Visto o texto do acordo adoptado pola comisión negociadora do convenio colectivo para o sector da construcción (código nº 32000155) de Ourense, convenio publicado no BOP nº 155, do 6 de xullo de 1996 e DOG nº 200, do 11-11-1996, con entrada nesta delegación provincial o día 17-2-1997, subscrito o 5-2-1997, de conformidade co disposto no artigo 90.2º e 3º, do Estatuto dos traballadores, texto refundido aprobado polo R.D. 1/1995, do 24 de marzo, R.D. 1040/1981, do 22 de maio, sobre rexistro e depósito de convenios colectivos de traballo e R.D. 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no rexistro de convenios colectivos desta delegación provincial, con notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación desta delegación.

Terceiro.-Dispoñe-la súa publicación no Diario Oficial de Galicia.

Ourense, 21 de febreiro de 1997.

Manuel López Casas

Delegado provincial de Ourense

Asistentes:

FEMCA-UGT, Javier Carreiro Vázquez.

FECOMA-CC.OO., Rafael López de la Torre.

FCM-CIG, Anxo Pérez Carballo.

ACO, Carlos Fernández Alonso, Jorge Caride Luna, José Antonio Pérez Fernández e Cesáreo Fernández Ríos.

En Ourense a 5 de febreiro de 1997, reunidos os á marxe sinalados, previamente convocados para o efecto, partes lexistimadas para asinar convenios ou acordos sectoriais da construcción de ámbito provincial, acordan por unanimidade, e de conformidade co ASN da construcción sobre o concepto económico da antigüidade de 6 de novembro de 1996, publicado no BOE nº 281, do 21 de novembro de 1996, incorpora-las 10.000 ptas. correspondentes ó presente exercicio de 1997, do seguinte xeito:

Primeiro.-O dito aboamento terá efectos desde o 1 de xaneiro de 1997, e non influirá na negociación colectiva pendente, por canto está terá na conta a táboa de retribucións vixente a 31 de decembro de 1996.

Segundo.-O dito incremento de 10.000 ptas. ratearase mensualmente e incluirase dentro do plus de asistencia, tal e como se fixera por acordo do 26 de decembro de 1996, quedando a columna do dito plus de asistencia e mentres non existan as novas táboas de retribucións para o exercicio de 1997, da forma establecida no anexo I desta acta. O primeiro pagamento será aboado dentro dos 30 días seguintes á súa publicación no BOP ou DOG.

Terceiro.-Unha vez fixadas as táboas de retribucións para o período 1 de xaneiro de 1996 ó 31

de decembro de 1997, para o que se tivo en conta as vixentes o 31 de decembro de 1996, e como queira que de conformidade coa cláusula primeira do presente acordo se excluíu o dito incremento de 10.000 ptas., este adicionarase ó plus de asistencia das táboas que resulten da forma anteriormente establecida.

E para que conste e teña os efectos oportunos asínase por decaplicado, xuntamente coa táboa de retribucións recollida no anexo I; no lugar e data mencionados no encabezamento.

ANEXO I

Tabla de retribucións para o período 1-1-1997 ó 31-12-1997

Axudas de custo:

Axuda de custo: 2.805Media axuda de custo: 1.193.

1572