 909 pesetas, como adición ó plus de asistencia en razón ó tempo de traballo efectivo.
3. Con independencia do exposto, para determina-la cantidade que se debe aboar baixo o concepto de antigüidade consolidada o 21-11-1996, data de publicación do ASN, ós traballadores que xa viñeron percibindo complemento de antigüidade, sumaráselle a parte proporcional que corresponda ó bienio ou quinquenio en curso de xeración, tomándose a fracción do ano, se excede de seis meses, como ano completo e rexeitándose noutro caso.
Terceiro.-A paga correspondente ó ano 1996 xa vencido aboarase no prazo dun mes a partir da publicación no DOG deste acordo.
Cuarto.-Considerar derrogado con efectos da data de publicación do ASN (21-11-1996) o artigo 23 do convenio provincial.
E, en proba de conformidade, asinan as partes a presente acta por sextuplicado exemplar, que se trasladará á Delegación da Consellería de Xustiza, Interior e Relacións Laborais para a súa publicación no DOG.
Táboa de retribucións do convenio de edificación e obras públicas o 31-1-1996
mensual Punt. mensual mensual mensual anuais
vencemento durante vixencia
Categorías Niveis Salario base
Plus Asist.Prod. e
Plus extra salarial
Total
Vacacións
Gratificacións Total anual Antigüedade mes: de
Xullo Nadal Bienio Quinquenio
e outros
Titulado superior
II a VI 76.959 20.270 13.846 111.075 109.469 109.469 109.469 1.550.232 3.020 4.191 Capataz e outros VII 76.355 19.261 13.639 109.255 108.424 108.424 108.424 1.527.077 2.947 4.156 Oficial primeira e outros VIII 75.112 17.750 13.283 106.145 106.525 106.525 106.525 1.487.170 2.947 4.084 Oficial segunda e outros IX 74.469 16.564 13.076 104.109 105.404 105.404 105.404 1.461.411 2.912 4.049 Axudante e outros X 73.829 14.785 12.750 101.364 104.017 104.017 104.017 1.427.055 2.878 4.013 Peón especialista XI 73.224 13.777 12.543 99.544 102.972 102.972 102.972 1.403.900 2.878 4.013 Peón ordinario XII 72.441 12.781 12.334 97.556 101.764 101.764 101.764 1.378.408 2.884 3.978
A partir do 1-1-1997 ó plus de asistencia adicionaránselle 909 ptas. mensuais. A cantidade resultante servirá de base para os incrementos que sobre o plus se poidan pactar no vindeiro convenio, e aboaranse con efecto retroactivo en proporción ó tempo traballado.
2900