Perante este Xurado Provincial de Montes Veciñais en Man Común, tramítase expediente 333 de clasificación do monte que ten as características que se indican a continuación:

Denominación: De Vilarcovo.

Comunidade: Vilarcovo.

Parroquia: Colúns.

Concello: Mazaricos.

Superficie: 145 ha.

Lindeiros:

Procede do monte Ruña, nº 103-K do C.U.P.

Norte: do piquete nº D-18 situado no muro do enclavado D, coñecido como Prado de Félix e seguindo restos de muro ata o punto coñecido como Petón de Campelo, con resto do monte Ruña.

Leste: do Petón de Campelo seguindo restos de muro e despois en liña recta ata o muro coñecido como do Prado do Anselmo, desde aquí seguindo muro ata o punto denominado Cruz da Basteira, e segue a pista ata o lugar coñecido como Castelo da Ruña, con mais monte Ruña e monte pertencente á comunidade de Cives, Sande e Mundín.

Sur: desde o Castelo da Ruña seguindo restos de muro ata o piquete nº 1.539 do deslindamento, con monte pertencente á comunidade de Cives, Sande e Mundín.

Oeste: do piquete nº 1.539 ó 1, e deste ó 3 seguindo a orde de piquetes, con monte Pedregal e Ruña, da parroquia de Arcos. Do piquete nº 3 ó nº 135 seguindo a orde de piquetes, con propiedades particulares de veciños de Vilarcovo. Do piquete nº 135 en liña recta ata o D-10, no muro do enclavado D coñecido como Prado de Félix, con máis monte Ruña.

En virtude do acordado polo xurado, e en cumprimiento da orde do instructor, do 19 de agosto de 1996, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesados, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, aportando, se é o caso, a documentación que consideren conveniente ó respecto.

A Coruña, 19 de agosto de 1996.

Manuel Puente Araújo

Secretario do Xurado Provincial de Montes Veciñais en Man Común da Coruña

Visto e prace

Ramón Olano Calleja

Instructor do Xurado Provincial de Montes Veciñais en Man Común da Coruña

7039