Examinado o expediente incoado pola titularidade do centro privado Landro-Viveiro de Viveiro (Lugo) en solicitude de autorización definitiva, para a súa apertura e funcionamento, no nivel de educación infantil-2º ciclo no dito centro.
Resultando que o expediente foi tramitado pola Delegación Provincial de Educación e Ordenación Universitaria de Lugo que o envía cos informes emitidos pola Inspección de Educación e pola Unidade Técnica.
Vistos o Real decreto 1004/1991, do 14 de xuño, polo que se establecen os requisitos mínimos dos centros que imparten ensinanzas de réxime xeral non universitarias (BOE do 26), o Decreto 133/1995, do 10 de maio, sobre autorización de centros docentes privados para impartir ensinanzas de réxime xeral non universitarias (DOG do 22), e a Orde do 20 de setembro de 1995 (DOG do
15 de decembro), que desenvolve o devandito decreto, e demais disposicións complementarias.
Considerando que o centro reúne os requisitos necesarios de acordo coas disposicións vixentes na materia.
Esta consellería,
DISPÓN:
Concédelle autorización definitiva, para a súa apertura e funcionamento, para unha unidade de educación infantil-2º ciclo ó centro privado Landro-Viveiro de Viveiro (Lugo), facendo constar que a titulación do profesorado deberá axustarse ó disposto no Real decreto 1004/1991.
Santiago de Compostela, 7 de novembro de 1996.
Celso Currás Fernández
Conselleiro de Educación e Ordenación Universitaria
ANEXO
Provincia de Lugo.
Concello: Viveiro.
Localidade: Viveiro.
Enderezo: Nicolás Cora, 60.
Denominación: Landro-Viveiro.
Titular: Sociedad Cooperativa Limitada Colegio Landro.
Nivel: educación infantil-2º ciclo.
Unidades que se autorizan: 1
8638