Adoptado acordo polo Consello da Xunta de Galicia na súa reunión do día catorce de marzo de 1997, relativo ó outorgamento á Asociación Ecca da concesión definitiva para o funcionamento dunha emisora en ondas métricas con modulación de frecuencia en Pontevedra, resulta necesario darlle publicidade ó devandito acordo, unha vez cumpridos os requisitos que se determinan no Decreto 156/1989, do 27 de xullo, modificado parcialmente polo Decreto 35/1992, do 6 de febreiro, que regula o procedemento de concesión de emisoras de radiodifusión sonora en ondas métricas con modulación de frecuencia.
En consecuencia,
RESOLVO:
Ordena-la publicación no Diario Oficial de Galicia do acordo do Consello da Xunta de Galicia, adoptado na súa reunión do 14 de marzo de 1997, polo que se lle outorga á Asociación Ecca a concesión definitiva para o funcionamento dunha emisora en ondas métricas con modulacion de frecuencia en Pontevedra, texto que figura no anexo á presente orde.
Santiago de Compostela, 24 de marzo de 1997.
Jesús Pérez Varela
Conselleiro de Cultura e Comunicación Social
ANEXO
Acordo do 14 de marzo de 1997, do Consello da Xunta de Galicia, polo que se lle outorga á Asociación Ecca a concesión definitiva para o funcionamento dunha emisora en ondas métricas con modulación de frecuencia en Pontevedra.
Esteban Velázquez Quevedo e Luis Alvarado Duarte, en representación da Asociación Ecca, solicitaron a concesión dunha emisora de carácter institucional en ondas métricas con modulación de frecuencia en Pontevedra, ó amaparo da Orde do 16 de xuño de 1983 da Consellería da Presidencia e do Decreto 172/1982, do 15 de decembro, que posteriormente foi derrogado polo Decreto 156/1989, do 27 de xullo, modificado parcialmente polo Decreto 35/1992, do 6 de febreiro.
Por acordo do Consello da Xunta de Galicia do 10 de novembro de 1983 adxudicóuselle con carácter provisional á Asociación Ecca unha emisora en ondas métricas con modulación de frecuencia en Pontevedra.
Sendo aprobado pola Dirección Xeral de Telecomunicacións do Ministerio de Fomento o correspondente proxecto técnico, así como a acta de conformidade final das instalacións, e tendo en conta o informe da Dirección Xeral de Medios de Comunicación Social e Audiovisual, por proposta da Consellería de Cultura e Comunicación Social, o Consello da Xunta de Galicia acorda:
Primeiro.-Outorgarlle á Asociación Ecca a concesión definitiva para o funcionamento dunha emisora en ondas métricas con modulación de frecuencia en Pontevedra, de carácter educativo e cultural a teor do que se dispón no artigo 3.2º do Decreto 156/1989, do 27 de xullo, modificado parcialmente polo Decreto 35/1992, do 6 de febreiro, polo que se regula o procedemento de concesión de emisoras de rediodifusión sonora en ondas métricas con modulación de frecuencia, e con suxeición ás normas contidas na Lei 31/1987, do 18 de decembro, de ordenación das telecomunicacións, no Real decreto 169/1989, do 10 de febreiro, polo que se aproba o Plan Técnico Nacional de Radiodifusión Sonora en Ondas Métricas con Modulación de Frecuencia e a Orde da Consellería da Presidencia do 16 de xuño de 1983 e demais normativa aplicable.
Segundo.-As características técnicas que se asignan á mencionada emisora son as seguintes:
-Coordenadas: 42º 19' 13" N
08º 41' 45" W
-Cota (m): 548.
-Denominación da emisión: 256 KF8EHF.
-Frecuencia (MHz): 96,5.
-Pontencia radiada aparente máxima (w): 2000.
-Potencia máxima nominal do equipo transmisor (w): 1000.
-Potencia de saída autorizada do equipo transmisor (w): 680.
-Sistema radiante: 4 dipolos. Omnidireccional.
-Altura sobre o solo do centro eléctrico da antena (m): 25.
-Altura do mastro (m): 33.
-Altura efectiva máxima (m): 561.
-Polarización: mixta.
A frecuencia asignada queda condicionada, se é o caso, ó trámite da coordinación internacional.
Terceiro.-O prazo de concesión, a teor do que se dispón no artigo 13 do Decreto 156/1989, do 27 de xullo, é de 10 anos a partir do día seguinte ó da publicación do presente acordo no Diario Oficial de Galicia.
2594