Visto o texto do acordo asinado o día 24-1-1997 pola comisión deliberadora do convenio colectivo para o sector do comercio de materiais da construcción e saneamento (código 2700175) da provincia de Lugo, integrada pola representación da Asociación de Empresarios de la Construcción e das centrais sindicais UGT, CC.OO., USO e CIG, mediante o que se procede á adaptación do convenio provincial ó acordo sectorial nacional do 6-11-1996 (BOE nº 281, do 21-11-1996), sobre antigüidade na construcción para o ano 1996, e de conformidade co disposto no artigo 90 apartados 2 e 3 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.
Esta delegación provincial,
ACORDA:
Primeiro.-Ordena-la inscrición do citado acordo no rexistro de convenios desta delegación, así como o seu depósito.
Segundo.-Remitirlle o texto do citado acordo á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 19 de febreiro de 1997.
Manuel Bande Díaz
Delegado provincial de Lugo
Asociación Provincial de Empresarios
de la Construcción
Asistentes e representantes APEC.
-Convenio de comercio de materiais da construcción e saneamento.
Hipólito Trinidad Losada.
Ricardo Castro López.
José Antonio Tosar López.
Juan Manuel González-Zaera Glez.
Antonio Rodríguez Suárez.
José Juan Meijide Calvo.
-Por UXT 33,33 % de representación.
Adolfo Mosteirón Turia.
Alfonso García Capón.
-Por CCOO 41,70 % de representación.
Ángel Barreiro Pérez.
Jesús Varela Lodeiro.
-Por USO 16,7 % de representación.
María del Carmen Arias Río.
-Por CIG 8,3 % de representación.
Iñaki García Gómez.
En Lugo, 24 de xaneiro de 1997, reúnense os integrantes da comisión deliberadora do convenio de materiais da construcción e saneamento, relacionados á marxe, co obxecto de proceder á adaptación do convenio provincial ó acordo sectorial nacional do 6-11-1996 (BOE 281, do 21-11-1996) sobre antigüidade na construcción.
Unha vez aberto o acto e logo de deliberación, adóptanse os seguintes acordos:
Primeiro.-Declarar constituída a comisión deliberadora do convenio de comercio de materiais da construcción e saneamento de referencia, conforme a composición que se detalla á marxe.
Segundo.-Que, no cumprimento do acordo nacional sectorial en materia de antigüidade, se lles aboen ós traballadores as seguintes cantidades como compensación pola conxelación da antigüidade.
1. Unha paga de 10.000 pesetas como compensación polo ano 1996 xa vencido, que se aboará en proporción ó tempo efectivamente traballado e en concepto de adición ó plus de asistencia.
2. Unha paga de 10.000 pesetas correspondente ó ano 1997, que se aboará con efectos do 1-1-1997 en pagamentos mensuais de 909 pesetas, como adición ó plus de asistencia en razón do tempo de traballo efectivo.
3. Con independencia do exposto, para determina-la cantidade que hai que aboar baixo o concepto antigüidade consolidada o 21-11-1996, data de publicación do ASN, ós traballadores que xa viñeron percibindo complemento de antigüidade adicionarase a este a parte proporcional que lle corresponda ó cuadrienio en curso de xeración, tomándose a fracción de ano, se excede de seis meses, como ano completo e refugándose noutro caso.
Terceiro.-A paga correspondente ó ano 1996 xa vencido aboarase no prazo dun mes a partir da publicación no DOG deste acordo.
Cuarto.-Actualizar, coas modificacións oportunas, o concepto de antigüidade no convenio de comercio de materiais de construcción.
Quinto.-Considerar derrogado con efectos da data de publicación do ASN (21-11-1996) o artigo 20 do convenio en materia de antigüidade.
E, en proba de conformidade, asinan as partes a presente acta por sextuplicado exemplar, que se trasladará á Delegación da Consellería de Xustiza, Interior e Relacións Laborais para a súa publicación no DOG.
Táboa de retribucións do convenio de comercio de materiais de contrucción e saneamento o 31-1-1996
mensual Punt. mensual mensual mensual anuais
cuadrienio
Categorías Niveis Salario base
Plus Asist.Prod. e
Plus extra salarial
Total
Vacacións
Gratificacións Total anual Antigüedade mes: de vencemento durante vixencia
Xullo Nadal
Encargado xeral II a IV 81.630 29.120 11.433 122.183 112.787 112.787 112.787 1.682.374 3.429 Encargado xeral establecemento V 75.698 27.954 10.786 114.438 106.336 106.336 106.336 1.577.826 3.040 Of. Admtvo. primeira e outros VI 73.708 23.128 8.649 105.485 104.455 104.455 104.455 1.473.700 2.687 Capataz e outros VII 73.708 18.657 8.097 100.462 100.698 100.698 100.698 1.407.176 2.687 Oficial primeira e outros VIII 73.708 17.428 7.902 99.038 100.218 100.218 100.218 1.390.072 2.687 Oficial segunda e outros IX 73.708 8.811 6.867 89.386 96.857 96.857 96.857 1.273.817 2.687
mensual Punt. mensual mensual mensual anuais
cuadrienio
Categorías Niveis Salario base
Plus Asist.Prod. e
Plus extra salarial
Total
Vacacións
Gratificacións Total anual Antigüedade mes: de vencemento durante vixencia
Xullo Nadal
Axudante e outros X 73.708 7.484 6.736 87.928 96.341 96.341 96.341 1.256.231 2.687 Peón especialista e outros XI 73.708 7.955 6.673 87.476 96.188 96.188 96.188 1.250.800 2.687 Peón ordinario e outros XII 73.655 2.140 5.991 81.786 94.255 94.255 94.255 1.182.411 2.687
A partir do 1-1-1997 ó plus de asistencia adicionaránselle 909 ptas. mensuais. A cantidade resultante servirá de base para os incrementos que sobre o plus se poidan pactar no vindeiro convenio, e aboaranse con efecto retroactivo en proporción ó tempo traballado.
97-2513