Co obxecto de adapta-la liquidación de xuros á operativa do contrato de financiamento subscrito polo ICO e as entidades financeiras e de simplifica-la xestión da liquidación da subsidiación, é necesario face-las oportunas modificacións na cláusula 10ª, liquidación do convenio de apoio financeiro ós investimentos das pequenas e medianas empresas finan
ciado polo Igape, o ICO e as entidades financeiras e na cláusula 9ª, liquiedación do convenio de apoio financeira para a renovación da flota galega subscrito con distintas entidades financeiras.
Visto o exposto e de conformidade coas entidades financeiras asinantes dos ditos convenios e en virtude das facultades que teño conferidas,
RESOLVO:
Artigo 1º
Modifícase o texto do anexo I á Resolución do 29 de maio de 1996, pola que se fai público o convenio de apoio financeiro ós investimentos das pequenas e medianas empresas financiado polo Instituto Galego de Promoción Económica (Igape), o Instituto de Crédito Oficial (ICO) e as entidades financeiras, publicado no Diario Oficial de Galicia número 123, do 24 de xuño de 1996, co seguinte teor:
1. O texto de apartado a) da cláusula 10ª, liquidación de xuros, subtitúese pola seguinte redacción:
A liquidación da cota de xuro por parte da entidade financeira ó beneficiario efectuarase, ó igual cás
amortizacións, semestralmente, calculándose os xuros en función do capital vivo ou capital disposto.
Para préstamos a xuro fixo, o devengo de xuros será por días comerciais, con liquidacións semestrais que comezarán a computarse desde o primeiro día 15 inmediato posterior á data de disposición. Por conseguinte, o primeiro período de liquidación de xuros será irregular e igual ou superior a 6 meses polos días que transcorran desde a data de disposición ata o primeiro día 15.
Para préstamos a tipo de xuro variable, o devengo de xuros será por días naturais, base 365, e a liquidación destes será por períodos semestrais que comezarán a computarse a partir do primeiro día 15 inmediato posterior á data de disposición. Por conseguinte, o primeiro período de liquidación de xuros será irregular e igual ou superior a 6 meses polos días que transcorran desde a data de disposición ata o primeiro día hábil.
2. O texto do parágrafo 9 do apartado b), cláusula 10ª substitúese porla seguinte redacción:
O devengo da subsidiación será por días comerciais para préstamos a tipo de xuro fixo e por días naturais para préstamos a tipo de xuro variable. O primeiro período de liquidación da subsidiación será irregular e computarase polos días transcorridos desde a data de inicio ata o primeiro día 15 correspondente segundo o establecido na cláusula 10ª a).
Artigo 2º
Modifícase o texto do anexo I á Resolución do 22 de maio de 1996, pola que se fai público o convenio de apoio financeiro para a renovación da flota galega subscrito con distintas entidades financeiras, publicado no Diario Oficial de Galicia, número 107, do 31 de maio de 1996, co seguinte teor:
1. O texto do parágrafo 2 do apartado 1 da cláusula novena substitúese pola seguinte redacción:
Para préstamos a xuro fixo, o devengo de xuros será por días comerciais, e para préstamos a tipo variable o devengo de xuros será por días naturais. O cómputo dos días, para a liquidación, realizarase desde a data de disposición, incluída esta.
2. O texto do parágrafo 8 apartado 2 da cláusula novena substitúese pola seguinte redacción:
O devengo da subsidiación será por días comerciais para préstamos a tipo de xuro fixo e por días naturais para préstamos a tipo de xuro variable.
Santiago de Compostela, 11 de marzo de 1997.
José Antonio Orza Fernández
Presidente do Instituto Galego de Promoción Económica
1798