O artigo 28.2º da Constitución española recoñece como dereito fundamental da persoa o dereito á folga.
O exercicio deste dereito na Administración e nas empresas, entidades e institucións públicas ou privadas, que presten servicios públicos ou de recoñecida e inaprazable necesidade, no ámbito e competencias da Comunidade Autónoma de Galicia, está condicionado ó mantemento dos servicios esenciais fixados no artigo 2 do Decreto 155/1988, do 9 de xuño (DOG nº 116, do 20 de xuño de 1988), entre os que se atopa a sanidade.
O exercicio público da prestación da asistencia sanitaria, así como dos seus corolarios, non se poden ver afectados gravemente polo lexítimo dereito do exercicio de folga, xa que aquel é considerado e recoñecido prioritariamente en relación a este.
O artigo 3 do citado decreto faculta os conselleiros competentes, por razón dos servicios esenciais afec
tados, para que, mediante orde, e diante de cada situación de folga, decidan o mínimo de actividade necesaria para asegura-lo mantemento de tales servicios; así como para determina-lo persoal necesario para a súa prestación.
Convocada folga que afecta ó persoal que presta os seus servicios como persoal funcionario ou laboral do Complexo Hospitalario Provincial-Rebullón, que se levará a efecto tódolos mércores desde o día 29 de xaneiro de 1997 desde as 13.30 ata as 14.30 horas no Hospital Provincial e desde as 12 ás 13 no Psiquiátrico O Rebullón, cumprido o preceptivo trámite de convocatoria de audiencia ó comité de folga que manifesta a súa conformidade, esta consellería,
DISPÓN:
Artigo 1º
A convocatoria de folga que afecta a todo o persoal funcionario ou laboral do Complexo Hospitalario Provincial-Rebullón, que se levará a efecto tódolos mércores desde o día 29 de xaneiro de 1997 desde as 13.30 ás 14.30 horas no Hospital Provincial e desde as 12 ás 13 no Psiquiátrico O Rebullón, enténdese condicionada ó mantemento dos servicios mínimos que se establecen no anexo desta orde.
Os servicios mínimos que se fixan resultan totalmente imprescindibles para mante-la necesaria cobertura asistencial.
Tales mínimos responden á necesidade de compatibiliza-lo respecto ineludible ó exercicio do dereito á folga coa adecuada atención ós usuarios.
Artigo 2º
A designación nominal, con carácter rotatorio, do persoal que deberá cubri-los distintos servicios será feita pola Dirección-Xerencia do Complexo Hospitalario; e procederase á súa publicación no taboleiro de anuncios do centro correspondente.
Artigo 3º
Os paros e alteracións no traballo por parte do persoal necesario para o mantemento dos servicios mínimos determinados serán considerados ilegais para os efectos do establecido no artigo 16.1º do Real decreto lei 17/1977, do 4 de marzo (BOE nº 58, do 9 de marzo de 1977).
Artigo 4º
O disposto nos artigos anteriores non significará ningún tipo de limitación dos dereitos que a normativa reguladora da folga recoñece ó persoal nesta situación, nin tampouco sobre a tramitación e efectos das peticións que a motiven.
Artigo 5º
Sen prexuízo do que establecen os artigos anteriores, deberanse observa-las normas legais e regulamentarias vixentes en materia de garantías dos usuarios dos establecementos sanitarios.
Disposición derradeira
A presente orde entrará en vigor o mesmo día da súa publicación no Diario Oficial de Galicia.
Santiago de Compostela, 28 de xaneiro de 1997.
José Mª Hernández Cochón
Conselleiro de Sanidade e Servicios Sociais
ANEXO
-Hospital provincial:
Admisión:
3 Auxiliares administrativos.
1 facultativo.
Anatomía patolóxica:
1 facultativo.
1 técnico.
Anestesia:
2 facultativos.
Centraliña:
1 efectivo.
Cirurxía:
3 facultativos.
2 axudantes sanitarios.
6 ATS.
9 auxiliares de enfermería.
Dermatoloxía:
1 facultativo.
Dirección:
1 secretaria.
Dosis:
1 auxiliar administrativo.
Especialidades:
3 ATS.
3 auxiliares de enfermería.
1 axudante sanitario.
Farmacia:
1 facultativo.
1 técnico.
Xestión económica:
1 auxiliar administrativo.
Hematoloxía:
1 facultativo.
1 técnico.
1 ATS.
Hemodiálise:
1 facultativo.
2 ATS.
1 auxiliar de enfermería.
Laboratorio:
2 facultativos.
3 TEL.
Lavandería:
4 oficiais de lavandería.
Mantemento:
1 efectivo.
Medicina interna:
2 facultativos.
2 axudantes sanitarios.
6 ATS.
6 auxiliares de enfermería.
O.R.L.:
1 facultativo.
Oftalmoloxía:
1 facultativo.
Pediatría:
1 facultativo.
1 axudante sanitario.
2 ATS.
2 auxiliar de enfermería.
Persoal:
1 efectivo no servicio de persoal.
1 efectivo no servicio de nóminas.
Portería:
2 porteiros.
2 axudantes sanitarios.
Psiquiatría:
1 facultativo.
1 axudante sanitario.
1 ATS.
2 auxiliares de enfermería.
Quirófano:
4 ATS.
2 auxiliares de enfermería.
2 axudantes sanitarios.
Radioloxía:
2 facultativos.
2 TER.
1 axudante sanitario.
Rehabilitación:
1 fisioterapeuta.
1 auxiliar de enfermería.
Subministracións:
1 axudante administrativo.
1 axudante de almacén.
Toco-xinecoloxía:
2 facultativos.
2 ATS.
2 auxiliares de enfermería.
1 matrona.
1 axudante sanitario.
Traumatoloxía:
2 facultativos.
2 ATS.
4 auxiliares de enfermería.
2 axudantes sanitarios.
U.C.I.:
1 facultativo.
2 ATS.
2 auxiliares de enfermería.
1 axudante sanitario.
Urxencias:
9 facultativos.
4 axudantes sanitarios.
4 ATS.
3 auxiliares de enfermería.
Uroloxía:
1 facultativo.
-Hospital Rebullón:
S. agudos:
1 facultativo.
1 ATS.
4 auxiliares de enfermería.
S. Rehabilitación:
1 psiquiatra.
1 ATS.
5 auxiliares de enfermería.
U. Residencial:
1 ATS.
1 auxiliar de enfermería.
-U.S.M. Coia:
1 Psiquiatra.
1 ATS.
-U.S.M. lavadores:
1 psiquiatra.
1 ATS.
-U.S.M. Cangas:
1 psiquiatra.
1 ATS.
-U.S.M. Infanto-xuvenil:
1 psicólogo.
-Hospital de día:
1 psiquiatra.
1 ATS.
1 auxiliar.
Hostelería:
1 pinche.
Limpeza:
2 auxiliares comedor e limpeza.
Administración:
1 auxiliar administrativo.
Telefonistas:
1 efectivo.
Mantemento:
1 efectivo.
Almacén:
1 axudante de almacén.
62
