O artigo 28.2º da Constitución española recoñece o dereito de folga dos traballadores para a defensa dos seus intereses, a pesar de que limite o seu exercicio para garanti-lo mantemento dos servicios esenciais da comunidade. O Decreto 155/1988, do 9 de xuño, no seu artigo 3 faculta o conselleiro competente por razón dos servicios esenciais afectados para que, mediante orde, e ante unha situación de folga decida o mínimo de actividade necesaria para asegura-lo mantemento dos servicios, así como para determina-lo persoal preciso para a súa prestación.

Por esta razón, cómpre a determinación de servicios mínimos ó ter carácter esencial os de abastecemento e mantemento de bens de utilidade pública, tal como recoñece o propio Decreto 155/1988, do 9 de xuño, da Xunta de Galicia e, convocada a folga que comezará ás 6 horas do día 15 de decembro de 1996 e rematará ás 6 horas do día 17-12-1996 no centro de traballo de Endesa nas Pontes de García Rodríguez, esta consellería, oído o comité de folga, e en virtude das competencias que lle atribúe o mencionado decreto e demais disposicións de aplicación,

DISPÓN:

Artigo 1º

Mentres dure a folga anunciada para o día 15 e 16 de decembro do presente ano, que comezará ás 6 horas do día 15-12-1996 e rematará ás 6 horas do día 17-12-1996 no centro industrial de Endesa nas Pontes de García Rodríguez, os servicios mínimos serán os seguintes:

1. Día 15 de decembro (domingo).

No caso de producirse algunha avaría ou incidente de carácter grave, a dirección e o comité de folga reuniranse co fin de acorda-lo persoal necesario para a correspondente reparación.

2. Día 16 de decembro (luns).

Caben tres supostos dependendo do volume previsto de carbón almacenado no parque de carbóns da central térmica ás 6 horas do luns día 16.

A) Mina parada.

B) Funcionamento dunha escavadora, unha amoreadora e parque de regulación.

C) Funcionamento de dúas excavadoras, unha amoreadora e parque de regulación.

*Estimación que se realizará o venres día 13-12-1996, ás 12 horas.

A) Servicios mínimos mina parada.

B) Servicios mínimos para unha escavadora, unha amoreadora e parque de regulación.

C) Servicios mínimos para dúas escavadoras, unha amoreadora e parque de regulación.

En tódalas situacións anteriores, caso de producirse algunha avaría ou incidente de carácter grave, a dirección e o comité de folga reuniranse co fin de acorda-lo persoal necesario para a correspondente reparación.

Artigo 2º

O incumprimento desta obriga de mante-los servicios mínimos fixados na presente orde será sancionado de conformidade coa lexislación vixente aplicable.

Artigo 3º

A presente orde entrará en vigor o mesmo día da súa publicación no Diario Oficial de Galicia.

Santiago de Compostela, 10 de decembro de 1996.

Antonio Couceiro Méndez

Conselleiro de Industria e Comercio