A Deputación Provincial de Lugo, en sesión celebrada o día 30 de agosto de 1996, acordou aproba-lo proxecto de 122 P.O.L. 96 .-Sober.- E.P. Sober-Francos-Anllo e na sesión do día 30 de setembro de 1996 acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa. A deputación remitiu a documentación complementaria para a correcta tramitación do expediente con data de entrada no rexistro xeral da Consellería de Xustiza, Interior e Relacións Laborias o día 7 de xaneiro de 1997, baixo o número 116.

Os bens nos que se concreta a declaración de urxente ocupación están determinados no expediente que se someteu a información pública.

A Dirección Xeral de Calidade Medioambiental e Urbanismo da Consellería de Política Territorial, Obras Públicas e Vivenda emitiu informe favorable. O dito informe tivo entrada no rexistro xeral da Consellería de Xustiza, Interior e Relacións Laborais o día 20 de xaneiro de 1997, nº 618.

Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque a obra está incluída no programa operativo local do ano 1996 que se financia con fondos procedentes do FEDER e con cargo ós orzamentos xerais do Estado. Isto fai que a execución deberá estar totalmente rematada no ano 1997 sendo imprescindible a obtención dos terreos necesarios para a súa execución, dado que é unha estrada de nova construcción destinada a mellora-los accesos ó encoro de Santo Estevo que é percorrido diariamente por unha embarcación turística fretada por esta deputación.

A competencia para a declaración da urxente ocupación correspóndelle ó Consello da Xunta de Galicia segundo o disposto nos artigos 27.2 e 28.2 do Estatuto de autonomía de Galicia.

Na súa virtude e por proposta do consellerio de Xustiza, Interior e Relacións Laborais, e logo de deliberación do Consello da Xunta de Galicia na súa reunión do día vinte de febreiro de mil novecentos noventa e sete.

DISPOÑO:

Artigo único.-De conformidade co disposto no artigo 52 da Lei de expropiación forzosa, declárase a urxente ocupación, pola Deputación Provincial de Lugo para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto de 122 P.O.L. 96.-Sober.-E.P. Sober-Francos-Anllo.

Santiago de Compostela, vinte de febreiro de mil novecentos noventa e sete.

Manuel Fraga Iribarne

Presidente

Jesús C. Palmou Lorenzo

Conselleiro de Xustiza, Interior e Relacións Laborais

1507