O secretario do Xulgado de Primeira Instancia e Instrucción número un de Arzúa fai saber, que nos autos que a seguir se dirán consta dictada a sentencia que ten un encabezamento e decisión do teor literal seguinte:
«Sentencia. Na vila de Arzúa, vintenove de abril de mil novecentos noventa e seis. Eva María Doval Lorente, xuíza do Xulgado de Primeira Instancia e Instrucción número un dos desta vila, viu os presentes autos de xuízo executivo, promovidos por Mercedes Seijo Varela, representada polo procurador Narciso Caamaño Queijo, e dirixido pola letrada Almudena Jiménez Lavandeira, contra José Manuel Rico Rodil e o letrado da Xunta de Galicia, e procédese a dicta-la seguinte resolución.
Seguen antecedentes de feitos e fundamentos xurídicos.
Decido que, desestimando a demanda interposta polo procurador Caamaño Queijo, en nome e representación de Mercedes Seijo Varela, non se lle recoñece á solicitante o dereito a litigar de balde.
Contra esta sentencia poderá interporse neste xulgado recurso de apelación no prazo de cinco días contados a partir da súa notificación.
Así, por esta miña sentencia, pronúncioo, mándoo e asínoo».
E expido o presente edicto para que lle sirva de notificación en legal forma á parte demandada declarada en rebeldía e en ignorado paradoiro.
Dado en Arzúa, seis de febreiro de mil novecentos noventa e sete.
O secretario
Rubricado
1663