Visto o expediente iniciado por instancia de María del Carmen López González, con DNI nº 35.439.122, en nome e representación da empresa mercantil Mariscos Rebeca y Vanessa, S.L., con NIF nº B-3619941, constituída ante César Cunqueiro González-Seco, notario de Pontevedra, con número do seu protocolo 2.234, inscrita no Rexistro Mercantil de Pontevedra no folio 175 do libro 1377, de sociedades, inscrición 1ª da folla número PO-10945, con data do 2 de decembro de 1993, solicitando concesión e permiso de actividade do seguinte establecemento:

-Establecemento auxiliar de acuicultura: estación depuradora e centro de expedición.

-Especies: moluscos.

-Situación: peirao de Aldán-Cangas (Pontevedra).

-Superficie de dominio público: 62 m, para toma de auga de mar.

-Superficie de dominio privado:

* Nave de 250,00 m que comprende:

Zona de traballo 81,65 m.

Piscina nº 1 103,00 m.

Piscina nº 2 58,00 m.

Total 242,65 m.

* Parcela anexa de 250 m, que comprende:

Depósito decantación 19,80 m.

Aseos e servicios 16,50 m.

Total 36,30 m.

(Segundo plano anexo).

Procedeuse á súa tramitación de acordo coa Lei 6/1993, do 11 de maio, de pesca de Galicia, e Lei 27/1992, do 24 de novembro, de portos do Estado e da mariña mercante.

Tendo en conta que, con data 18 de decembro de 1996, o presidente de Portos de Galicia, autoriza por un (1) ano a ocupación de 62 m do dominio público.

Tendo en conta os informes que constan no expediente, así como o proposto pola Dirección Xeral de Marisqueo e Acuicultura, logo do informe do servicio técnico-xurídico, esta consellería,

ACORDA:

Acceder ó solicitado outorgándolle a Mariscos Rebeca y Vanessa, S.L., concesión e permiso de actividade para a posta en funcionamento e explotación dun establecemento auxiliar de acuicultura constituído por estación depuradora e centro de expedición no peirao de Aldán, Cangas (Pontevedra), baixo as seguintes condicións:

Primeira.-O permiso de actividade outórgase de acordo co disposto no artigo 9.2º da Lei 6/1993, do 11 de maio, de pesca de Galicia (DOG nº 101, do 31-5-1993) e concordantes, por un prazo que rematará o 18 de decembro de 1997, de conformidade coa autorización do presidente de Portos de Galicia.

Para efectos de coordinación interadministrativa, o prazo de vixencia dos títulos habilitantes, así como os prórrogas que no seu día se poidan outorgar, o permiso de actividade e concesión do dominio público, deberán ser coincidentes.

Segunda.-A vixencia do permiso de actividade non poderá ser superior ó indicado no contrato de alugueiro dos terreos onde se situaría o establecemento, efectuado ante José Pedro Rial López, notario de Cangas (Pontevedra) con data do 19-10-1994.

Terceira.-O emprazamento e as obras da instalación do establemento axustaranse ós planos e proxecto presentados, redactado polo enxeñeiro técnico industrial Miguel A. Lis Domínguez, colexiado nº 2038. As obras da instalación deberán quedar finalizadas no prazo máximo de seis (6) meses, o seu remate deberá comunicárselle inescusablemente á Delegación Territorial desta consellería en Vigo, para efectos de practica-la inspección destas, e da que se emitirá o correpondente informe.

Cuarta.-O titular contrae a obriga de manter en bo estado o dominio público, obras e intalacións. Estas e os terreos a que fai referencia esta concesión

e permiso de actividade non poderán alugarse nin seren destinados a usos distintos dos propios deste tipo de establecementos. Baixo ningún concepto se poderán modifica-las instalacións, agás que medie permiso expreso desta consellería.

Quinta.-Sen prexuízo da caducidade da concesión, ó abeiro do disposto no escrito do 18 de decembro de 1996, do presidente de Portos de Galicia, que será vinculante para esta consellería, o permiso de actividade ó que se refire este outorgamento extinguirase por incumprimento dalgunha das condicións desta orde e nos casos previstos no artigo 72 da Lei 6/1993, de pesca de Galicia citada.

Sexta.-O concesionario queda obrigado ó cumprimento do disposto na Lei 6/1993, do 11 de maio, de pesca de Galicia, así como no Real decreto 308/1993, do 26 de febreiro, polo que se aproba o Regulamento técnico-sanitario que fixa as normas aplicables á comercialización dos moluscos bivalvos vivos (BOE nº 76, do 30-3-1993) e demais concordantes que lle sexan de aplicación. Igualmente, queda obrigado ó cumprimento da lexislación en vigor relativas a materia sanitaria, laboral e de protección das industrias, e cantas disposicións se dicten sobre esta materia.

Sétima.-O outorgamento desta concesión e permiso de actividade non exime o seu titular da obtención doutras licencias, permisos e autorizacións legalmente procedentes.

Oitava.-O titular xustificaralle o pagamento á Facenda Pública, do imposto que grava as concesións e autorizacións administrativas (transmisións patrimoniais e actos xurídicos documentais) ou acreditará a declaración de non estar suxeito ó acto do dito imposto, feita pola Delegación de Facenda ou oficina liquidadora correspondente.

Contra a presente orde, que é definitiva en vía administrativa, poderase interpoñer recurso contencioso-administrativo no prazo de dous (2) meses, contados a partir do día seguinte ó da súa publicación no DOG, perante a Sala do Contencioso-Administrativo do Tribunal Superior de Xustiza de Galicia, conforme o disposto no artigo 58 da Lei reguladora da xurisdicción contencioso-administrativa, do 27 de decembro de 1956, despois de comunicarllo a esta consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 6 de febreiro de 1997.

Juan Caamaño Cebreiro

Conselleiro de Pesca, Marisqueo e Acuicultura

1442