Visto oe xpediente de revisión salarial do convenio colectivo do sector de industrias siderometalúrxicas sen convenio propio, que tivo entrada nesta delegación provincial o día 27-1-1997, subscrito en representación da parte económica por Asime, Atra, Instalectra, Foncalor e Aceme-Feca, e da parte social, polas centrais sindicais CC.OO., UGT e CIG, en data 25-4-1996. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de revisión salarial de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade
Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de revisión salarial de traballo, que se atopa nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 26 de febreiro de 1997.
Antonio Coello Bufill
Delegado provincial de Pontevedra
Comisión paritaria do Convenio do metal 1996-1997
En Vigo, sendo as 11 horas do día 23 de xaneiro de 1997, reúnese no SMAC a comisión paritaria do convenio colectivo de referencia, asistindo os membros dela Juan Rus González, Atra, Ernesto García Bernardo, Asime, e Eduardo Magdalena, Foncalor, pola parte empresarial; Manuel Domínguez e Emilio Alonso Nogueira, CIG, Guillermo Gómez e Emilio Docampo Estévez, CC.OO., e Guillermo Simón López e José A. Álvarez González, UGT. Presidente: Gonzalo Diéguez Civeira.
Os asistentes dan en primeiro lugar a súa aprobación ás táboas salariais para o presente ano 1997, que todos eles asinan como proba de conformidade, solicitando que se entreguen coa maior celeridade na delegación da Consellería de Xustiza, Interior e Relacións Laborais. Os asinantes están así mesmo de acordo en que se consignen as seguintes precisións:
1. O artigo 29 do convenio, onde se fala da retribución ós aprendices, recolléndose nas táboas para 1997 un salario unificado para menores de 18 anos, entre 17 e 18 anos, e de 16 a 17 anos, superando as condicións citadas no artigo 29, fican sen efecto os parágrafos 4º, 5º e 7º del.
2. En canto á póliza de seguro obrigatorio, esta mantense; non obstante acéptase por ambalas dúas partes a súa revisión na vindeira negociación do convenio.
3. Asínanse en consecuencia as táboas salariais para 1997, por aplicación do IPC previsto máis un punto -3,6-, segundo determina o convenio.
No tocante á comisión de riscos laborais e seguindo o acordado na anterior reunión dáse por constituída a dita comisión, acordando en principio que a presidencia dela sexa asumida pola representación empresarial e a secretaría pola parte sindical, quedándose en establece-los nomes concretos nunha vindeira reunión que se vai celebrar dentro da primeira quincena de febreiro.
Dou fe.
Táboa salarial 1997
Categoría Salario 97 Antig. 97
Técnicos de taller:
Técnicos titulados: Enxeñeiros, licenciados 196.917 8.193 Perito con responsabilidade 177.801 7.395 Enxeñeiros técnicos industriais 169.364 6.866 Graduados sociais 132.952 5.340 Mestres industriais 130.669 4.611 Practicantes 110.716 4.409
Xefe de taller 143.838 5.975 Mestres de taller 128.659 5.343 Contramestre 128.659 5.343 Encargado 117.425 4.867 Capataz de especialistas 100.127 4.153 Capataz de peóns ordinarios 96.001 3.974
Técnicos de laboratorio: Xefe de 1ª 150.236 6.239 Xefe de 2ª 128.659 5.343 Analista de 1ª 117.425 4.867 Analista de 2ª 100.950 4.180 Auxiliar 91.634 3.743
Técnicos de oficina: Delineante proxectista 135.404 5.905 Delineante de 1ª 111.986 4.646 Delineante de 2ª 102.268 4.242 Auxiliar 91.634 3.743
Organización científica do traballo: Xefe de 1ª 143.237 5.975 Xefe de 2ª 133.040 5.523 Técnico de organiza. de 1ª 115.436 4.788 Técnico de organiz. de 2ª 103.089 4.279 Auxiliar 91.634 3.743
Administrativos: Xefe de 1ª 143.825 5.975 Xefe de 2ª 133.040 5.523 Oficial de 1ª 115.433 4.788 Oficial de 2ª 103.089 4.279 Viaxante 115.433 4.788 Auxiliar 91.634 3.743
Persoal subalterno: Chofer de camión 100.913 4.180 Chofer de turismo 98.734 4.092 Chofer de motociclo 92.198 3.818 Listeiro 97.621 4.045 Almaceneiro 94.367 3.912 Pesador de báscula 92.198 3.818 Vixilante 90.020 3.728 Porteiro e ordenanza 87.850 3.636
Operarios de taller: Oficial de 1ª 108.348 4.502 Oficial de 2ª 103.773 4.227 Oficial de 3ª 99.172 4.081 Especialista 96.320 3.945 Peón 91.633 3.743
Categoría Salario 97 Antig. 97
Menores de 18 anos: de 17 a 18 anos 59.130 De 16 a 17 anos 59.130
Plus por trabajos especiales:
Un suposto: 56 ptas.
Dous ou máis supostos: 86 ptas.
Axudas de custo:
Axuda de custo completa: 3.700 ptas.,
Media axuda de custo: 1.500 ptas.
Plus de transporte: 521 ptas. por día efectivamente traballado.
1987