Advertido erro por omisión na devandita orde, publicada no Diario Oficial de Galicia nº 62, do
2 de abril de 1997, cómpre engadi-lo anexo que se reproduce a continuación:
ANEXO III
Baremo de aplicación ás solicitudes de admisión
nas garderías infantís
1º.-Situación socio-familiar.
1.1.-Por cada membro menor de 16 anos a cargo da unidade familiar, incluído o solicitante: 4 puntos.
1.2.-Por cada membro maior de 16 anos a cargo da unidade familiar, sen ingresos económicos, agás os pais do solicitante: 4 puntos.
1.3.-Por minusvalidez física, psíquica ou sensorial, enfermidade crónica que requira internamento periódico, alcoholismo ou drogadicción (segundo o grao):
-Pai: ata 5 puntos.
-Nai: ata 5 puntos.
-Outros membros da unidade familiar: ata 5 puntos.
1.4.-Por ausencia do fogar familiar (viuvez, separación, divorcio, familia monoparental, etc.):
-Pai: 5 puntos.
-Nai: 5 puntos.
1.5.-Por irmán/irmáns con praza renovada no centro nun grupo de idade superior á do neno para o que se solicita praza: 5 puntos.
1.6.-Pola condición de familia numerosa: 5 puntos.
1.7.-Calquera outra circunstancia socio-familiar que sexa susceptible de valoración a xuízo da comisión e adecuadamente acreditada: ata 5 puntos.
2º.-Situación laboral familiar.
2.1.-Situación laboral de desemprego sen prestación económica:
-Pai: 5 puntos.
-Nai: 5 puntos.
2.2.-Situación laboral de desemprego con prestación económica:
-Pai: 2 puntos.
-Nai: 2 puntos.
2.3.-Traballos sen cualificar fóra do fogar sen percepción económica fixa:
-Pai: 2 puntos.
-Nai: 2 puntos.
3º.-Situación económica.
3.1.-Ingresos mensuais da unidade familiar equivalentes ó salario mínimo interprofesional vixente: 10 puntos.
3.2.-Por cada tramo de 6.000 ptas. en sentido decrecente a partir do salario mínimo interprofesional: + 1 punto.
3.3-Por cada tramo de 6.000 ptas. en sentido crecente a partir do salario mínimo interprofesional: -1 punto.
* En caso de obter igual puntuación, daráselle prioridade á renda per cápita máis baixa.
2636