Examinado o expediente incoado por Antonio Palacios Mata, director do centro privado Colegio Internacional Sek-Atlántico de Poio (Pontevedra), en solicitude de cambio de titularidade do devandito centro.
Resultando que mediante escritura pública notarial de cesión de titularidade, outorgada ante o notario do Ilustre Colexio de Madrid Federico Paredero del Bosque Martín, a entidade mercantil Profesores reunidos, S.A. cede a súa titularidade, para tódolos efectos, a favor de Sek-Atlántico, S.L.
Resultando que o expediente foi tramitado pola Delegación Provincial de Educación e Ordenación
Universitaria de Pontevedra, que se uniron a este os documentos esixidos e que a petición recibiu informe da Inspección de Educación.
Resultando que o referido centro docente ten a correspondente autorización para impartir ensinanzas.
Vistos o Real decreto 2377/1985, do 18 de decembro (BOE do 27), o Decreto 133/1995, do 10 de maio (DOG do 22), e demais disposicións complementarias.
Considerando que se cumpriron neste expediente tódolos requisitos esixidos pola normativa vixente nesta materia.
Esta consellería,
DISPÓN:
Autoriza-lo cambio de titularidade do centro privado Colegio Internacional Sek-Atlántico de Poio (Pontevedra) a favor de Sek-Atlántico, S.L., con tódolos dereitos e obrigas contraídos pola cesionista Profesores Reunidos, S.A., sen prexuízo das responsabilidades que puidesen recaer sobre a anterior titular do centro por actos ou omisións realizados antes do cambio de titularidade que se autoriza.
O cambio de titularidade non afectará ó réxime de funcionamento do centro.
Santiago de Compostela, 30 de outubro de 1996.
Celso Currás Fernández
Conselleiro de Educación e Ordenación Universitaria
8639