Examinada a solicitude de inscrición no Rexistro de Entidades de Promoción do Camiño de Santiago, presentada pola Associaçao de Cofrades e Amigos do Caminho de Santiago de Compostela, con data 6 de marzo de 1997.

Visto o Decreto 224/1994, do 2 de xuño, polo que se crea o referido rexistro.

Visto igualmente o informe da Xerencia de Promoción do Camiño de Santiago, emitido de acordo co artigo 3.

Considerando que a solicitude presentada cumpre as normas establecidas no decreto de referencia,

RESOLVO:

Que a Associaçao de Cofrades e Amigos do Caminho de Santiago de Compostela quede inscrita no Rexistro de Entidades de Promoción do Camiño de Santiago co número 0972.

Santiago de Compostela, 10 de marzo de 1997.

Jesús Pérez Varela

Conselleiro de Cultura e Comunicación Social

1674