Visto o expediente da revisión salarial do convenio colectivo da empresa Blanco Munín, S.L., cafetería do persoal da cidade sanitaria Juan Canalejo que tivo entrada nesta delegación provincial o día 14-3-1997, subscrito en representación da parte económica pola empresa e, da parte social, polos delegados de persoal o día 28-2-1997, de conformidade co disposto no artigo 90.2º e 3º da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 19 de marzo de 1997.
Mª Reyes Carabel Pedreira
Delegada provincial da Coruña
Táboas salarios do ano 1997 para o persoal da empresa Blanco Munín, S.L.
Asistentes:
-Pola parte social:
José M. Álvarez Rodríguez.
-Pola parte empresarial:
Orlando Blanco Armada
Na Coruña, o 28 de febreiro de 1997, sendo as 10 horas, nos locais da empresa reúnense, dunha parte, a representación empresarial de Blanco Munín, S.L., e doutra, a representación social da devandita empresa, á marxe citadas. Os reunidos constatan os seguintes extremos.
Primeiro.-Que de acordo co contido do artigo 5 do convenio colectivo correspondente ó ano 1995 e ó non ter feito uso, tanto a parte social como a empresarial, da facultade que lle outorga o artigo 6 do respectivo convenio colectivo mencionado anteriormente sobre a denuncia deste, debéndose entón prorrogarse pola tácita e tódolos conceptos económicos se incrementarán no IPC establecido polo INE.
Segundo.-Que o IPC (índice de prezos ó consumo) constatado e publicado polo INE (Instituto Nacional de Estatística) polo período comprendido desde o 1 de xaneiro de 1996 ó 31 de decembro de 1996, é o 3,2%.
Terceiro.-Que as táboas sobre as que hai que aplica-lo incremento do 3,2 son as do ano 1996, as cales se encontran publicadas no BOP, do 17 de xuño de 1996.
En relación con todo o anterior as partes acordan:
1º) Incrementa-las táboas salariais correspondentes a 1996 nun 3,2%. As ditas táboas son as que figuran como anexo a esta acta.
2º) O dito incremento aplicarase desde o 1 de xaneiro de 1997. Os atrasos dos meses de xaneiro e febreiro aboaranse antes do 30 de marzo de 1997.
E sen máis asuntos que tratar, asínase de conformidade a presente acta, no día e lugar expresados no encabezamento.
Táboa de salarios do ano 1997 do persoal da empresa Munín, SL.
De acordo co contido no artigo 5 do convenio colectivo correspondente ó ano 1995 e ó non ter feito uso, tanto a parte social como a parte económica, da facultade que lles confire o artigo 6 do respectivo convenio colectivo mencionado anteriormente, sobre a denuncia deste, ámbalas partes, de acordo co anteriormente dito, acordan incrementa-las táboas de salarios correspondentes ó exercicio de 1996, nun 3,2% para 1997, que se corresponde co IPC (índice de prezos ó consumo) constatado e publicado polo INE (Instituto Nacional de Estatística) polo período comprendido desde o 1 de xaneiro ó 31 de decembro de 1996.
O dito incremento aplicarase a partir do 1 de xaneiro de 1997, e facultarase a empresa para que os atrasos correspondentes a xaneiro e febreiro de 1997 sexan aboados antes do 31 de marzo de 1997.
Táboa salarial 1997
mensual cantidade
de Tr. Men. mensual mensualCategoría Salario base
Plus de
Transp.
Total
Total anual
Aprendices: o salario dos aprendices será o fixado no R.D. 2317/1993 e na Lei 10/1994.
Xerente 121.646 10.480 6.289 138.415 2.025.918 Of. administrativo 104.110 10.480 6.289 120.879 1.762.878 Encargado 104.110 10.480 6.289 120.879 1.762.878 Cociñeiro 104.110 10.480 6.289 120.879 1.762.878 Camareiro 104.110 10.480 6.289 120.879 1.762.878 Axudante 100.365 10.480 6.289 117.134 1.706.703 Fregador 100.365 10.480 6.289 117.134 1.706.703
Pola parte socialPola parte económica
Os representantes dos traballadores
Obdulia Rozadas SánchezOrlando Blanco Armada
José Manuel Álvarez Rodríguez
2228