Visto o expediente do convenio colectivo para a empresa Rocas Europeas de Construcción, S.A., que tivo entrada nesta delegación provincial o día 8-10-1996, subscrito en representación da parte económica por unha representación da empresa, e da parte social, polo comité de empresa, en data 4-10-1996. De conformidade co disposto no artigo 90,2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que se
atopa nesta delegación provincial, e a notificación ás representacións económica e social da Comisión Negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 27 de decembro de 1996.
Antonio Coello Bufill
Delegado provincial de Pontevedra
Convenio colectivo da empresa Rocas Europeas de Construcción, S.A.
Artigo 1º.-Ámbito persoal.
Afectará a todo o persoal técnico, administrativo, subalterno e obreiro que preste servicios na empresa Rocas Europeas de Construcción, S.A., sita nas Gándaras de Budiño e dedicada á actividade de elaboración de granito, coa exclusión daqueles incluídos no apartado C), punto 3 do artigo 1º do Estatuto dos traballadores.
Artigo 2º.-Duración e vixencia.
Terá unha duración desde o 1 de xaneiro a 31 de decembro de 1996. A vixencia será a totalidade da súa duración.
Co fin de evitar baleiro normativo, denunciado o convenio e ata que non se logre acordo expreso, perderán vixencia as súas cláusulas obrigacionais, manténdose as normativas ata a sinatura do convenio que o substitúa.
Artigo 3º.-Procedemento de denuncia.
A denuncia que propoña a revisión do presente convenio deberase presentar para calquera das partes deliberantes cunha antelación mínima dun mes. Desta comunicación enviarase copia para efectos de rexistro, á Delegación Provincial da Consellería de Relacións Laborais.
Artigo 4º.-Comisión paritaria.
Establécese unha comisión paritaria con facultades para interpreta-lo contido do convenio, a cal estará composta por tres vocais titulares e un suplente por cada unha das dúas representacións que tomaron parte na negociación do convenio. Unha e outra poderanse dotar de asesores.
Artigo 5º.-Axudas de custo.
As axudas de custo para o persoal obreiro quedan fixadas nas cantidades seguintes:
Axuda de custo completa: 2.575 ptas.
Media axuda de custo: 1.030 ptas.
Artigo 6º.-Retribucións salariais.
Esteblécese un incremento salarial do 3,95%, incremento que se recolle na táboa salarial do
anexo I, que servirá de base para a negociación do convenio de 1997.
Artigo 7º.-Antigüidade.
A antigüidade farase efectiva a base de calcula-los bienios a razón do 5% ata o tope máximo do 50% do salario de cada categoría. Este sistema permanecerá vixente ata que non se estableza o sistema de permanencia no sector, previsto no convenio xeral da construcción.
Artigo 8º.-Gratificacións extraordinarias.
As gratificación extraordinarias aboaranse sobre o salario pactado no convenio para cada categoría profesional, máis a antigüidade, se é o caso.
Estas serán as seguintes:
-Xullo, 30 días, que se pagarán o día 15 de xullo.
-Nadal, 30 días, que se pagarán o día 20 de decembro.
Artigo 9º.-Horas extraordinarias.
As horas extraordinarias adaptaranse á lexislación vixente e aboaranse de acordo coa táboa do anexo II desde a data da sinatura deste convenio.
Artigo 10º.-Plus de puntualidade e asistencia.
Establécese un plus de puntualidade e asistencia para todo o persoal afectado polo presente convenio.
O dito plus consistirá nunha cantidade mensual de 12.876 ptas. e a súa percepción estará suxeita ás seguintes regras:
1ª Entenderase por falta de puntualidade cando o traballador, no momento de comeza-la xornada laboral, non estea no seu posto de traballo e ata un máximo de 15 minutos.
2º No susposto anterior, o traballador perderá o 5% do plus de puntualidade e asistencia por cada un dos retrasos.
3º Se a incorporación do traballador se produce despois dos primeiros 15 minutos de comezada a xornada laboral, considerarase como falta de asistencia de media xornada laboral perdéndose o 10% do plus cada vez que se produza a dita falta.
4º A falta de asistencia dunha xornada de traballo ocasionará a perda do 20% do plus.
5º As licencias establecidas no presente convenio e Estatuto dos traballadores non serán consideradas como faltas de puntualidade e asistencia.
Artigo 11º.-Plus de transporte.
Establécese un plus de transporte, sexa cal for o medio empregado polo traballador para o seu desprazamento, na contía de 526 ptas. por día de traballo efectivo.
As sumas percibidas por este concepto non terán a consideración de salario para ningún efecto, polo cal non se computarán para o cálculo da antigüidade, gratificacións extraordinarias, etc.
Artigo 12º.-Xornada de traballo.
A xornada ordinaria de traballo será de 40 horas semanais de traballo efectivo, tanto a xornada partida como continuada e en cómputo anual realizarase 1.768 horas segundo o establecido no artigo 71 do convenio xeral da construcción.
No referente ós festivos non recuperables haberá que aterse ó establecido no convenio provincial de mármores e pedras.
Todo o persoal afectado polo presente convenio estará suxeito a quenda de mañá, tarde ou noite, tanto a xornada partida como continuada e permitirase a mobilidade dos postos dentro do centro de traballo.
Para as máquinas que requiren traballo continuado establecerase o número de quendas necesarias para cubri-los sete días da semana.
Desde o 1 de xullo ó 1 de setembro establecerase xornada continuada para o persoal técnico e administrativo garantíndose mediante quendas a xornada partida cada un dos servicios administrativos da empresa.
Artigo 13º.-Cambio de xornada e quenda.
A empresa poderá, cando así o xustifiquen as necesidades de producción, asignar temporalmente a calquera traballador a un posto de traballo distinto ó que vén desempeñando habitualmente, independentemente da xornada e quenda de traballo que o dito posto teña establecido, adaptándose ás xornadas e quendas que rexan na sección de destino. Estas asignacións serán rotativas tendo para cada traballador unha duración máxima de dous meses. Destas asignacións informarase ó comité de empresa.
Artigo 14º.-Vacacións.
O período de vacacións anuais retribuídas será de trinta días naturais, calculadas a salario base do convenio máis plus de asistencia e complemento de antigüidade, se é o caso.
Aboarase o importe das vacacións o día anterior laborable ó seu desfrute.
Artigo 15º.-Licencias.
O persoal afectado polo presente convenio terá dereito ás licencias establecidas no Estatuto dos traballadores, en canto sexan máis favorables para o traballador cás que aquí se establecen:
a) Matrimonio do traballador/a: 15 días naturais.
b) Matrimonio de fillos ou irmáns: 1 día natural.
Se se produce fóra da provincia: 2 días. naturais.
c) Enfermidade grave do cónxuxe (ou compañeiro/a, se é o caso), pais ou fillos: 6 días naturais.
Fóra da provincia:7 días naturais.
d) Enfermidade grave de irmáns: 2 días naturais.
e) Parto de esposa (ou compañeira, se é o caso): 6 días naturais.
f) Morte de cónxuxe (ou compañeira, se é o caso): 4 días naturais.
g) Morte de avós, netos, irmáns, pais políticos ou fillos políticos: 2 días naturais.
h) Morte de irmáns políticos ou tíos: 1 día natural.
i) Traslado de domicilio habitual: 3 días naturais.
Fóra da provincia: 5 días naturais.
En tódolos casos será con notificación á empresa e xustificación fidedigna.
Artigo 16º.-Roupas de traballo.
A empresa facilitará roupas de traballo ó persoal segundo se especifica para cada caso.
de roupa bloques e
teares persoal
Pezas
Cantidade Parque de
Mantemento Resto
Fundas ou traxes 1 4 meses 4 meses 6 meses
Camisa remeira 1 12 meses 12 meses 12 meses
Botas 1 6 meses 6 meses 6 meses
Artigo 17º.-Recoñecemento médico.
A empresa está obrigada a solicitar do Centro de Seguridade e Hixiene de Pontevedra (Rande), ou dunha mutua patronal, un recoñecemento anual para os traballadores que presten os seus servicios nela, que será complementado cun segundo recoñecemento anual restrinxido á prevención de silicose.
Artigo 18º.-Baixa hospitalaria.
En caso de baixa hospitalaria, a empresa complementará ós traballadores afectados a prestación económica por ILT que, por enfermidade común ou accidental non laboral, aboa a Seguridade Social, ata chegar ó 100% da base de cotización, segundo detalle:
a) Mentres dure a permanencia no centro hospitalario
b) No caso de que, finalizada esta, se lle prescriba unha convalecencia domiciliaria, ampliarase a trinta (30) días máis.
c) Por ámbolos casos conxuntamente, a duración máxima deste dereito será de noventa (90) días.
d) As ditas circunstancias acreditaranse documentalmente.
Artigo 19º.-ILT por accidente de traballo ou enfermidade profesional.
En caso de ILT por accidente de traballo ou enfermidade profesional, a empresa complementará a prestación económica que aboará a Seguridade Social ou mutua patronal, ata chegar ó 100% da base de cotización, a partir do 20 días e ata un máximo de 120 días.
Artigo 20º.-Seguro de accidentes.
A empresa contratará unha póliza colectiva de accidentes de traballo para o seu persoal. A dita póliza garantirá como mínimo unha indemnización de:
-Caso de morte: 4.500.000 ptas.
-Invalidez total para traballo habitual: 4.500.000 ptas.
-Invalidez absoluta: 4.500.000 ptas.
Para os demais casos de invalidez, a indemnización será proporcional.
Artigo 21º.-Lexislación aplicable.
En todo o non previsto neste convenio rexerase polo disposto no convenio colectivo xeral do sector da construcción e demais normas xerais de aplicación.
Artigo 22º.-Partes asinantes.
O presente convenio é asinado por José Luis Heitzmann Hernández, en representación da empresa e en representación dos traballadores do comité de empresa, formado por:
Manuel Pérez Ferreira
Antonio Costas Iglesias
José A. Araujo Collazo
Clásusula adicional
Os atrasos acumulados desde o 1-1-1996 ata o 30 de setembro de 1996 aboaranse no mes de outubro.
O Porriño, 4 de outubro de 1996.
Táboa salarial ano 1996
día mes
Salario
Salario
Técnicos medios Arquitectos e enxeñeiros técnicos 173.714 Profesores mercantís e graduados sociais 173.714 Mestres industriais e ATS 158.021
Administrativos Xefe de 1ª 173.714 Xefe de 2ª 150.798 Oficial de 1ª 128.293 Oficial de 2ª 116.312 Auxiliar 93.671 Aspirante 59.193
Técnicos non titulados A) Persoal técnico non titulado Delineante superior 150.798 Delineante de 1ª 128.293 Delineante de 2ª 116.312 Calcador 93.671 B) Persoal técnico de organización Tec. de organización de 1ª 128.293 Tec. de organización de 2ª 116.312 Auxiliar de organización 93.671 C) Persoal técnico de fabricación Encargado xeral 170.018 Encargado de sección 150.798 Contramestre 133.059 Inspector de control 118.275
Subalternos Ordenanza 103.851 Porteiro 103.851
día mes
Salario
Salario
Almaceneiro 103.851 Garda xurado 103.851 Muller limpeza 2.532
Operarios Xefe de equipo 4.201 Oficial de 1ª 4.054 Oficial de 2ª 3.899 Oficial de 3ª 3.747 Especialista 3.558 Peón 2.532 Aprendiz ou pinche 16 1.772 Aprendiz ou pinche 17 1.772
Horas extras ano 1996
Normal Festivo
Técnicos medios Mestres industriais e ATS 1.374 1.450
Administrativos Xefe de 1ª 1.437 1.515 Xefe de 2ª 1.297 1.374 Oficial de 1ª 1.200 1.278 Oficial de 2ª 1.124 1.200 Auxiliar 1.060 1.137 Aspirante 614 670
Técnicos non titulados A) Persoal técnico non titulado Delineante superior 1.297 1.374 Delineante de 1ª 1.200 1.278 Delineante de 2ª 1.124 1.200 Calcador 1.060 1.137 B) Persoal técnico de organización Tec. de organización de 1ª 1.200 1.278 Tec. de organización de 2ª 1.124 1.200 Auxiliar de organización 1.060 1.137 C) Persoal técnico de fabricación Encargado de sección 1.298 1.375 Contramestre 1.175 1.252 Inspector de control 1.112 1.189
Subalternos Ordenanza 1.080 1.157 Porteiro 1.080 1.157 Almaceneiro 1.080 1.157 Garda xurado 1.080 1.157 Muller limpeza 766 894
Operarios Xefe de equipo 1.145 1.220 Oficial de 1ª 1.132 1.210 Oficial de 2ª 1.112 1.190 Oficial de 3ª 1.092 1.169 Especialista 1.086 1.163 Peón 1.080 1.156 Aprendiz ou pinche 16 576 633 Aprendiz ou pinche 17 601 658
484
