Manuel Pérez Echenique, maxistrado-xuíz do Xulgado de Primeira Instancia e Instrucción número un dos de Santiago de Compostela e o seu partido. Fai saber, que nos autos de xuízo executivo, seguidos co número 128/1996, dictouse sentencia con data
20 de setembro de 1996, co encabezamento e decisión do teor literal seguinte:
«Vistos, por Manuel Pérez Echenique, maxistrado-xuíz do Xulgado de Primeira Instancia e Instrucción número un desta cidade e o seu partido, os presentes autos de xuízo executivo, seguidos neste xulgado co número 128 de 1996, entre partes, dunha como demandante, a entidade Banco Central Hispanoamericano, domiciliada en Madrid, representada en autos polo procurador García-Piccoli Atanes, asistida da letrada Rodríguez Arroyo, e doutra como demandados, José Ramón Liñayo Leboráns e María Elena Porto García, veciños desta cidade, con domicilio na rúa Santiago de Chile e Romero Donallo, edificio Queixume, portal 1, piso 7-C, incomparecidos e en situación procesual de rebeldía, sobre póliza de préstamo.
Decido, que debo mandar e mando seguir adiante a execución despachada neste proceso contra José Ramón Liñayo Leboráns e María Elena Porto García, facendo remate dos bens embargados e que se embarguen, e co seu producto enteiro e cumprido pagamento á parte executante, a entidade Banco Central Hispanoamericano S.A. da suma principal de 1.239.890 pesetas, consignadas pola parte executada, gastos, xuros pactados e legais, e custas causadas e que se causen, que preceptivamente se lle impoñen á parte que debe, a quen lle será notificada esta resolución na forma e modo que dispón a lei para os rebeldes; facéndolles saber ás partes que esta resolución non é firme e contra ela cabe recurso de apelación dentro de cinco días perante a Audiencia Provincial da Coruña.
Lévese certificación ó preito principal.
Así, por esta miña sentencia, xulgando definitivamente en primeira instancia, pronúncioo, mándoo e asínoo».
A anterior sentencia foi publicada no mesmo día da súa data.
E para que así lles sirva de notificación ós demandados rebeldes, José Ramón Liñayo Leboráns e María Elena Porto García, expido o presente edicto que asino e selo en Santiago de Compostela o cinco de decembro de mil novecentos noventa e seis.
O maxistrado-xuíz
Rubricado
O secretario
Rubricado
245